Mark 9:24 - DAWAN BÎLA AISKA

²⁴ Bara tuktika aisika ba karna winan: —Yang kasak lukisna. ¡Hilp ai muns kau kasak lukamna dukiara!

Mark 9:24 ပူးပေါင်းရင်းမြစ်များ

2 Samuil 16:12

Ban kra Dawan lika yang trabilki nani kaikbia, bara naiwa saura ai win walisna na watlika ra, yamnika nani blîkbia.

2 King Nani 20:5

“Yang upliki nani wihtka Ezequías ra tawi wih wis: ‘Dawan, man damikam Debit Gâdka ba naku wisa: Yang lika man puram sunra ba walri bara man namkra laya nani ba sin kaikri. Yang mai rakaisna, bara lapta yumhpa dimbia yua ra Dawan tempelka ra uli was.

Lawana Nani 126:5

Baha nani ai nakra laya wal mangki ba, lilia wini kira mâ ba krikbia.

Lawana Nani 39:12

“Yang puri sunra wals, Dawan, ¡inanki ba kiamam pri tniki wals! ¡Baku sin yang naikra laya nani kaiki sâp kapara! Yang na man ra tringsar kum baku sna; piawira kum lui auya baku, damiki nani lui wan baku.

Jirimaya 14:17

Bamna man upla nani ra naha bîla na wis: ‘Tihmia ra bara kakna ra naikra laya takaskras ban kauhisa, yang upliki nani pât tara saura ra diman ba luki, saura pali insauhkan ba sarka.

Mark 9:23

Jisas bila: —Sip sna, man kasak lukisma kaka. ¡Kasak luki ba mapa ra, diara sut ba sip sa!

Mark 9:25

Bara Jisas, upla ailal tutukwi kan kaiki, pirit saura ra lawi dauki win: —Man pirit bîlas, kiama prawra, yang adar maikisna man mahka taki was, tuktika na swis, bara kli sin witin ra bal dimpara.

Luk 17:5

Apastil nani Dawan ra makaban: —Kau kasak lukan lâka ba yang nani ra aik.

Luk 7:38

Mairin ba ini Jisas lamara wih, witin mina nani ra ai nakra laya ni buskan. Ningkara, ai tâwa ni dikan, kiawalan, batana kîa pain ba ni sin yukan.

Luk 7:44

Jisas mairin ba ra kaiki si, Saiman ra win: —¿Man naha mairka na kaikisma ki? Yang wamtla ra dimri bara man lî aikras mini nani sikbaia, sakuna naha mairin ai nakra laya ni yang mini nani sikban, bara ai tâwa ni sin dikan.

Apastil Nani Sturka 10:19

Sakuna Pita lika diara aihka kaikan ba dukiara kau ai kupia wal aisi kan ba ra, Spirit Holikira bila: “Kaiks, waitna yumhpa mai plikisa.

Apastil Nani Sturka 10:31

Bara naku ai win: ‘Cornelio, Gâd lika man puram sunra ba walan, bara ai kupia sin krawan man mita upla umpira nani ra hilp munisma ba.

2 Korint 2:4

Bara baha wauhkataya man nani ra ulbri ba ra, uya kupi ra trabil bri kapri, bara sari ai daukan ban sin ini katna; sakuna sari bri kama wisi lika ulbras katna, kuna kaikma man nani ra latwan mai kaikisna ba lika tara pali sa.

Epesus 2:8

Bamna Gâd latwanka lâka ba mita sika, man nani swaki mai sakan ba kasak lukan lâka bâk. Naha tânka na lika, man nani mita dîa kum daukram ba mita lika apia, sakuna baha lika Gâd mita ban prisant maikan sa.

Pilipai 1:29

Kan Kraist ba mita man nani kasak baman lika lukras, sakuna witin tâwan sin pât wahwaia.

2 Tesalonaika 1:11

Naha mita sika man nani dukiamra, piu sut puri suni banhwisna. Yang nani Gâd ra makabisna, man nani ba aitani mai kulki mai bri kabia dukiara, kan witin mita mai paiwan bamna. Bara puri sin sunisna, brinkam pain nani sut ba bara kasak lukankam wal warkkam nani daukisma ba sut sin, Gâd mita ai karnika ni maikbia.

2 Tesalonaika 1:3

Muihni nani, piu bani man nani sut dukiamra yang nani mita Gâd ra tingki wiaia sna; aitani sa baku dauki banhwi kamna, kan man nani kasak lukankam lâka ba tara pâwisa, bara pana pana walkam ra latwan lâka brisma ba sin piua bani kau tara takisa.

2 Timoti 1:4

Namkra laya nani sakram ba sin yang ban lukisna, bara yang bui man ba mai kaikan pali ai daukisa, bara baku mika uya lilia takamna.

Hibru Nani 12:17

Bara man nani pain kaikisma, baha ningkara Isau ai aisika wina yamnika ba want takan ba ra, ai ninara kli lakan kata; bara witin kasak inan sakuna, diara daukan ba lakaia tânka sip pliki sakras kan.

Hibru Nani 12:2

Wan nakra nani na Jisas kat kaiki kap, witinka wina wan kasak lukan lâka ba, tâ wina tnata kat yawan ban bri ba. Jisas ba dus prihni ra pât wahwan, bara bahmuna pruanka saura ba wal pruya ba dukiara ai swira lukras, kan witin kaiki kan pât wahwaia ba ningkara, ai âuyapah kaia kan bara lilia sin; bara nanara, Gâd king iwaika lama pali kat wih iwisa.

Hibru Nani 5:7

Kraist naha tasba ra tauki kan piua ra, witin ai pura sunra nani bara ai makabanka nani ba sin, ai bîla baikra tara ni bara ai nakra laya uya saki sin Gâd ra yaban, witinka mita prura wina swaki sakaia karnika bri kan ba. Witin lika Gâd bîla wali daukan ba mita, Gâd bui witin ra walan.