Mark 9:29 - DAWAN BÎLA AISKA

²⁹ Witin aisin: —Naha sât lasa saura ba lika, pura sunra kira mita yan takisa.

Mark 9:29 ပူးပေါင်းရင်းမြစ်များ

Daniel 9:3

Bamna puri sunra bara makabanki ba sut, Dawan wan Gâdka ra aisari, plun piras, kwala almuk saura dimi, yamhpus ra sin iwi.

Matiu 12:45

Bara witin auya bara pirit kau 7 brih aula witin purkara kau saura nani, bara sut uplika ra dimi, baha ra iwi banhwisa bara kanra kata uplika ba nanara kau saura takisa. Naha sim baku takbia naha uplika saura nani ra.”

Matiu 17:20

Jisas bila: —Baha ba man nani kasak lukan lâka uya âpu sma ba mita. Kasak pali mai wisna, mostard mâ praiska lupia baku pan kasak lukan lâka ba bri banhma kaka, sip sma naha ilka ra wiaia: ‘Naha wina taki, plis wala ra was’; bara ilka ba wabia. Kasak pali man nani kasak lukisma kaka, diara sut daukaia sip sma.

Matiu 17:21

[Sakuna nahmuna piritka na pura sunra bara Gâd ra luki plun wahwi wal lika kangbi sakaia sip sa.]

Mark 9:28

Bara Jisas utla kumi ra diman ba ra, ai disaipilka nani ba tnaya ra bri si, makabi walan: —¿Dîa kan yang nani pirit saura ba sip kangbi sakras kapri?

Mark 9:30

Baha wina taki, Galili tasbaika bâk luan. Bara Jisas want apia kan upla baha walbia.

Luk 11:26

Bamna witin auya, bara pirit saura witin wal kau saura pali 7 brih aula, bara sut ba uplika ba ra dimuya, bamna baha uplika rayaka ba kau saura takuya, kan piua ra kata ba wal.”

Apastil Nani Sturka 14:23

Bamna serts nani bani ra tâ uplika nani mangkan. Baha ningkara, Gâd ra luki plun piras kira ai pura suni, baha ba Dawan mihta ra mangkan, witin nani sut witinka ra kasak luki kan ba.

1 Korint 9:27

Sakuna, wîni tara na rausauhkisna bara taibi munisna bîli walbia, baku mika yang bui upla wala nani ra smalkisna tâinka ba aihwa apia ai kulkbiara sîa.

2 Korint 11:27

Wark manis bri kapri bara trabil nani sin; aima ailal pain yapras kapri; plun kasak wauhri bara lî din sin ai dauki kan; aima ailal plun piras kapri; kauhla kasak wauhri, kwala âpu pâtka sin briri.

2 Korint 12:8

Baha latwan brisna ba wîni wina sâkbia dukiara, Dawan ra aima yumhpa makabri,

2 Korint 6:5

Baku bamna, wan wipi banhwan sa, silak ra sin wan mangkan; upla nani bin dauki wan munan, wark karna wankan taki banhri; yang nani sip sans aikras yapaia, bara plun kasak wahwi banhri.

Epesus 6:18

Man nani puram sunisma ba swipara, piu bani Gâd ra bik taki makabi bas, Spirit man nani tâm briaia. Ridi bas, lukankam swapras kira bara Gâd uplika nani sut dukiara sin man nani puram suni kama.

Jems 5:15

Bara witin nani kasak luki ai pura sunbia ba ra, siknis uplika ba rawbia, bara Dawan mita witin ra bukbia; bara saurka nani daukan kaka, sut swih tikan kabia.