Mark 9:10 - DAWAN BÎLA AISKA

¹⁰ Baha mita baha aisinka ba witin nani ai tilara man luki bri kan, sakuna pana pana ai mânka makabi wali kan, pruan nani wina buaia tânka ba dukiara.

Mark 9:10 ပူးပေါင်းရင်းမြစ်များ

Blasi Sturka 37:11

Bara ai muihni nani lika witin ra tumi kan, sakuna ai aisika lika, baha tânka kaiki aisin ba dukiara uya luki kaiki kan.

Matiu 16:22

Bara Pita mita Jisas ba tnaya ra saki, lawi dauki, win: —¡Dawan, Gâd baku lika sip daukbia apia! ¡Mampara sip baku takbia apia!

Mark 9:11

Bara witin nani bui Jisas ra makabi walan: —¿Dîa muni Lâ Smasmalkra nani aisisa, Ilayas pas tâura balaia sa?

Mark 9:32

Sakuna witin nani baha aisi ba tânka briras kan, bara makabi walaia sin sibri kan.

Mark 9:9

Il ba wina iwi auya kan ba ra, Jisas adar yan diara kaikan ba upla kum ra sin wibia apia, Upla Luhpia Waitna pruan nani tila wina bubia ba kat.

Jan 12:16

Tâ pali ra, disaipil nani naha diara nani tânka briras kan, sakuna Jisas pruan ba mita lika tânka brin, naha sut ba witin ra takaia kan ba, bara sin witin dukiara dîa ulban ba baku kat sin takan sa.

Apastil Nani Sturka 17:18

Upla nani kum kum Epicuro smalkanka stadi muni kan ba bara wala nani Zenón smalkanka stadi muni kan ba sut witin wal mahka blahwan. Tila nani bila: —¿Naha waitnika sturi aisasara pali na, dîa sip sa ki wan wiaia? Wala nani bila: —Gâd wala nani smasmalkrika talia sa. Witin nani naku aisi kata, kan Pal lika aisi kan Jisas dukiara, witinka pruan wina kli buan ba dukiara sin.