Mark 9:20 - DAWAN BÎLA AISKA

²⁰ Bri balan ba ra, pirit saura ba Jisas ra kaiki, tuktika ra yan lasa prukan, bara tasba ra kauhi aikarwan, ai bîla wina sin ukata man takan.

Mark 9:20 ပူးပေါင်းရင်းမြစ်များ

Mark 1:26

Pirit saura ba mita waitnika ra yan lasa prukan, bara karna pali ai bîla baikra wini, witin wina taki wan.

Mark 9:18

Witin ra ani anira alkbia kaka, piritka ba mita tasba kat lulki sabisa, bara ai bîla wina ukata yan takisa, ai napa sin yan arkbisa. Baku wîna ba biakisa. Disaipilkam nani ra yang pat makabri pirit saura ba kangbi sâkbia, sakuna witin nani sip sakras kan.

Mark 9:19

Jisas bila: —¡Upla nani sip kasak lukras sma ba! ¿Ahkia kat man nani wal kamna ki? ¿Ahkia kat kupi alki takaski brimna man nani wal? ¡Tuktika ba nahara bri bal!

Mark 9:21

Jisas mita tukta ba aisika ra makabi walan: —¿Ahkia wina witin ra naku takisa? Aisika bila: —Sirpi kan wina.

Mark 9:26

Bara piritka ba ai bîla baikra karna winan, tuktika ra kli yan lasa prukan, bara pruan baku swi si, taki wan. Ban upla nani lukan tuktika ba pruan sa.

Luk 4:35

Jisas piritka tâski ra lawi dauki, win: —¡Bîlam praks, bara naha waitna na sin swis! Baku mika, pirit tâski ba mita waitna ba witin nani mawan kat tasba ra batakan, mahka sin witin ba wina takan, diara kumi sin watawi munras.

Luk 8:29

Witin baku aisin, kan Jisas mita piritka saura ba ra win, witinka ba wina takbia. Aima ailal piritka saura ba mita alkan kan, bara upla nani mita mihta nani sîn ni priski aihwaki bri kan, sakuna baha sut dakban, bara pirit saura ba mita munan twi ra plapan.

Luk 9:39

bara pirit kum mita alki muni, ai bîla baikra karna yan winisa, lasa sin yan prukisa, bara ai bîla wina ukata yan takisa. Saura pali munisa, swih taki wan sin daukras.

Luk 9:42

Tukta ba Jisas lamara aula kan ba ra, pirit saura ba mita tasba ra lulki saban, bara kli munan lasa prukan; sakuna Jisas pirit saura ba ra lawi daukan, tuktika sin rakan, bara ningkara kli aisika ra yan.

Jan 8:44

Man nani aisikam ba lika dibil; man nani ba witin wina atia sma, bamna dîa witin brin dauki ba kat daukisma. Dibil ba tâ pali piua wina upla âikra sa. Aima kumi sin kasakka lâka ra aibapi buras sa. Witin kunin aisi ba ra, ai tânka ba kat aisisa, kan witin lika kuninkira pali sa bara sin kunin aisika sa.

1 Pita 5:8

Tânkira watauki bara aihwaki bas; kan waihlam dibil ba ya ya piaia wisi, layan ihbi baku pliki taukisa.