Matiu 10:17 - DAWAN BÎLA AISKA

¹⁷ Aman kaiki bas, kan upla nani mita mai alki wihta nani mihta ra mai mangkbia, bara prias watla nani ra mai wipbia.

Matiu 10:17 ပူးပေါင်းရင်းမြစ်များ

Miqueas 7:5

Walkam ra kasak lukpara, witin nani ra sin luki tniwpara, mayam tnamya ra prawi ba ra sin kasak aman kaiki bas, witin wal dîa aisisma ba.

Matiu 10:18

Wihta tara nani bara king nani mawanra mai brih wabia, yang tâiwan; baku man nani sturi yamni ba aisaia sip kama witin nani mawanra, bara Ju apia nani mawanra sin.

Matiu 20:19

Ju apia nani mihta ra mangkbia witin swira daukaia mata, prukbia bara dus prihni ra sabia; sakuna yu yumhpa ra, pruan wina kli bukan kabia.

Matiu 23:34

Baha mita, yang bui man nani ra prapit nani, sinskira nani bara smasmalkra nani sin mai blikamna. Sakuna man nani mita witin nani tila wina tila nani ba ikma, dus prihni ra sama, wala nani ra lika prias watla nani bilara prukma, bara tawan kum wina tawan wala ra nina bliki rausauhkma.

Matiu 26:59

Prîs tara nani bara lâ wihta nani ba witnis pliki kan, kunin kabia sin ban, Jisas ba prura pâtka ra dingkaia dukiara.

Matiu 5:22

Sakuna yang bui man nani ra mai wisna: Ya ya ai muihni mapara ai kupia baikbia kaka, lâ pâtka dimbia. Ya ai muihni ra bîla saura wibia ba, lâ wihta nani mita ai lâka daukbia; bara ya ai muihni ra kunin lâka daukbia ba, hil pauta pâtka briaia pat baila sa.

Mark 13:12

Upla nani sin ai muihni mapara kunin aisabia bara ikbia; aisa nani mita ai luhpia nani mapara kunin aisabia; luhpia nani ai aisika ai yaptika wal mapara bubia, bara witin nani ra ikbia.

Mark 13:9

“Sakuna man nani aman kaiks. Witin nani wihta nani mihta ra mai mangkbia, bara Ju nani priaska watla nani ra mai wipan kabia. Man nani lika yang tâiwan wihta nani, king nani mawanra sin mai brih wabia, bara yang witniski baha nani mawanra sin aisama.

Luk 12:11

“Ju nani priaska watla nani ra mai priski brih wabia kaka, wihta nani kra, apia kaka pura karnika alki nani mawanra sin, trabil taki luki banhpara dîa pana wima, apia kaka dîa aisama ba,

Jan 11:47

Bamna parisi nani, prîs tara nani bara lâ uplika nani aikuki asla taki, makabi walan: —¿Yawan dîa daukaia sa ki? Naha waitnika lika wark aihka nani uya pali daukisa.

Jan 16:2

Ju nani priaska watla nani wina mai kangbi mai sâkbia, bara ban sin piua kum balbia ani uplika mita mai ikbia ba, witin lukbia baha ni Gâd warkka daukisa.

Apastil Nani Sturka 17:14

Wan muihni nani mita aihni pali Pal ba kabu un ra blikan wan. Silas bara Timoti wal lika Berea ra takaskan.

Apastil Nani Sturka 22:19

Bara yang wîri: ‘Dawan, witin nani pain kaikisa nahki yang Ju nani priaska watla nani ra wari, man ra luki uplika nani ba wipi silak ra brih wari ba sin.

Apastil Nani Sturka 26:11

Aima ailal sin witin nani ra klala yâri, ai kasak lukanka ba swibia wisi. Naha dauki kapri Ju nani priaska watla bani ra. Witin nani mapara sin kupi baiki ban nina bliki rausauhki kapri, plis tringsar nani ra sin.

Apastil Nani Sturka 9:2

Bara lâ daukaia karnika wauhkataya nani makaban, witin baha ba wal Damaskus Ju nani priaska watla nani ra wih plikaia, baha nani sturi yamni nina bliki ba sut alki Jerusalem ra bri sal silak ra atia mangkaia, waitna nani sapa, mairin nani sapa.

Pilipai 3:2

Aman kaiki banhwi bas baha upla saura nani ba mapara, witinka nani diara saura dadaukra nani bara wan wîna tara ra klaki banhwi ba.

2 Timoti 4:15

Man lika witin ba aman kaiki bas, wan smalkanka ba mapara witin kasak buan sa bamna.

Hibru Nani 11:36

Tila nani lika lawaska kikan nani ba ra klala ni wipan, pât nani brin, bara wala nani lika, sîn ni priskan kata bara silak watla ra sin mangkata.