Mark 2:18 - DAWAN BÎLA AISKA

¹⁸ Aima kum, Jan disaipilka nani, parisi nina blablikra nani sin plun wahwi kan, upla tila nani bal Jisas ra makabi walan: —¿Dîa kan Jan disaipilka nani bara parisi nina blablikra nani plun wahwisa, sakuna man disaipilkam nani lika baku daukras?

Mark 2:18 ပူးပေါင်းရင်းမြစ်များ

Matiu 23:5

Diara dauki bani ba upla nani kaikbia wisi daukisa. Witin nani ai wauhkataya watla nani ba tara brisa, ai kwalka un nani ba sin tara daukisa.

Matiu 6:16

“Man nani plun piras sma ba ra, kuninkira nani ai mawan sari bri ba baku daukpara; kan witin nani baku daukisa plun piras ba upla nani kaikbia dukiara. Kasak pali mai wisna, baha wal pat ai prisantka brisa.

Matiu 6:18

man plun piras sma ba upla mai kaikaia apia dukiara. Bamna witinka bahara man wal yakan ba mai kaikbia ba ra, witin prisantkam maikbia.

Mark 2:19

Jisas pana win: —Marit pata ra upla nani ba, marit takan waitnika ba witin nani wal sa kaka, ¿aitani kabia ki baha nani plun wahwaia? Marit takan waitnika ba kau ai tilara sa kaka, witin nani sip plun wauhbia apia.

Luk 18:12

Wik bilara aima wâl Gâd ra luki plun piras sna, bara diara sakisna bani wina matawalsip mana ba maikisna.’

Roman 10:3

Sakuna Gâd upla ra pâtka wina pri saki ba witin nani baha kaikras, baha mita witin nani ai natka bâk swak takaia plikisa, Gâd daukan ba ra bawras kira.