Mark 16:15 - DAWAN BÎLA AISKA

¹⁵ Witin nani ra sin win: “Man nani tasba aiska ra was, bara sturka yamni ba upla sut ra aisi smalks.

Mark 16:15 ပူးပေါင်းရင်းမြစ်များ

Lawana Nani 22:27

Nisan kiamka sât nani sut, upla nani sut tasba aiska ra iwisma ba, man nani bui Dawan ra kupiam krauki bas, man nani lika witin ra bal; ¡ai mawanra lulam kriks!

Lawana Nani 96:3

Ai prana ba dukiara aisi bas, diara aihka tara dauki ba dukiara sin upla nani sut ra bara nisan nani sut ra sin aisas.

Lawana Nani 98:3

witin ai latwanka lâka bara ai kasakka lâka ba, piu bani bri kan Israel luhpia nani ra. ¡Gâd mita pura lui ba mariki kan tasba aiska ra paski takaskan ba kat kaikan sa!

Aiseya 45:22

Man nani, yang ra bal bara swaki mai sakamna, tawan tasba wala wina. Kan yang na Gâd sna, bara wala âpu sa.

Aiseya 49:6

Witin wisa: “Baha ba aitani apia sa, man ba yang duki dadaukra baman kaia Jekob kiamka ba bukaia baman bara sin Israel tâka kau bâra ba, kli bri balaia baman ba dukiara apia; yang mai daukamni man ba nisan nani ingnika kaia, yang bui upla swaki sakisna ba lâka, man tasba aiska ra brih waia sma.”

Aiseya 52:10

Dawan ai karnika ba param ra sakan, nisan nani sut nakra ra. Bara tasba aiska ra sin yawan wan Gâdka swaki wan sakanka lâka ba kaikbia.

Matiu 28:19

Bamna man nani nisan sut uplika nani ra was, bara yang disaipilki nani dauki banhs; tahbi dauki banhs, Aisa ba nina ra, Luhpia ba nina ra, bara Spirit Holikira ba nina ra sin.

Mark 13:10

Bara sturi yamni ba piua tnata aimakras kainara, tasba aiska ra aisi smalkan kaia sa.

Jan 15:16

Man nani mita yang na bâk saki ai briras katma; sakuna yang mita man nani ba bâk saki mai briri, bamna man nani mahka taki wih mâ ailal sâkma ba dukiara, bara baha mâ sin ban kaia. Baku lika dîa dîa yang nini mâki Aisa ra makama ba sut maikbia.

Jan 20:21

Baha ningkara Jisas kli win: —¡Kupia kumi lâka man nani wal kabia! Aisa mita yang ai blikan ba baku, yang mita man nani ba mai blikisna.

Apastil Nani Sturka 1:2

ban kasbrika purara uli wan ba kat. Ai apastilka nani wahbi saki Spirit Holikira bâk smalkan, dîa pali sika witin nani daukaia kan ba.

Apastil Nani Sturka 1:8

Sakuna man nani puramra Spirit Holikira balbia ba ra karnika brima, bara yang dukira witnis nani kama Jerusalem ra, Judia tawanka aiska ra, Sameria ra, ban wan tasba wala ra kau laihura ba kat sin.

Roman 10:18

Kuna makabi walisni: ¿Smalkanka ba witin nani walras kan ki? ¡Latan witin nani ba walan! Ulbanka ba wisa: “Witin nani bîla baikra ba tasba aiska ra wan, bara witin nani bîla aisinka nani ba sin tasba paskan ba kat wan.”

Roman 16:26

sakuna nanara baha tânka ba param marikan sa prapit nani bâk Ulbanka mita, Gâd ban rayakira adarka ba kat. Naha dahra yukukan kan tânka na nisan sut ra param marikan sa, kasak lukbia bara bîla kat wali daukbia.

Epesus 2:17

Kraist bal upla sut ra kupia kumi sturka yamni ba smalkan, man nani laihura nani katma ba sut ra, bara Ju nisanka sut, Gâd lamara kan nani ra sin.

Kolosi 1:23

Sakuna naha dukiara, man nani kasak lukan lâka ra ban bapi bûi kaia sma, playkam ba tihu bapi bri bara kainamra diara briaia dukiara, swaki sakan lâka smalkanka wina walram ba wina tnaya ra takaia apia. Kan naha smalkanka na lika tasba aiska ra smalkan sa, bara yang Pal pali mita sin smalkaia hilp munisni.

Kolosi 1:6

Man nani ra mai smalkan sturka yamni na, tasba pîska bani ra pâwi ai mâ sin pain sakisa, sim man nani tilamra takan ba baku, Gâd latwan tânka aisin walram ba wina, bara tânka briram naha latwanka lâka na kasak pali sa.

1 Jan 4:14

Yawan pali mita baha ba kaikan, bara param aisi wisa: Aisa ba kasak ai Luhpia blikan, naha tasba ra iwi uplika nani ba swaki sakaia.

Param Marikanka 14:6

Bara yang insal wala kum kasbrika pura ba lilapas kat pâli tauki kan kaikri. Naha lika ban kaia ra smalkanka kum bri kan, tasba ra iwi uplika nani ra smalkaia, nisan sât bani ra, taika bani ra, bîla sât bani ra, upla nani sut ra sin.