Mark 9:23 - DAWAN BÎLA AISKA

²³ Jisas bila: —Sip sna, man kasak lukisma kaka. ¡Kasak luki ba mapa ra, diara sut ba sip sa!

Mark 9:23 ပူးပေါင်းရင်းမြစ်များ

2 Kronikas 20:20

Yapra wala titan pali ba bûi banhwan, Tecoa twiya tani upla iwras tasbaya ra impakaia dukiara. Bara Josafat ai mina ra buan, naha wiaia dukiara: “Jerusalem bara Juda uplika nani, ai wali banhs: Dawan ra bîla kaikanka bris, Gâdkam ba, bara kasak tâm baikan ba damra walma; ai prapitka nani ra bîla kaikanka bris, bara diara aiska sut yamni takbia.”

Matiu 14:29

Bara Jisas mita win: —Bamna, bal. Bara Pita duri ba wina iwi, lî purak mahka wapan Jisas bâra kan ba kat waia dukiara.

Matiu 17:20

Jisas bila: —Baha ba man nani kasak lukan lâka uya âpu sma ba mita. Kasak pali mai wisna, mostard mâ praiska lupia baku pan kasak lukan lâka ba bri banhma kaka, sip sma naha ilka ra wiaia: ‘Naha wina taki, plis wala ra was’; bara ilka ba wabia. Kasak pali man nani kasak lukisma kaka, diara sut daukaia sip sma.

Mark 11:23

Kasak man nani ra mai wisna: Ya ya naha ilka ra ‘Naha wina taki kabu ra dimi was’ wibia kaka, ai kupia ra namhpa namhpa lukras, bara diara aisin ba kat kasak lukbia kaka, baku takan kabia.

Mark 9:22

Bara aima manis, sim piritka saura mita pauta klauhan ra lulkisa, liura sin dingkisa ikaia wisi. Baku bamna, dîa daukaia sip sma kaka, yang nani ra umpira ai kaiki, hilp ai muns.

Mark 9:24

Bara tuktika aisika ba karna winan: —Yang kasak lukisna. ¡Hilp ai muns kau kasak lukamna dukiara!

Luk 17:6

Bara Dawan pana win: —Kasak lukan lâka ba sim mostard mâ lupia ba baku pan brisma kaka, naha kwah damni dusa tara ra sip sma wiaia: “Naha wina daiwi, kabu ra wih dimi was”, bara dusa ba baha kat daukbia.

Jan 11:40

Sakuna Jisas bila: —¿Yang mai wiras katna, man kasak lukma ba ra, Gâd prana ba kaikma?

Apastil Nani Sturka 14:9

Bara naha waitna lika Pal dîa aisi kan ba kat aman pali wali kan. Bara Pal waitnika ba kat tawi kaikan ba ra, ai dara walan nahki naha waitna kasak luki kan witin ba rawbia.

Hibru Nani 11:6

Upla kum kasak lukan lâka âpu kaka, witin ra Gâd mita sip pain kulkbia apia. Kan ani uplika Gâd lamara waia kaka, kasak lukaia sa Gâd ba bâra sa, bara witin ra pliki uplika nani ra sin mana yabisa.