Matiu 10:21 - DAWAN BÎLA AISKA

²¹ “Upla nani ai muihnika nani ra kunin muni prura pâtka ra dingkbia, aisa nani mita sin ai luhpia nani ra baku munbia; luhpia nani ba ai aisika nani mapara bubia, bara prura mihta ra mangkbia.

Matiu 10:21 ပူးပေါင်းရင်းမြစ်များ

2 Samuil 16:11

Ba ningkara, witin Abisai ra bara wihta tara nani ra sin tawi, aisi, win: —Yang luhpi pali rayaki ba tikaia plikisa, bara Benjamín taika kum ba, ¡kau nahki prais saura lukisa lukisma! Swis witin nani saura ai wibia, Dawan bui witin ra adar yan kaia sa baku daukaia.

Job 19:19

Kau upliki pali nani ba mita sin ai kulkras takan sa, yang mita kau latwan kaikisna uplika ba sin maipara buan sa.

Lawana Nani 50:20

Man muihkam dahra kwahkisma; ¡muihkam pali ba mapara bîla wirha nani wisma!

Aiseya 19:2

“Idsip uplika nani ba, ai tila kat mapara buaia daukamna bara kumi bani ai muihni mapara aiklabia, ai uplika nani mapara tawan ba tawan mapara, king tasbaya lâka ba king tasbaya lâka mapara aiklabaia.

Sakaraya 13:3

“Bamna upla kum ban dahra aisaia wibia kaka, aisika bara yaptika wal witin ra wibia: ‘¡Man pruaisma, kan Dawan ai bîla dahra aisi ba ninak man kuninkam ba aisaisma ba tâwan!’ ¡Ai aisika, ai yaptika pali mita skiru ni sabia, witin prapit baku aisi kabia ba ra!

Matiu 24:10

Baha piua ra upla ailal ai kasak lukan lâka ba tikbia, bara pana pana ai walka ra misbara kaikan kabia, waihla mihta ra sin mangkbia.