Matiu 10:20 - DAWAN BÎLA AISKA

²⁰ Kan man nani lika aisama apia, kuna Aisikam Spiritka sika man nani bâk aisabia ba.

Matiu 10:20 ပူးပေါင်းရင်းမြစ်များ

2 Samuil 23:2

“Dawan Spiritka ba yang bîli bâk aisisa; ai bîla aisinka ba yang twisi ra sa.

Impakan Sturka 4:12

Bamna was, yang lika man wal kamna aisisma piua ra, bara mai smalkamna dîa aisaia sma ba sin.

Matiu 6:32

Gâd kakaira apia nani ba baha diara nani ba dukiara trabil taki lukisa, sakuna man nani kum kasbrika purara brisma, bara witin kaikisa man nani naha dukia nani sut âpu sma ba.

Mark 12:36

Kan Debit pali Spirit Holikira ingnika mita, naku win: ‘Dawan mita yang Dawanki ra win: Man mihti aihkika ra iws, yang mita waihlam nani minam munhtara mangkamna ba kat.’

Luk 11:13

Man nani upla saura, ban sakuna luhpiam nani ra diara pain nani yaia nu sma, ¡kau pali Aisikam kasbrika purara ba Spirit Holikira yabia, baha nani witin ra makabia ba ra!

Luk 12:12

kan mahka aisaia kama ba ra, Spirit Holikira mita mai smalkbia dîa wiaia kama ba.”

Luk 21:15

kan yang mita dîa aisaia sma bîla nani bara sinska lâka ba sin maikamni, bamna waihlam nani kumi sin baha mapara bubia apia, aisabia sin apia.

Apastil Nani Sturka 13:9

Bamna Saulo, nina wala Pal wi ba, Spirit Holikira ni aibanhwan, bara witin mita sukia ba kat aman kaiki,

Apastil Nani Sturka 2:4

Kumi bani ba Spirit Holikira ni aibanhwan, bara mahka bîla sât wala nani ra aisin, Spirit mita yan aisan ba kat.

Apastil Nani Sturka 28:25

Witin nani ai tilara aikuki sip lukanka kumi sakras kan bamna, mahka taki aidruban. Bara Pal bila: —Spirit Holikira ba prapit Aiseya bâk pain aisin wan damika nani ra.

Apastil Nani Sturka 4:8

Bamna Pita ba Spirit Holikira ni aibanhwan, bara baha nani ra naku win: —Man nani lika naha uplika nani wihtka nani sma ba, bara almukka nani sin:

Apastil Nani Sturka 6:10

Sakuna Stiben, Spirit Holikira wina sins lâka yan aisi kan ba mapara, witin nani lika sip buras kan.

2 Korint 13:3

Baku mika kaikma Kraist yang bâk dîa aisi ba tânka. Bamna Kraist man nani wal pramis daukan ba lika swapni daukras sa, sakuna man nani ra ai karnika ba mamrikisa.

1 Tesalonaika 2:13

Yang nani naha tâwan, piu sut Gâd ra tingki wisna. Gâd sturka yamni ba sal maikri ba ra, man nani walram bara alki briram; upla bîla baku lika briras katma, sakuna Gâd bîla baku mika. Bara kasak pali baha ba Gâd sturka yamni sika, bara man nani kasak lukisma ba tilamra baha ba wark daukisa.

1 Pita 1:12

Sakuna Gâd mita baha prapitka nani ra latan marikan ai warkka ba; witin nani ai dukia lika apia kan, sakuna yawan wan dukia kan ba. Bamna nanara, naha sim dukia sika man nani ra maisam pakan ba. Sturi yamni bîla twatwilkra nani, witinka nani Spirit Holikira kasbrika pura wina blikan ba karnika ni aisan ba mita, naha kasakka sturka nani mai win sa. Naha dukia nani lika insal nani pali sin tânka ba kaikan daukisa.

2 Pita 1:21

Kan prapit nani lika, aima kumi sin upla lâka kat ai kupia wina diara saki aisaras kan. Sakuna, witin nani lika upla nani kan, bara Spirit Holikira mita tâ bri kan ba mita, Gâd wina diara brih aisi kata.