Mark 14:41 - DAWAN BÎLA AISKA

⁴¹ Bara kli aima yumhpa ra balan ba ra, Jisas bila baha nani ra: —Nanara lika man nani yaps, riskam bris. ¡Aitani sa! Kaiks, Upla Luhpia Waitna ba upla saurakira nani mihta ra mangkaia awarka ba aimakan sa.

Mark 14:41 ပူးပေါင်းရင်းမြစ်များ

1 King Nani 18:27

Ban sakuna yu wan lal kat piua ra, Ilayas mita baha nani lawaska kiki win: —Bîlam baikra kau karna wins, witin ba gâd kum sa bamna. Ban kra witin wark brisa, apia kaka twi ra iwaia wan, apia kaka yabal ra impaki taukisa. ¡Ban kra yapisa, bara munka buaia sa!

1 King Nani 22:15

Bamna witin king ra balan, bara king makabi walan: —Micaías, ¿yang nani Ramot Galaad tasbaya mapara aiklabaia wamna, apia kaka ban swi banhwamna ki? Bara Micaías win: —Was bara pura luma, bara Dawan bui king lâka ba mihtam ra mangkan kabia.

2 King Nani 3:13

sakuna Ilaidsa bui Israel kingka ra win: —¿Yang na man wal dîa daukaia brisna ki? Man aisikam nani piua ra prapit nani kan nani ba ra wih wals. Bara Israel kingka ba baku aisin witin ra: —Apia, kan Dawan bui sika naha kingka nani yumhpa ra asla daukan, Moab uplika nani mihta ra mangkaia dukiara.

Smasmalkra 11:9

Liliam bri bas wahma bara tiara nani, man kau wahma sma ba ra, tiara sma ba ra; man sip sma ba ra diara pain ba lihki bas. Swis kupiam brinka mita mai bri wabia bara dîa sut kaikma ba wal, kuna kupiam krauki bas baha nani sut ba Gâd mita lâmka daukbia.

Isikiel 20:39

‘Israel luhpia nani, Dawan naku aisisa: ¡Man nani aidulkam nani ra mayunaia was...! Sakuna baha ningkara man nani bîli wali daukma, bara yang nini holikira ba kli tâski daukma apia, baha prisantka nani ba yabi aidulkam nani ra puram suni.

Matiu 26:2

Man nani kaikisma baku, yu wâl lubia ningkara, Insal luan Yua lilia kabia; bara Upla Luhpia Waitna, waihli nani mihta ra ai mangkbia dus prihni ra ai sabaia.

Mark 14:10

Disaipil 12 ba tila wina kumi, nina Judas Iskariot ba, witin lika prîs wihta nani aikuki aisaia wan, baha nani wal lâ kum dauki muni Jisas ba ai mihta ra mangkaia dukiara.

Mark 14:18

Bara tibil ra iwi pi kan ba ra, Jisas witin nani ra win: —Kasak pali mai wisna: Man nani tilam wina kum, yang wal plun pi ba mita waihli mihta ra ai mangkbia.

Mark 14:35

Jisas kau wiria laihura wih tasba ra bawi ai mawan tasba kat praki, Gâd ra ai pura sunan, sip kaka baha pât wahwaia latwanka ba, witin wina lubia.

Mark 14:40

Ningkara, witin kli balan, bara disaipil nani ba yapi kan sakan. Witin nani yapan dauki kan ba mita ai nakra nani sip kwâki briras kan. Witin nani pana Jisas ra dîa wiaia sapa kaikras kan.

Mark 14:42

¡Man nani bus, kaisa yawan wap! ¡Kaiks, waihla mihta ra ai mangkuya uplika ba pat aula sa!

Mark 7:9

Baku sin win: —Man nani lâmka nina bliki, Gâd lâka ba tnaya ra ni swisma.

Mark 9:31

Witin ai disaipilka nani ra aisi smalki kan: —Upla Luhpia Waitna ba upla mihta ra mangkan kabia, bara witin ra ikbia, sakuna yu yumhpa ningkara, pruan wina kli bubia.

Jan 12:23

Bamna, Jisas pana win: —Piua ba aimakan sa, Upla Luhpia Waitna prana daukan kaia.

Jan 12:27

“¡Bamna nanara, yang kupi ra uya wirha ni ai taiban sa! ¿Bara yang dîa aisamna ki? Wimni: ‘Aisa, ¿naha kupi wirha taibanka wina swaki ai sâks’? ¡Sakuna naha pali dukiara sika yang balri ba!

Jan 17:1

Jisas naha diara nani aisin ba ningkara, witin kasbrika pura ba tani ra tawi kaiki, naku aisin: “Aisa, awarka ba pat aimakan sa. Bamna Luhpiam ra mayunra yas, bara baku mika witin mita sin mayunra maikbia.

Jan 7:30

Baku mika, upla nani ba mita Jisas ba priski bri waia luki kan; kuna upla kumi sin witin ra ai mihta mangkras kata, kan ai piua ba kau aimakras kan bamna.

Jan 8:20

Jisas naha diara nani na aisin, witin kau tempel ra smalki kan ba ra, Gâd ra prisant auhbaia bakska bâra kan pliska ra. Sakuna upla kumi mita sin witin ba alki priskras kata, kan ai piua ba kau aimakras kan.

Apastil Nani Sturka 7:52

¿Man nani damikam nani ani prapitka ra nani ra lika saura munras kan ki? Damikam nani mita ikan, baha nani baha kasakkira balaia dukiara aisi banhwi kan ba ra. Witinka ba balan ba ra, man nani waihlam saki upla mihta ra mangki, ikram.

Wihta Nani 10:14

Man nani bui gâd bahki nani bâk saki briram gâdka nani ba ra was, witin nani ra hilp makas. Baha nani swaki mai sâkbia sari lâka ra dimram ba wina.”