Man lî nani bâk lui wama ba ra, yang sin man wal bâra kamna, bara awala nani luma kaka, lî dih pruma apia. Pauta klauhan lama bâk luma sin, mai angkbia apia, pauta lakni ba sin mai ambia apia.
Bamna inma naiwa twi ra ba bara yauhka pauta ra angki ba, Gâd baku skahkisa kaka, ¿man nani ra kau kwala pain mai dingkbia apia, kasak lukras uplika nani sma ba?
Jisas bila: —¿Dîa kan man nani si brisma ki? ¡Man nani kasak lukan lâka uya briras sma! Bamna witin buan, pâsa ra bara kabu ra sin lawi daukan; bamna baha nani sut lamni tara takan.
Bamna witin mita disaipil nani ra naku win: —¿Kasak lukankam lâka ba dîa takan? Sakuna witin nani sibrin takan, tâ sin iwan, bara pana pana tawi makabi wali kata: —¿Naha waitna na ya, kan pâsa bara liura sin adar yan ai bîla wali ba?