Mark 7:18 - DAWAN BÎLA AISKA

¹⁸ Witin win: —¿Baku bamna, man nani sin tânka ba briras sma ki? ¿Walras sma ki dîa dîa lata tani wina upla ra dimi ba, sip tâski daukras?

Mark 7:18 ပူးပေါင်းရင်းမြစ်များ

Matiu 15:11

Upla bîlak dimi dukia ba lika witin ra tâski daukras. Sakuna, upla bîla wina taki ba baha sika witin ra tâski dauki ba.

Matiu 16:11

¿Nahki kan man nani tânka briras kapram, yang bui man nani ra brit dukiara lika mai aisaras kapri ba? Parisi nani bara sadiusi nani îska ba dukiara pain damra wali bas.

Mark 4:13

Naku sin win: “¿Man nani naha maprika tânka na briras sma ki? Ban kaka, ¿man nani nahki maprika lilka wala nani ba tânka brima ki?

Mark 7:17

Jisas lika upla nani ba swi si utla ra diman ba ra, ai disaipilka nani mita naha maprika tânka dukiara makabi walan.

Mark 7:19

Baha ba wan kupia ra dimras, sakuna wan biara ra lika, bara baha ningkara wan biara wina kli takisa. Jisas baku aisi marikan plun nani sut ba klin atia sa.

Luk 24:25

Bara Jisas win: —¡Man nani lika sip diara tânka briras sma, prapit nani diara nani aisin dukiara sin pat sip kasak lukras sma!

Jan 3:10

Jisas pana win: —Man ba sika, Israel smasmalkra tara kum sma, ¿bara naha diara nani na tânka sip briras sma ki?

1 Korint 3:2

Smalkanka tânka karna apia kum maikatna, tuktan swap lupia ra plun karna yabaia watlika ra tiala laya dakaki ba baku, kan man nani ba plun karna piaia sip apia katma. ¡Sakuna nanara kat sin baha pata sip piras sma,

Hibru Nani 5:11

Naha bisniska dukiara yawan diara manis aisaia brisa, sakuna tânka aisi marikaia ba karna sa, kan man nani tânka ba briaia tawa munisma bamna.