Matiu 11:5 - DAWAN BÎLA AISKA

⁵ Wis nahki kaikras nani kaiki ba, skahwa nani wapi ba, liparkira nani rakan sa, kiama prawan nani ba walaia sip sa, pruan nani ba kli bukan sa, bara umpira nani ra sturi yamni ba smalkan sa.

Matiu 11:5 ပူးပေါင်းရင်းမြစ်များ

2 King Nani 5:14

Baku ba ra Naamán wan bara aima 7 Jordan awala ra buswi takan, baha kat Gâd prapitka win ba baku takan, sikniska ba rawan wahma lupia baku takan bara klin sin takan.

2 King Nani 5:7

Bara Israel kingka ba naha wauhkataya aisi kaikan ba ra, ai prâka ba kalkan, bara win: —¿Yang na Gâd ki, upla rayaka yabi ba bara saki ba, bara naha na yang ra blikaia ai liparka ba wina rakaia? ¡Nanara aman kaiks, nahki yang maipara mini prukaia taukisa sapa!

Lawana Nani 146:8

Dawan bui upla nakras nani nakra ilingkisa: Dawan bui baha nani kauhan nani ba bukisa; Dawan lika kasakkira nani ra latwan kaikisa.

Lawana Nani 22:26

Taiban ra uplika nani sma ba plun pis, man nani aibanhwisma ba kat; man nani bui Dawan plikisma ba, witin ra mayuns, bara mani ailal raya kama.

Impakan Sturka 4:11

Sakuna Dawan pana witin ra win: —¿Ya mita upla ra bîla ba dauki yan? ¿Bara ya mita sin upla bîlas, kiama prawan, nakras, nakra yamni bri nani ba sin daukan? ¿Yang mita baman daukri apia ki?

Aiseya 29:18

Baha piua ra kiama prawan nani ba baha wauhkataya bîla aisi kaiki ba walbia, blain nani sin kaikaia sip sa, pukni bara tihmu ba wina.

Aiseya 29:19

Bâra mika bawikira nani ba ailal lilia lâka ra Dawan ra kasak lukbia, upla nani kau umpira pali ba sin Israel Gâdka Holikira ba wal lilia bribia.

Aiseya 43:8

“Upliki nani ba man wis balaia, nakra bri sakuna sip kaikras ba, ai kiama brisa sakuna sip walras ba.

Aiseya 66:2

¡Naha diara nani sut ba yang daukri! ¡Bara baku mahka diara nani sut ba bal takan! Yang, Dawan, kasak aisisna: “Sakuna baha uplika yang bui witin kat kaikisna ba bawikira umpira luki ba bîli ba kulki yang bîli wali kulkaia.

Sakaraya 11:7

Bara sîp nani ikaia watla ra brih waia lâ daukan ba, mahka main kaikri. Bara âiatkra nani aikuki atkaia lâka ba yang daukri. Bara dus wâl brih, nina nani ba naku mâkri: kumi ba wîri “Hilpka yabaia”, wala ba wîri “Asla kaia”.

Matiu 10:8

Siknis nani ba râks, pruan nani ba kli buks, lipar bri nani ba klin sâks, bara lasa nani ba sin kangbi sâks. Naha karnika na man nani prisant briram; bamna warkka daukma bara mana bripara.

Matiu 11:4

Jisas mita pana baha nani ra win: “Man nani was, dîa dîa kaikisma bara walisma ba sut Jan ra wis.

Matiu 12:13

Bara Jisas mita siknis waitna ba ra win: —Mihtam sakbi bris. Bamna sakban bara rawan, sim ai mihta wala kata ba baku.

Matiu 21:14

Bara tempel ra blain nani kum kum bara skahwa nani sin Jisas lamara balan, bara witin mita sut rakan.

Matiu 5:3

“Lilia pali sa wan sulka dukia brin dauki nani ba, kan king lâka kasbrika purara ba wina witin nani ai dukia bamna.

Matiu 9:30

Bara ai nakra kli diara kaikan. Jisas mita karna smalki, naku wisata: —Man nani naha na upla kumi ra sin wipara.

Mark 7:37

Bara witin nani tâ iwi, naku aisin: “Diara sut pain daukisa: ¡kiama prawan nani yan walisa, bîla skalwi aisi nani yan sturi aisisa!”

Mark 9:25

Bara Jisas, upla ailal tutukwi kan kaiki, pirit saura ra lawi dauki win: —Man pirit bîlas, kiama prawra, yang adar maikisna man mahka taki was, tuktika na swis, bara kli sin witin ra bal dimpara.

Luk 4:18

“Dawan Spiritka ba yang purira sa, kan aihka ai sakan sa, sturi yamni upla umpira nani ra brih waia dukiara; silak ra mangkan uplika nani ra pri lâka smalkaia ai blikan, bara blain nani ra yarka kaikaia, taiban ra uplika nani ba pri sakaia;

Jan 10:25

Jisas pana win: —Yang pat mai wîri, sakuna man nani kasak ai lukras sma. Diara nani daukisna ba lika Aisiki karnika ra sika, bara baha ba mita param marikan sa;

Jan 10:38

Sakuna daukisna kaka, yang pali ra kasak lukras kama kra, kuna diara nani daukisna ba ra kasak luks, bara baku mika man nani kaiki kama, Aisa ba yang ra iwisa bara yang sin witin ra.

Jan 2:23

Jisas Insal luan yua Liliaka tara piua ra Jerusalem ra kan; bara upla manis witin ra kasak lukan, sain aihka nani witin daukan ba kaiki.

Jan 3:2

Tihmia kan ba ra, Nikudimus ba Jisas kaikaia wan, bara naku win: —Smasmalkra, yang nani kaikisna wan smalkaia dukiara, Gâd mita man ba mai blikan sa; kan upla âpu sa sain aihka nani daukaia, man daukisma ba baku, Gâd ba witin wal apia sa kaka.

Jan 5:36

Sakuna yang witniski kum brisna, Jan ba wal kau tara sa. Diara nani daukisna ba, baha daukamna wisi Aisa mita mihti ra mangkan bamna, param mamrikisa yang na, Aisa mita ai blikan sa.

Jan 9:7

Ningkara witin ra win: —Siloé laya madakura ra wih aihtas (baha nina tânka ba lika: “Blikan”). Blain ba wih aihtaban, bara kli tawi balan ba ra, witin sip kan diara kaikaia.

Apastil Nani Sturka 2:22

“Israel luhpia nani, pliskam naha na pain wals, dîa pali dukiara aisi kamna ba: Baha Jisas Nasaret wina kan ba Gâd mita witin ba waitna painkira kulkan kata, man nani mamwan kat witin mita diara aihka tara nani, sain nani sin daukan. Bara baha tânka ba pain kaikram.

Jems 2:5

Muihki laitwankira nani, naha na aman pali wals: Gâd mita naha tasba ra kau umpira nani ba bâk sakan sa, kasak lukan lâka mapa ra yuyakira kabia dukiara. Bara witin ra latwan kaiki nani ra, king lâka yaia pramis munan ba, yabia sa.