Mark 6:2 - DAWAN BÎLA AISKA

² Ris yua balan ba ra, prias watla ra dimi, mahka smalkan. Upla ailal baha wali, tâ iwi, naku aisan: —¿Naha waitnika anira naha diara nani sut lan takan sa ki? ¿Sinska lâka tara pali bri na, sain tara sin dauki na, ya wina yan ni?

Mark 6:2 ပူးပေါင်းရင်းမြစ်များ

Matiu 4:23

Jisas Galili tasbaya kir taukan, plis bani priaska watla nani ra smalki kan Gâd king aimaki sturka yamni ba; bara siknis sât sât upla nani bri kan ba sut sin raki kan.

Matiu 7:28

Jisas aisi prakan ba ra, ai smalkanka dukiara upla nani tâ iwi kata;

Mark 1:39

Baku Jisas Galili kuntrika aiska ra tauki kan, tawan bani ra Ju nani priaska watla ra smalki, bara pirit saura nani sin kangbi saki kan.

Mark 10:1

Jisas Kapernaum wina taki wan, Judia tasbaya ra wan, Jordan awala lalma tani tasbaya ra. Bahara upla ailal ba kli ai lamara balan, bara Jisas ai natka kan ba baku, kli witin nani ra smalki kan.

Luk 2:47

Baha nani Jisas ra wali kan ba sut tâ iwan kan, ai sinska tara ba dukiara, pana dîa witin nani mita makabi wali kan tânka param wi ba dukiara sin.

Luk 4:15

Smalki kan prias dauki pliska bani ra, bara upla sut mita sin mayuni kan.

Jan 6:42

Bara witin nani bila: —¿Naha na Jisas apia ki, Josep luhpia ba? Yawan nani witin aisika bara yaptika wal kakaira sa. ¿Bamna nahki witin kasbrika purara ba wina bal iwan wisa?

Jan 7:15

Bara Ju nani ba tâ iwi, naku aisin: —¿Nahki naha waitna diara tânka manis kaikisa, skul sin dimras ba?