Mark 14:65 - DAWAN BÎLA AISKA

⁶⁵ Bara upla tila nani mahka witin ra yabalaya tuhban, ai mawan praki pruki kan, naku sin witin ra win: —¡Dahra aisi wis, ya mai prukan sapa! Bara tempel ra aihwaki kan nani ba mita ai mawan ra prukan.

Mark 14:65 ပူးပေါင်းရင်းမြစ်များ

2 Kronikas 18:23

Bamna Sedequías, Quenaaná luhpia ba, Micaías lamara bal mawan ra pruki, naku win: —¿Dawan spiritka ba yang wina taki anik wata ki, baku man ra aisaia?

Ester 7:8

Baha ningkara, king ba utla latka giadin ba wina tawi balan bara pata tara pi ba ra diman, bara kaikan Amán ba Ester iwaika ra ai lula kriki bâra kan, bara pliska ra Ester ba aitniki bâra kan, bara king ba baha kaiki, naku win: —¿Kwin mairin ra sin yang waitla kat alki, kakalni saura munaisma ki? King ba naha bîla ba nan aisin ba wal, Amán mawan ba king warkka uplika nani ba mita prakan.

Job 30:10

Saura ai kulki si, laima wina laihura takan, bara maiwanra kat yabalaya ai tuhbisa.

Aiseya 50:6

Yang nini ba ai praprukra nani ra yabri, ai wipan, yang maiwan nani ba sin wan unmaya dadaikra nani ra yabri, bara maiwan ba sin yukukras kapri saura aisi nani ba wina, yabalaya ni ai tuhbi kan ba sin.

Aiseya 52:14

Upla ailal witin ba kaiki tâ iwan ba baku, witin nani kaikan ai mawan pîska ba sât aihka pali takan ba, kan upla luhpia nani prana ba witin wina lap tiwan kan bamna,

Aiseya 53:3

upla nani witin ra bahki kulki lulki swin, waitna kum ai wîna latwanka uya bri kan, pât wahwaia ba ai natka takan. Witin ra upla kum baku kaikaia uplika apia kan, yawan bui witin ba bahki kulkan, yawan bui witin ba wan tilara kulkras.

Miqueas 5:1

Dawan bila win: “¡Jerusalem uplika nani, tawankam ba kutbi bris! ¡Mampara aiklabaia pat mai kutban sa! Bara Israel wihtka ra karna pali prukbia.

Kulki Kaikanka 12:14

Dawan bui Moses ra pana aisin: “Âu, ai aisika mita ai mawanra yabalaya tuhban kata kaka, ¿yu matlalkahbi pura kumi baha dukiara ai swira luki kaia kan apia? Baha natka ra witin ba yu matlalkahbi pura kumi utla wina saki swin kabia, bara baha ningkara kli dakni ba tilara balbia.”

Matiu 27:30

Yabalaya sin tuhbi kan, bara yauhrus dusa ba brih lal ra pruki kan.

Mark 10:34

Ai lawaska kikbia, yabalaya tuhbia, prukbia, bara ikbia, sakuna yu yumhpa ningkara, witin pruan wina kli bubia.”

Mark 15:19

Bara dus kum ni ai lal ra prukan, yabalaya tuhban, ai lula sin kriki ai pura suni mayuni kan.

Jan 18:22

Jisas naha aisin ba ra, tempel ra aihwawakra kum bâra kan ba mita, witin mawan kat pruki, win: —¿Man baku pali prîs tara ra aisisma?

Jan 19:3

Ningkara lama pali ra wih, naku win: —¡Ju nani Kingka ba raya sa! Bamna ai mawan taya ra prukan.

Apastil Nani Sturka 23:2

Bamna Ananías, prîs nani sut wihtka ba, Pal lamara bûi kan uplika nani ra adar yan, witin ba lika ai bîla kat prukbia.

Hibru Nani 12:2

Wan nakra nani na Jisas kat kaiki kap, witinka wina wan kasak lukan lâka ba, tâ wina tnata kat yawan ban bri ba. Jisas ba dus prihni ra pât wahwan, bara bahmuna pruanka saura ba wal pruya ba dukiara ai swira lukras, kan witin kaiki kan pât wahwaia ba ningkara, ai âuyapah kaia kan bara lilia sin; bara nanara, Gâd king iwaika lama pali kat wih iwisa.