Mark 14:62 - DAWAN BÎLA AISKA

⁶² Jisas witin ra win: —Âu, yang sika. Bara man nani mita Upla Luhpia Waitna ba kaikma, Gâd karnika bara mihta aihkika ra iwi, kasbrika purara kasbrikika nani tilara balbia ba.

Mark 14:62 ပူးပေါင်းရင်းမြစ်များ

Lawana Nani 110:1

Dawan bui yang dawanki ra win: “Man ba yang mihti aihkika ra iws, yang bui man waihlam nani ba man minam nani kahbaika daukamna ba kat.”

Matiu 24:30

Bâra mika Upla Luhpia Waitna sainka ba kasbrika purara latan kaikbia, bara naha tasba uplika nani sut inbia, bara Upla Luhpia Waitna kasbrika purara karnika tara bara prana wal aula ba kaikbia.

Matiu 26:64

Jisas pana witin ra win: —Man baku aisaram. Bara yang sin man nani ra mai wisna, Upla Luhpia Waitna ba Gâd, Karnika sut bri ba mihta aihkika ra iwi kasbrika purara wina aula kaikma.

Matiu 27:11

Jisas ba wihta tara mawanra brih wan kata, bara baha mita witin ra makabi walan: —¿Man ba Ju nani kingka sma ki? Jisas bila: —Baku sa, man aisaram ba kat.

Mark 13:26

Bâra mika Upla Luhpia Waitna ba, kasbrika ra ai karnika tara wal, ai pranakira aula ba, upla nani kaikbia.

Mark 15:2

Pailat witin ra makabi walan: —¿Man ba Ju nani Kingka sma ki? Bara pana win: —Âu, man aisaram ba kat.

Mark 16:19

Witin nani ra aisin ba ningkara, Dawan Jisas lika kasbrika purara bukan kan, bara mahka Gâd mihta aihkika ra iwan.

Luk 22:69

Sakuna naha piua wina, Upla Luhpia Waitna ba, Gâd karnika sut bri ba mihta aihkika ra iwi kabia.

Luk 23:3

Bara Pailat mita makabi walan: —¿Man sma ki Ju nani Kingka ba? Jisas pana win: —Man aisaram ba baku sa.

Hibru Nani 1:3

Witin sika Gâd prana ingnika ni ingwi ba; witin sika Gâd lilka talia aihwa pali ba, bara witin sika ai bîla karnakira ni, diara nani sut dihbi alki bri ba. Witin ba wan saurka nani wina sikbi wan sakan ningkara, Gâd king iwaika lama pali kat wih kasbrika purara iwan.

Hibru Nani 12:2

Wan nakra nani na Jisas kat kaiki kap, witinka wina wan kasak lukan lâka ba, tâ wina tnata kat yawan ban bri ba. Jisas ba dus prihni ra pât wahwan, bara bahmuna pruanka saura ba wal pruya ba dukiara ai swira lukras, kan witin kaiki kan pât wahwaia ba ningkara, ai âuyapah kaia kan bara lilia sin; bara nanara, Gâd king iwaika lama pali kat wih iwisa.

Hibru Nani 8:1

Yawan diara nani aisi yana tânka kau tara ba sika naha: wan prîs tara ba naku sa, bara kasbrika purara Gâd king iwaika lama pali kat iwisa.

Hibru Nani 8:10

Baha yua nani ningkara Israel nisanka wal lâ daukamna ba naku kabia wisa, Dawan bila: Yang lâika nani ba witin nani lukanka ra mangkamna, bara ai kupia nani bilara baha nani ba ulbamni. Bamna yang lika witin nani Gâdka takamna, bara witin nani ba upliki nani kabia.

2 Pita 1:16

Bamna wan Dawan Jisas Kraist karnika bara witin kli balaia dukiara man nani ra mai smalkri ba lika, yang nani âiya wina sturi saki paski mai smalkras, kan Dawan ba tara sa tânka yang nani naikra pali ni kaikri.

Param Marikanka 1:7

¡Kraist ba kasbrika nani tilara balbia! Upla sut mita witin ba kaikbia, ai wîna tara dus prihni ra saban uplika nani sin. Tasba aiska uplika nani witin kaiki sari bri inbia. Âu, baku kabia.

Param Marikanka 20:11

Bara yang lika king iwaika pihni kum kaikri, baha purara iwi kan ba sin. Ai mawan wina tasba bara kasbrika pura ba aiska lap tiwan, bara baha nani pliska kumi sin sip kaikras kan.