Mark 16:20 - DAWAN BÎLA AISKA

²⁰ Bamna disaipil nani mahka taki, sturi yamni ba plis sut ra aisi smalkan. Dawan sin witin nani ra hilp muni kan, bara ai smalkanka, sain nani taki ba mita, tâ baiki kan.]

Mark 16:20 ပူးပေါင်းရင်းမြစ်များ

Mark 16:19

Witin nani ra aisin ba ningkara, Dawan Jisas lika kasbrika purara bukan kan, bara mahka Gâd mihta aihkika ra iwan.

Luk 1:1

Kulkanka tara brisma Teófilo: Upla ailal wilin takan diara nani wan tilara takan ba sturka aitani kat ulbaia. Baha nani ulban, tâ pali piua wina upla nani ai nakra ni kaiki banhwan ba bara sturi yamni wan smalkan ba dukiara. Bamna yang sin kulkanka tara pali ni, tâ pali wina naha diara nani na tânka pain pliki kaikri, bara aitani lukisna naha diara takan na man ra ulbaia,

Apastil Nani Sturka 14:3

Apastil nani ba bahara piua wihka takaskan, bara ai kupia aiska ni sibrin âpu Dawan dukiara aisi kan. Gâd latwanka lâka dukiara aisi kan bamna, Dawan mita kau tâ baiki karnika sin yan, sain nani, wark aihka nani sin daukaia.

Apastil Nani Sturka 4:30

Man mihtam karnika ni siknis nani rakbia, bara sain aihka nani sin daukbia, man Luhpiam holikira Jisas nina ra.”

Apastil Nani Sturka 5:12

Apastil nani ba mita sain nani bara diara aihka nani uya sin upla nani tilara dauki kan, bara lalukra nani ba sut asla takan Salaman durka wi ba lamara.

Roman 15:19

Wark aihka nani bara sain nani karnika ba ni, Gâd Spiritka karnika ba mita sin, Kraist swaki wan saki sturka ba baku natka ra smalkaia sip kapri, ban Jerusalem wina bara sim baku plis wala nani sut ra, bara Iliria tasbaya kat sin.

2 Korint 6:1

Baku bamna, Gâd warkka dadaukra aikuki wan uplika nani sma ba, mamkabi banhwisna Gâd ai kupia latwanka lâka mamrikan ba, tikpara pali.

Hibru Nani 2:3

Baku bamna, ¿nahmuna swaki sakan lâka tara pali na alki briras ban pali swibia kaka, yawan na nahki swak takbia ki? Dawan pali mita naha swaki sakan lâka na pas dahra aisan, bara baha ningkara, witin ra walan nani ba yawan ra latan wan marikan baha ba kasak pali sa.

Hibru Nani 2:4

Bara Gâd sin baha dukiara witnis aisin sa, sain nani dauki, diara aihkakira nani ni bara sain aihkakira ailal daukan ba mita sin. Witin mita sin Spirit Holikira prisantka nani ba yawan ra sât sât yuan sa, witin ai kupia lâka ba kat.