Matiu 12:18 - DAWAN BÎLA AISKA

¹⁸ “Naha sika yang duki dadaukra bâk sakri ba, witin ra latwan kaikisna, bara witin dukiara sin lilia sna. Spiritki ba witin purara mangkamna, bara witin kuntri nani sut ra lâika tânka kasak ba aisabia.

Matiu 12:18 ပူးပေါင်းရင်းမြစ်များ

Lawana Nani 89:19

Aima wala ra diara aihka kaikram ba aisaram, bara nampakan kasakkira nani ra wiram: “Yang upliki tila wina kupia karnakira kum bâk saki briri purara bukri bara hilp munri.

Aiseya 11:2

Dawan Spiritka ba witin ai purara ban takaski kabia, bara sins lâka, âuyama kaia yabia, diara tânka luki sakaia, lâ tânka smalki mariki kaia, karnika sin yaia, diara tânka kaikaia bara Dawan sibrinka sin.

Aiseya 42:1

“Nâra kaiks yang duki dadaukra ba, yang bui witin ba alki brisna, bâk sakri ba, witin ra yang sulki ba âiyapah sa. Spiritki ba yang bui witin ai purara mangkri; witin mita kasakka lâka ba nisan nani ra bri balaia.

Aiseya 52:13

Bara kaiks yang warkki dadaukra warkka ba, pain man takbia, purara sin bukan kabia, bara laih purara mangkan kabia.

Aiseya 53:11

Ai sulka sari, pât ailal brin ba ningkara, ingni ba kaikbia, bara ai âuyapah takbia; Dawan napakan kasakkira ba, upla ailal ra kasakkira kulkbia bara sin pri sâkbia, bara ai watawanka nani ba twilki brih wabia.

Aiseya 62:2

Nisan nani ba kaikbia man swak takan lâka sma ba, king nani ba sin sut man pramna ba kaikbia. Bara man ninam raya kum, Dawan wina mâki maikbia.

Jirimaya 16:19

Dawan, yang karniki bara kaini kakahbra, yang yukuwaiki trabil brisna piua ra; nisan nani ba man ra balbia, tasba paskanka takaskan ba wina bal, bara mai wibia: “Kunin gâdka nani, diara bahki, karnika âpu nani ba baman, damiki nani ba ai dukia kukanka baku brin.

Sakaraya 3:8

Jasua, prîs tara, aman pali wals, prîs wala nani ba sin naha na walaia sa, kan man nani sut naika yang duki dadaukra Urhwi Takaia ba lilka kum sma.

Matiu 12:17

Naha na naku takan, prapit Aiseya aisan ba aimakaia dukiara:

Matiu 17:5

Kau Pita aisi kan ba ra, kasbrika ingni kum witin nani ra madiskan; bara kasbrika ba wina bîla baikra kum aisin, naku walata: “Naha sika Luhpi laitwankira. Witin sika yang bâk saki briri ba. Man nani bui witin ra wals.”

Mark 1:11

Bîla baikra kum sin kasbrika pura ba wina naku wisata: “Man ba yang Luhpi laitwankira sma; man ba bâk saki mai briri.”

Mark 9:7

Bara witin nani purara kasbrika kum bal madiskan. Kasbrika ba wina sin bîla baikra kum walan, naku aisin: “Naha sika Luhpi laitwankira; man nani bui witin ra wals.”

Luk 23:35

Upla nani sin bahara bûi kaiki kata, wihta tara nani mita sin ai lawaska kiki, naku aisi kan: —Upla wala nani ra swaki sakan; bamna nanara witin swak takbia, witin ba kasak Misaya sa kaka, Gâd mita bâk sakan ba.

Luk 3:22

bara Spirit Holikira ba latan kaikan butku baku witin purara bal iwan, bara bîla baikra kum kasbrika pura ba wina takan, naku win: —Man ba yang Luhpi laitwankira sma, bâk mai saki mai briri.

Luk 4:18

“Dawan Spiritka ba yang purira sa, kan aihka ai sakan sa, sturi yamni upla umpira nani ra brih waia dukiara; silak ra mangkan uplika nani ra pri lâka smalkaia ai blikan, bara blain nani ra yarka kaikaia, taiban ra uplika nani ba pri sakaia;

Luk 9:35

Bara kasbrika ba wina bîla baikra kum walan, naku win: “Naha sika yang Luhpi bâk sakri ba; man nani bui witin ra wali banhs.”

Jan 3:34

bamna Gâd mita blikan uplika ba, Gâd bîla nani ba aisisa, kan Gâd mita ai Spiritka ba piua bani yabisa.

Apastil Nani Sturka 10:38

Man nani kaikisma Gâd Jisas Nasaret wina bara Spirit Holikira karnika yan ba, witinka diara pain man dauki tauki kan, bara baha nani dibil karnika mununhtara pât wahwi kan ba sut rakan. Baku daukaia sip kan, Gâd lika witin wal kan bamna.

Apastil Nani Sturka 11:18

Bara wan muihni nani Jerusalem ra nani ba naha sturka walan ba ra, mapara aisi kata ba sâp takan, Gâd ra ni mayuni, naku win: —Baku sa kaka, Gâd mita Ju apia nani ra sin sans yaban ai kupia lakaia, bara raya ban kaia lâka briaia.

Apastil Nani Sturka 14:27

Witin nani Antíoco ra balan ba ra, serts uplika nani sut asla paiwan, bara baha nani ra win, dîa dîa Dawan bui witin nani ra daukan ba, bara nahki Gâd mita Ju apia nani ra sin yabalka ba sakan kasak lukaia dukiara.

Epesus 1:6

Baha mita yawan piua bani Gâd ra mayunisa ai latwanka tara ba dukiara, baha sim latwanka ni yamni wan munan sa, yawan ai Luhpia latwan pali wal asla sa bamna.

Kolosi 1:1

Yang Pal, Gâd kupia lâka ba mita Jisas Kraist apastilka sna, wan muihni Timoti ba wal,

Kolosi 1:13

Gâd mita tihmia karnika wina dakbi wan saki, ai Luhpia latwankira king aimaki ba pliska ra wan mangkan,

1 Pita 2:4

Baku bamna, man nani, Dawan lamara bal, walpa rayakira kum baku. Upla nani mita Kraist ba lulki swin, kuna Gâd mapa ra lika walpa bâk saki brin kum sa, bara mana tara brisa.

2 Pita 1:17

Yang nani kaikri, Gâd Aisa mita pain kulkan lâka bara prana sin yan ba, bara Gâd bîla baikra baha pranakira ra aisan ba naku natka ra sa: “Naha sika yang luhpi laitwankira, witin ra bâk sakri ba.”