Mark 9:12 - DAWAN BÎLA AISKA

¹² Witin bila: —Kasak pali sa, Ilayas pas aula, bara diara nani sut wapni daukisa. ¿Bara Ulbanka nani ra Upla Luhpia Waitna dukiara dîa wisa? Bahara wisa witin kasak pât wauhbia, bara bahki kulkan kabia.

Mark 9:12 ပူးပေါင်းရင်းမြစ်များ

Lawana Nani 74:22

¡Gâd, man mahka bûi, tâmwan aisas! ¡Âmya ra bri bas, upla taniskira nani ba, nahki saura mai wi ba!

Aiseya 49:7

Dawan, Israel Gâdka holikira, pri sasakra ba wisa tawan nani aiska pali lulki swin ba ra upla wala nani bri misbara kaiki ba, upla tataibra nani albika nani takan ba: “King nani ba bara king luhpia nani sin mai kaikbia ba ra, witin nani ba bal mamwanra bawbia, kan yang, Dawan, Israel Gâdka Holikira, bâk mai sakri yang dîa daukaia ba sut man ra aimakbia.”

Aiseya 50:6

Yang nini ba ai praprukra nani ra yabri, ai wipan, yang maiwan nani ba sin wan unmaya dadaikra nani ra yabri, bara maiwan ba sin yukukras kapri saura aisi nani ba wina, yabalaya ni ai tuhbi kan ba sin.

Aiseya 52:14

Upla ailal witin ba kaiki tâ iwan ba baku, witin nani kaikan ai mawan pîska ba sât aihka pali takan ba, kan upla luhpia nani prana ba witin wina lap tiwan kan bamna,

Sakaraya 11:13

Dawan bui ai win: “Lalahka mâ nani ba bris, maina tara pali aihwa ai kulkan na, bara tempel lalahka watla ra bri si mangki swis.” Lalahka mâ nani 30 ba yang briri, bara bri si tempel lalahka watla ra mangki swiri.

Sakaraya 13:7

Dawan karnika sut bri ba, kasak aisisa: “¡Sord, bus, sepadki ba mapara hilp ai muni ba mapara sin! ¡Sepad ba iks, bara daknika ba yakabrira takbia, bara yang sin sîpki lupia nani ba mapara buamna!

Malaquía 4:6

Witin balbia aisika nani bara ai luhpia nani wal yaka kumi lâka daukaia. Baku daukras kabia kaka, yang balamni ai kuntrika ba klala yabi, sauhki âpu tikaia.”

Matiu 16:21

Baha piua wina Jisas ai disaipilka nani ra mahka smalkan, witin ba Jerusalem ra waia kabia, bara wihta almuk nani, prîs wihtka nani bara Lâ Smasmalkra nani sut mita munka kasak pât wauhbia. Bara sin win witin ra ikbia, sakuna yu yumhpa ra kli bukan kabia.

Matiu 26:24

Upla Luhpia Waitna ba, Ulbanka nani ra dîa ulban ba yabalka bâk waia sa, ¡sakuna waihla mihta ra mangki ba uplika ba mapara lika saura pali kabia! Kau aitani kaia kan baha uplika ba aisubi takras kan kaka.

Mark 10:33

Witin nani ra win: “Man nani kaikisma, yawan Jerusalem ra uli auya. Bahara sika Upla Luhpia Waitna ba prîs tara nani bara Lâ Smasmalkra nani mihta ra mangkbia, bara witin nani mita pruaia pâtka ra lakbia ba ra, upla tringsar nani mihta ra mangkbia.

Mark 9:13

Sakuna yang mai wisna: Ilayas pat balan sa, bara dîa dîa witin ra daukaia kan ba pat daukan, Ulbanka ra dîa takaia win ba kat.

Mark 9:31

Witin ai disaipilka nani ra aisi smalki kan: —Upla Luhpia Waitna ba upla mihta ra mangkan kabia, bara witin ra ikbia, sakuna yu yumhpa ningkara, pruan wina kli bubia.

Luk 1:76

Bamna man, luhpi lupia, Gâd Laih Purara iwi ba prapitka mai mâkan kabia, kan Gâd kainara yabalka nani ba man mita ridi dauki wama,

Luk 23:11

Ba ningkara Herod bara ai suldiarka nani aikuki bahki pali kulkata bara witin ra lawaska kikaia wisi, bamna kwala pranakira pali sin dingkan king baku. Ningkara, Herod mita witin ba kli Pailat ra blikan.

Luk 23:39

Saura dadaukra nani witin aikuki dus ra paman kan ba wina kumika mita witin ra swira dauki, naku wi kata: —¡Man ba Misaya kaka, wînam swak sâks bara yang nani na sin swaki ai sâks!

Apastil Nani Sturka 1:6

Apastil nani ba kau Jisas ai tilara bri kan ba ra, witin nani makabi walan: —¿Naha piua pali ra man bui Israel luhpia nani ra king lâka ba kli yabaisma ki?

Apastil Nani Sturka 4:11

Naha Jisaska sika walpa ba, sakuna man nani utla mâmakra nani mita witin ba bahki kulkram, ban sakuna witin sika walpa kau painkira ba.