Mark 16:19 - DAWAN BÎLA AISKA

¹⁹ Witin nani ra aisin ba ningkara, Dawan Jisas lika kasbrika purara bukan kan, bara mahka Gâd mihta aihkika ra iwan.

Mark 16:19 ပူးပေါင်းရင်းမြစ်များ

Lawana Nani 110:1

Dawan bui yang dawanki ra win: “Man ba yang mihti aihkika ra iws, yang bui man waihlam nani ba man minam nani kahbaika daukamna ba kat.”

Mark 16:20

Bamna disaipil nani mahka taki, sturi yamni ba plis sut ra aisi smalkan. Dawan sin witin nani ra hilp muni kan, bara ai smalkanka, sain nani taki ba mita, tâ baiki kan.]

Luk 22:69

Sakuna naha piua wina, Upla Luhpia Waitna ba, Gâd karnika sut bri ba mihta aihkika ra iwi kabia.

Luk 9:51

Jisas kasbrika purara brih waia ba piua pat baila kan ba ra, ai kupia karna brih Jerusalem ra tawi wan.

Jan 13:1

Insal luan yua Liliaka ba yauhka baku aimakaia kan, bara Jisas kaikan witin naha tasba na swi si, ai Aisa ra waia awarka ba aimakan kan. Witin ai uplika nani naha tasba ra kan ba sut ra ban latwan kaikan, bamna nanara ai latwanka lâka kau tara pali takan ba sin mariki kan.

Jan 16:28

Yang na Aisa wina taki naha tasba ra balri; bamna nanara naha tasba na swi si, kli Aisa ra auni.

Jan 17:13

“Bamna nanara man bâra sma pliska ra mahka auna; sakuna kau tasba ra sna na piua ra naha diara nani na aisisni, bara baku mika witin nani, yang lilia brisna ba ni aibanhwan kabia.

Jan 20:17

Jisas win: —Ai alkpara, kan yang Aisa bâra ba pliska ra kau uli wih asla takras sni. Sakuna muihki nani ra wih wis, uli auna Aisiki ra bara man nani Aisikam ra, yang Gâdki ra bara man nani Gâdkam ra.

Jan 21:15

Bamna titan pata pin ba ningkara, Jisas mita Saiman Pita ra makabi walan: —Saiman, Jan luhpia, ¿man ba naha nani purkara yang ra kau latwan ai kaikisma ki? Pita mita pana win: —Âu, Dawan, man kaikisma nahki yang bui man ra latwan sna ba. Jisas bila: —Baku sa kaka, sîpki luhpia nani ba plun dakaks.

Jan 21:22

Jisas pana win: —Witin na yang kli balamna kat raya kabia want sna kaka, ¿baha ba dîa sa man mampara? Sakuna man lika yang nini blîks.

Jan 6:62

¿Ban kaka, dîa takbia ni, Upla Luhpia Waitna kli uli auna kaka man nani ai kaikma ba ra?

Apastil Nani Sturka 1:22

Jan tahbi daukata ba wina ban Jisas kasbrika purara uli wan piua ba kat. Bara aitani kabia witin nani ba wina kum wan tilara briaia, Jisas raiti wina buan ba dukiara witniska kaia.”

Apastil Nani Sturka 2:33

Baku bamna, Gâd mita ai mihta aihkika ba ni witin ba purara pali bukan, bara Spirit Holikira witin ra yan, Aisa mita pramis munan kan ba. Bahamna, diara nani sut man nani walisma na bara kaikisma na sin, witin wina atia sa.

Apastil Nani Sturka 3:21

Ban kra nanara Jisas Kraist ba kasbrika purara takaskaia sa, diara nani sut Gâd mita raya daukbia kat, witin ai prapitka nani bâk piua luan nani ra aisin ba baku.

Roman 8:34

¿Ya sip kabia ki baha nani pât ra mangkaia? Kraist Jisas sika pruan ba, bara baha sut purkara, Kraist sika pruan nani tila wina buan bara Gâd mihta aihkika tani ra sa, bara wan tâwan makabisa.

Kolosi 3:1

Bamna, man nani pat Kraist wal pruan wina mai bukan ba mita, diara nani kasbrika purara ba pliks, kan bahara sika Kraist ba Gâd lama pali kat iwisa.

1 Timoti 3:16

Upla kumi mita sin Gâd ra luki kaia, dahra prakan tânka tara ba sip apia wiras: Gâd ba upla baku latan takan; witin ba Spirit mita kasak kulkan kata, bara insal nani mita sin witin ba kaikan. Ai tânka ba nisan nani tilara aisi smalkan kata, upla sut mita witin ra kasak lukan, bara kasbrika purara sin witin ba bri banhwan kata.

Hibru Nani 1:3

Witin sika Gâd prana ingnika ni ingwi ba; witin sika Gâd lilka talia aihwa pali ba, bara witin sika ai bîla karnakira ni, diara nani sut dihbi alki bri ba. Witin ba wan saurka nani wina sikbi wan sakan ningkara, Gâd king iwaika lama pali kat wih kasbrika purara iwan.

Hibru Nani 12:2

Wan nakra nani na Jisas kat kaiki kap, witinka wina wan kasak lukan lâka ba, tâ wina tnata kat yawan ban bri ba. Jisas ba dus prihni ra pât wahwan, bara bahmuna pruanka saura ba wal pruya ba dukiara ai swira lukras, kan witin kaiki kan pât wahwaia ba ningkara, ai âuyapah kaia kan bara lilia sin; bara nanara, Gâd king iwaika lama pali kat wih iwisa.

Hibru Nani 4:14

Jisas Gâd Luhpia ba sika wan prîs tara, kasbrika pura ba kat dimi wan ba. Baha mita yawan kasak lukan lâka tânka bri ba, ban dutki alki bri kap.

Hibru Nani 6:20

bara bahara sika Jisas yawan dukiara dimi wan ba, yabal kum kwâki wankaia dukiara. Baku Jisas ba ban kaia ra prîs tara kum takan sa, Melkisedek prîska lâka ba baku.

Hibru Nani 7:26

Baku bamna, Jisas sika prîs tara yawan want kan ba. Witin ba holikira sa, pât kumi sin âpu, saurka kumi sin daukras; witin ba upla saurakira nani wina tnaya ra sakan sa, bara kasbrika purara nani purkara bukan sa.

Hibru Nani 8:1

Yawan diara nani aisi yana tânka kau tara ba sika naha: wan prîs tara ba naku sa, bara kasbrika purara Gâd king iwaika lama pali kat iwisa.

Hibru Nani 9:24

Kan Kraist ba Dawan wal prawaia upla paskan kumi ra dimi waras, baha Dawan wal prawaia watla kasak ba lilka kum baman ba. Witin kasbrika pura pali ra dimi wan, bara nanara Gâd mawanra bahara latan takisa, yawan wan hilpka dukiara.

1 Pita 3:22

Bara witinka sika kasbrika purara uli Gâd lama pali ra iwi ba, bara insal nani, kasbrika purara karnika bri nani ba, bara karnika wala bri nani ba sut purara sin, witin wihta aimakisa.