Mark 9:25 - DAWAN BÎLA AISKA

²⁵ Bara Jisas, upla ailal tutukwi kan kaiki, pirit saura ra lawi dauki win: —Man pirit bîlas, kiama prawra, yang adar maikisna man mahka taki was, tuktika na swis, bara kli sin witin ra bal dimpara.

Mark 9:25 ပူးပေါင်းရင်းမြစ်များ

Sakaraya 3:2

Bamna Dawan insalka mita sitan ra naku win: “¡Dawan lawi mai daukbia! ¡Dawan Jerusalem ra latwan kaiki ba, lawi mai daukbia! Kan naha waitnika sika masku pauta wina sakan baku sa.”

Matiu 12:22

Bara Jisas ra waitna kum bri balan, witin ba blain bara sturi sin aisaras, pirit saura kum bri kan ba mita. Jisas mita rakan, bara waitna ba diara kaikaia bara aisaia sin sip kan.

Matiu 17:18

Bara Jisas mita lasa ra lawi daukan; bara witin mahka taki wan tukta waitna ba wina. Bara tuktika ba yamni takan baha piua wina.

Mark 9:15

Bara Jisas ra kaikan, upla sut tâ iwi, ai mapara plapan ai lakula wiaia.

Mark 9:24

Bara tuktika aisika ba karna winan: —Yang kasak lukisna. ¡Hilp ai muns kau kasak lukamna dukiara!

Mark 9:26

Bara piritka ba ai bîla baikra karna winan, tuktika ra kli yan lasa prukan, bara pruan baku swi si, taki wan. Ban upla nani lukan tuktika ba pruan sa.

Luk 11:14

Jisas mita pirit saura kum, waitna kum ra sturi aisaras bîlas dauki bri kan ba wina kangbi saki kan, bara pirit saura ba takan ba ra, bîlas kata ba mahka sturi aisin. Naha dukiara upla nani tâ iwan takan.

Luk 4:35

Jisas piritka tâski ra lawi dauki, win: —¡Bîlam praks, bara naha waitna na sin swis! Baku mika, pirit tâski ba mita waitna ba witin nani mawan kat tasba ra batakan, mahka sin witin ba wina takan, diara kumi sin watawi munras.

Luk 4:41

Siknis uplika manis wina pirit saura nani sin takan, bara bîla baikra wini, naku aisi kan: —¡Man ba Gâd Luhpia sma! Sakuna Jisas mita pirit saura nani ra lawi daukan, yan sin aisaras kan, witin nani kaikan witin ba Misaya kan.

Luk 8:29

Witin baku aisin, kan Jisas mita piritka saura ba ra win, witinka ba wina takbia. Aima ailal piritka saura ba mita alkan kan, bara upla nani mita mihta nani sîn ni priski aihwaki bri kan, sakuna baha sut dakban, bara pirit saura ba mita munan twi ra plapan.

Luk 9:42

Tukta ba Jisas lamara aula kan ba ra, pirit saura ba mita tasba ra lulki saban, bara kli munan lasa prukan; sakuna Jisas pirit saura ba ra lawi daukan, tuktika sin rakan, bara ningkara kli aisika ra yan.

Apastil Nani Sturka 16:18

Yu ailal baku dauki kan. Ban piua kum kat Pal kupia sauhkan, bara tawi baha piritka saura tukta mairin ra kan ba ra win: —Jisas Kraist nina ra yang mai wisna, witin ba wina taks. Bara baha minitka ra pirit saura witin ba swin.

Judas 1:9

Bamna arkinsal Maikel, Moses wîna tara briaia ba dukiara dibil wal aiklabi blahwi kan ba ra, witin dibil ra swira dauki kira pât ra lakras kan; sakuna naku baman win: “Dawan mita klala maikbia.”