Mark 9:32 - DAWAN BÎLA AISKA

³² Sakuna witin nani baha aisi ba tânka briras kan, bara makabi walaia sin sibri kan.

Mark 9:32 ပူးပေါင်းရင်းမြစ်များ

Mark 16:14

Naika Jisas ai disaipilka 11 ra latan takan, tibil ra iwi kan piua ra; bara witin nani ra lawi daukan sip kasak lukras, ai kupia nani karna bri kan ba dukiara sin, witin nani lika Jisas buan ba kaikan uplika nani ra kasak lukras kan bamna.

Mark 7:18

Witin win: —¿Baku bamna, man nani sin tânka ba briras sma ki? ¿Walras sma ki dîa dîa lata tani wina upla ra dimi ba, sip tâski daukras?

Mark 8:33

Sakuna Jisas kir tawi ai disaipilka nani ra kaiki, bara Pita ra lawi dauki, aisin: —¡Yang wina taki was, Sitan! Kan lukankam ba Gâd lukanka baku apia sa, sakuna upla lukanka ba brisma.

Mark 9:10

Baha mita baha aisinka ba witin nani ai tilara man luki bri kan, sakuna pana pana ai mânka makabi wali kan, pruan nani wina buaia tânka ba dukiara.

Luk 18:34

Disaipil nani naha diara nani tânka briras kata, dîa dukiara witin nani ra wi kan ba sin tânka briras, kan baha diara nani ba lika witin nani tânka briaia apia dukia kan.

Luk 2:50

Sakuna baha aisin tânka ba witin nani briras kata.

Luk 24:45

Bamna Ulbanka nani tânka ba yan brin,

Luk 9:45

Sakuna witin aisi kan ba dukiara ai disaipilka nani tânka briras, kan Gâd mita witin nani ra adar yabras kan baha tânka ba briaia; witin nani sin sibrin dauki kan, dîa Jisas aisin ba tânka param saki wibia dukiara makabaia.

Jan 12:16

Tâ pali ra, disaipil nani naha diara nani tânka briras kan, sakuna Jisas pruan ba mita lika tânka brin, naha sut ba witin ra takaia kan ba, bara sin witin dukiara dîa ulban ba baku kat sin takan sa.

Jan 16:19

Jisas kaikan ai disaipilka nani ba witin ra makabi walan dauki kan, bamna naku win: —Yang mai wîri kau piua wiria baman ai kaikma apia, bara kau piua wiria ningkara kli ai kaikma. ¿Naha tânka dukiara man nani tilamra pana pana makabi walisma ki?

Jan 4:27

Baha pali piua ra disaipil nani ba aidrubi balan, bara witin nani sut aihka luki kan, Jisas mairin kum wal man aisi kan bamna. Sakuna witin nani kumi sin karnika âpu kan makabi walaia dîa want sapa, bara Jisas ra sin makabi walras kan, dîa muni mairin ba wal man aisi kan sapa.