Mark 14:34 - DAWAN BÎLA AISKA

³⁴ Bara witin nani ra win: —Yang kupi ra sari ai daukisa, pruaia prais. Man nani nahara takaski aihwaki bas.

Mark 14:34 ပူးပေါင်းရင်းမြစ်များ

Aiseya 53:12

Baha mita Gâd bui witin ra pliska kum yabia upla tara nani tilara, karnikira nani ba aikuki tilara pura lubia, kan witin pruaia ai wîna ba yan, watawikira nani tilara kulkan kata, kan kasak pali sika upla manis upla saura ba witin twilkan upla saura nani tâwan ai pura sunan.

Inanka Nani 1:12

¡Man nani, yabalku auma ba, wiria takaski luki kaiks, sari lâka wala yang sairka na baku bâra sa sapa, ai munan pât wahwisna na! ¡Dawan bui naha pât wahwanka ai blikan, ai kupia baiwanka lapta pali taki piua ra!

Matiu 26:38

Bara witin nani ra win: —Sulki ra sari pali ai daukisa, pruaia prais. Man nani nahara takasks, bara yang wal aihwaki bas.

Jan 12:27

“¡Bamna nanara, yang kupi ra uya wirha ni ai taiban sa! ¿Bara yang dîa aisamna ki? Wimni: ‘Aisa, ¿naha kupi wirha taibanka wina swaki ai sâks’? ¡Sakuna naha pali dukiara sika yang balri ba!

1 Pita 4:7

Diara nani sut tnata yua ba pat baila sa. Baha mita, man nani sinskam yamni brih aihwaki bas bara kasak wilin pali puram suni bas.

1 Pita 5:8

Tânkira watauki bara aihwaki bas; kan waihlam dibil ba ya ya piaia wisi, layan ihbi baku pliki taukisa.