Mark 5:34 - DAWAN BÎLA AISKA

³⁴ Bara Jisas mita win: —Luhpi mairin, kasak lukram bamna, rawram sa. Kupiam kumi was, bara sikniskam wina rawram sa.

Mark 5:34 ပူးပေါင်းရင်းမြစ်များ

2 King Nani 5:19

Bara Ilaidsa mita win: —Kupiam kumi was. Bara Naamán baha wina mahka wan. Pat laihura auya kan ba ra,

Smasmalkra 9:7

¡Bamna, kaisa! Plun pisma ba piua ra, wain disma ba piua ra liliam bris; kan Gâd bui yamni kaikan man daukankam nani ba.

Libait Lâka 14:48

“Prîs ba utla ba ra dimi laki kaikbia lipar siknis ba ban bâra sa sapa. Siknis ba kau tâura waras kaka, prîs ba wibia utla ba klin sa, sikniska ba pruan.

Matiu 9:2

Bara wakia lâwi waitnika kum krikri ra tniki witin ra brih balan. Jisas baha uplika nani kasak lukanka ba kaiki, siknis waitnika ra win: —Luhpi, karnikam bris; saurkam nani ba ban swih tikan sa.

Matiu 9:22

Sakuna Jisas ai ninara tawi, mairka ra kaiki, naku win: —Luhpi mairin, man karnikam bris; kasak lukram bamna, man rawram sa. Bara baha pali piua ra witin rawan.

Mark 10:52

Jisas witin ra win: —Sip sma mahka waia; pat rawram sa, kasak lukram bamna. Baha nakra klipan kum ra blain ba kaiki kan, bara yabal ra Jisas nina blikan.

Mark 3:10

Kan upla ailal rakan ba mita, sikniskira nani ba pana pana tukbi kan ai lamara wih kangbaia dukiara.

Mark 5:29

Baha sim piua ra ai tâlia plapi kata ba takaskan, bara witin ai dara walan ai trabilka ba wina rawan kan.

Mark 5:33

Bara mairka ba sirang iwi tatatwi kan diara witin ra takan ba kaiki, bara wih ai mawanra ai lula kriki, ai tânka ba sut win.

Luk 17:19

Bara waitnika ra wisata: —Man mahka was; mai rakan sa kasak lukram bamna.

Luk 18:42

Jisas pana win: —¡Namkra bris! Kasak lukram bamna, mai rakan sa.

Luk 7:50

Sakuna Jisas mita mairin ba ra win: —Man kasak lukram bamna, swaki mai sakan sa; bamna kupiam kumi wal was.

Luk 8:48

Jisas pana win: —Luhpi mairin, kasak lukram ba mita mai rakan sa. Kupiam kumi wamtla ra was.

Apastil Nani Sturka 14:9

Bara naha waitna lika Pal dîa aisi kan ba kat aman pali wali kan. Bara Pal waitnika ba kat tawi kaikan ba ra, ai dara walan nahki naha waitna kasak luki kan witin ba rawbia.

Apastil Nani Sturka 15:33

Witin nani piua tila nani bahara luan ningkara, wan muihni nani mita kupia kumi lâka ra lakula dauki muni, blikan nani mihta ra kli blikan wan.

Apastil Nani Sturka 16:36

Bara silak watla main kakaira ba Pal ra win: —Wihta nani wina adar aikan sa man nani mai lanhkamna, bamna nanara man nani sip sma liliakira mahka taki waia.

Jems 2:16

bara man nani tilam wina kum mita naku wibia: “Dawan wal was; puram praks, bara pis dîa sât piaia want sma ba”, sakuna ai wîna want ba dukia yabras kaka, ¿pain kabia ki?

1 Samuil 1:17

Elí pana aisi, win: —Kupiam kumi was; man makabram ba sut Israel Gâdka mita maikbia.

1 Samuil 20:42

Wal ini si, Janatan Debit ra win: —Âmyapah was, Dawan nina ra yawan wal swer takan ba, yawan makaban Dawan wal lilapas ra ban kaia, wan taya nani bara wan kiamka nani lilapas ra sin. Baha ningkara Debit mahka yabal ra wapan, bara Janatan sin kli tawan ra tawi diman.