Mark 9:41 - DAWAN BÎLA AISKA

⁴¹ Ya ya yang nini ra luki, man nani Kraist dukia sma wisi, lî kâp kum pan maikbia kaka, kasak pali witin ai prisantka bribia.

Mark 9:41 ပူးပေါင်းရင်းမြစ်များ

Matiu 10:42

Bara ya ya baha sirpika nani kum ra, nini bliki ba dukiara lî kauhla kâp kum pan yabia kaka, ai prisantka briaia kabia.”

Matiu 25:40

Bara King ba wibia: ‘Kasak pali man nani ra mai wisni, dîa dîa naha muihki bawikira nani ra diara kumi dukiara daukram ba, yang pali ra sika man nani ai daukram ba.’

Mark 4:10

Bara baha ningkara Jisas yakan takaskan, upla nani ai disaipilka 12 wal kan ba mita makabi walan, naha maprika lilka na dîa tânka sapa.

Roman 14:15

Bamna man ani pata pima ba mita muihkam mina batakisa kaka, ba kat lika man latwan lâka âpu sma tânka marikisma. Baku bamna, plun sât kum kum piaia want sma ba mita, yarka upla kumi sin tiwbiara, kan baha tâwan sin Kraist pruan.

Roman 8:9

Sakuna man nani lika wîna tara brinka ba daukaia lâka ra raya apia sma, kuna Spirit brinka ba daukaia mika, kan Gâd Spiritka ba man nani ra iwisa. Ani uplika Kraist Spiritka ba briras sa kaka, witin lika Kraist uplika apia sa.

1 Korint 15:23

Sakuna kumi bani ai pliska mangkan ba kat: Kraist ba sut tâura; baha ningkara, Kraist balbia ba ra, witin uplika nani ba.

1 Korint 3:23

bara man nani lika Kraist dukia sma, bara Kraist ba Gâd dukia sa.

2 Korint 10:7

Man nani lika diara nani wan mawan kat ba baman kaikisma. Bamna ani uplika kasak lukisa witin ba Kraist dukia sa, baha ba ban ai kupia ra bri kaia sa, baha sim natka ra yang nani sut na sin Kraist dukia sna.

Galesha 3:29

Bamna Kraist dukia sma kaka, man nani lika Ebraham kiamka, bara Gâd diara pramis munan ba brima.

Galesha 5:24

Bamna ya Kraist uplika sa kaka, uplika wîna brinka nani ba sut witin ai dusa prihni ra saban sa.