Matiu 10:5 - DAWAN BÎLA AISKA

⁵ Naha 12 na Jisas mita blikan wan, naku smalki: “Gâdkas nani tasbaya ra wapara, Sameria tawanka nani ra sin dimpara;

Matiu 10:5 ပူးပေါင်းရင်းမြစ်များ

Matiu 22:3

Ai albika nani blikan, paiwan uplika nani ba marit pata ra balbia wiaia, sakuna witin nani balaia apia win.

Matiu 4:15

“Zabulón bara Neftalí tasbaya, kabu lamara yabalka ra, Jordan lalma tani ra: Galili, bahara Ju apia nani iwi ba.

Mark 6:7

Bara disaipil nani 12 ba wini, baha nani ba wâl wâl ra blikan, bara pirit saura nani kangbi sakaia karnika sin yan.

Luk 10:1

Naha diara ningkara, Dawan lika kau upla 72 bâk saki brin, bara baha nani ba wâl wâl ra saki ai kainara blikan, tawan nani bara plis bani ra witin waia kan ba sut ra.

Luk 10:33

Sakuna Sameria waitnika kum sin baha yabalka bâk auya kan, bara waitnika ba kaikan ba ra, latwan kaikan,

Luk 17:16

Bara Jisas mawan kat bal ai lula kriki, tasba kat aimakupan, tingki wiaia dukiara. Naha waitnika na lika Sameria wina kata.

Luk 9:1

Jisas ai disaipilka 12 ba asla paiwi, baha nani ra karnika bara adar sin yan, pirit saura nani kangbi sakaia bara siknis nani rakaia sin.

Luk 9:2

Witin baha nani ba blikan, Gâd Kingka Lâka sturka ba smalkaia, sikniskira nani sin rakaia.

Jan 17:18

Naha tasbaya uplika nani ra ai blikram ba baku sin, yang mita naha nani yang mita tasba ra blikisni.

Jan 20:21

Baha ningkara Jisas kli win: —¡Kupia kumi lâka man nani wal kabia! Aisa mita yang ai blikan ba baku, yang mita man nani ba mai blikisna.

Jan 4:20

Wan damika nani Sameria wina kan ba, naha ilka ra Gâd ra ai pura suni mayuni kan; sakuna man nani Ju nani bila, Jerusalem ra baman Gâd ra wan pura suni mayunaia sa.

Jan 4:5

Bamna witin Sameria tawanka kumi ra balan, nina ba Sicar; baha ba lika Jekob mita ai luhpia Josep ra tasba kum yabata ba wal baila kan.

Jan 4:9

Sakuna Ju nani ba Sameria uplika nani wal diara briras bamna, mairka ba naku Jisas ra win: —Man ba Ju uplika kum sma, ¿bara nahki man bui yang ra lî diaia makabisma, kan yang na Sameria wina mairka sna na?

Jan 7:35

Bamna Ju nani pana pana tawi makabi wali kan: —¿Naha na anira waisa ki, sip wal prawras kabia wi ba? ¿Apia kaka Ju nani ra waisa, tringsar nani tilara yakabrira iwi ba ra, idan nani ra smalkaisa?

Jan 8:48

Bamna Ju nani Jisas ra win: —Yang nani aisisna ba lika kasak sa: man ba Sameria uplika kum sma bara pirit saura brisma.

Apastil Nani Sturka 1:8

Sakuna man nani puramra Spirit Holikira balbia ba ra karnika brima, bara yang dukira witnis nani kama Jerusalem ra, Judia tawanka aiska ra, Sameria ra, ban wan tasba wala ra kau laihura ba kat sin.

Apastil Nani Sturka 10:45

Ju lalukra nani Pita wal balan kan ba tâ iwan, Spirit Holikira ba Ju apia uplika nani ra sin yabuya ba dukiara.

Apastil Nani Sturka 8:1

Bara Saulo bâra kan, Stiben pruanka ra luki aitani tânka yabi. Bara baha sim yua, Jerusalem ra serts bâra kan ba mapara rausauhkanka tara pali buan. Lalukra nani ban plis plis ra plapan, Judia bara Sameria tasbaya nani ra; sakuna apastil nani lika bâra kan.

1 Tesalonaika 2:16

Ju apia nani ba ra sin yang nani aisaia lukri, witin nani sin swaki sakan kaia mata, sakuna witin nani bui yang nani ai swin aisaras. Bara baku natka ra witin nani saura daukan ba kau tara daukan. Sakuna nanara lâs kat, klala saura pali ba Gâd wina witin nani purara balan sa.