Mark 15:14 - DAWAN BÎLA AISKA

¹⁴ Bara Pailat witin nani ra win: —¿Bamna witin dîa saura daukan ki? Sakuna witin nani kli ai bîla baikra tara winan: —¡Witin ba dus prihni ra sas!

Mark 15:14 ပူးပေါင်းရင်းမြစ်များ

Lawana Nani 69:4

Pâtkas kapri misbara ai kaiki nani ba, tâiwa mina ba wal kau ailal sa, waihli nani ba ailal pali takan, dîa tâwan rau ai sauhkaia âpu, sakuna taibi ai munisa, yang implikras katna ba kli yabaia.

Aiseya 53:3

upla nani witin ra bahki kulki lulki swin, waitna kum ai wîna latwanka uya bri kan, pât wahwaia ba ai natka takan. Witin ra upla kum baku kaikaia uplika apia kan, yawan bui witin ba bahki kulkan, yawan bui witin ba wan tilara kulkras.

Aiseya 53:9

Witin ba, watawikira nani tilara bikan kan, upla watawikira nani raitika ra bikan, witin watawika lâka lika daukras kan, ai bîla ra sin kunin lâka âpu pali kan sakuna.

Matiu 27:19

Pailat lâ daukaika pliska ra iwi kan ba ra, ai maya ai bîla bliki, naku win: “Baha waitnika kasakkira ba tilara dimpara, witin pâtka mita na tihmia yang yaprisauhkan saura pali kum kaikri bamna.”

Matiu 27:4

naku win: —Yang saura daukri, waitna pâtkas kum prura pâtka ra mangkri bamna. Sakuna witin nani bila: —¿Bara baha ba yang nani maipara dîa sa ki? ¡Ba lika man kaikma si!

Matiu 27:54

Bara suldiar kiaptinka bara wala nani Jisas ra aihwaki kan ba kira, tasba nikban bara diara wala nani takan ba kaiki, sibrin tara daukan, bara naku win: —¡Kasak pali naha waitnika na Gâd Luhpia kan!

Mark 15:13

Witin nani ai bîla baikra tara wini, aisin: —¡Witin ba dus prihni ra sas!

Mark 15:15

Bamna Pailat mita upla nani ba wal pain kaia dukiara, Barabas ba pri sakan; bara Jisas lika klala ni wipaia blikan, ningkara yan dus ra sabaia.

Luk 23:21

sakuna witin nani kau ai tâ baiki winan: —¡Dus prihni ra sas! ¡Dus prihni ra sas!

Luk 23:4

Bamna Pailat prîs tara nani ra bara upla sut ra sin win: —Yang naha waitnika na ra pât kumi sin sakras pali.

Luk 23:41

Man ba yang wal lika pât wahwaia aitani pali sa, kan dîa yawan daukan ba mana sika aibapi na; sakuna naha waitnika lika diara saura kumi sin daukras.

Luk 23:47

Rom kiaptinka baha kaikan, Gâd ra mayuni, win: —Kasak pali naha waitnika na pâtkas pali kata.

Jan 18:38

Pailat pana win: —¿Bamna diara kasak ba dîa? Naha makabi walan ningkara, Pailat kli taki Ju nani ra wih, naku win: —Naha waitnika wîna ra watawanka kumi sin yang sakras pali.

Jan 19:6

Bamna prîs tara nani bara suldiar nani sin Jisas ba kaikan ba ra, mahka ai pura wini, win: —¡Dus prihni ra sas! ¡Dus prihni ra sas! Pailat bila: —Ban kaka, man nani mita witin ba bri si dus prihni ra sabi banhs, kan yang lika witin wîna ra watawanka kumi sin sakras sna.

Apastil Nani Sturka 13:28

Witin ba ikaia pâtka diara kumi sin sakras kan, sakuna witin nani ban Pailat ra makaban witin ba ikaia.

Apastil Nani Sturka 19:34

Sakuna upla nani ba kaikan kan nahki witin ba Ju kan, bamna witin nani sut ai bîla baikra karna pali wini banhwi kan, awar wâl prais: “¡Tara sika Diana Epesus nani tilara ba!”

Hibru Nani 7:26

Baku bamna, Jisas sika prîs tara yawan want kan ba. Witin ba holikira sa, pât kumi sin âpu, saurka kumi sin daukras; witin ba upla saurakira nani wina tnaya ra sakan sa, bara kasbrika purara nani purkara bukan sa.

1 Pita 1:19

man nani ba Kraist tâlia manakira ni pri mai sakan, witinka sîp ai taya ra watawan âpu bara tâski sin âpu baku kan ba.