Mark 14:33 - DAWAN BÎLA AISKA

³³ Bamna Pita, Jems bara Jan kat brih wan, bara mahka sibrin daukan, sari sin takan.

Mark 14:33 ပူးပေါင်းရင်းမြစ်များ

Lawana Nani 38:11

Upliki aihwa nani kan ba, yang taiya nani sin, wîni sukwanka ba sîa yang wina laihura buisa.

Aiseya 53:10

Dawan baku lukan witin ba baku rausauhkan ni taibaia. Bara baku witin ai wîna ba yan saurka nani ba tâwan sakripais daukaia, witin ai rayaka ba yari kabia bara ai kiamka nani ba kaikbia, witin ai warkka nani daukbia mita Dawan dîa dauki ba sut yamni takbia.

Mark 16:5

Witin nani raiti ra diman ba ra, aihkika tani ra wahma kum iwi kan ba kaikan, kwala pihni yari kum dimi; bara witin nani tâ iwan.

Mark 16:6

Sakuna witin bila mairin nani ra: —¡Sirang iwpara! Man nani Jisas Nasaret wina dus prihni ra sabata ba plikisma. Witin buan sa; nahara sin âpu sa. Kaiks witin tnikan pliska ba.

Mark 5:37

Bara upla wala lika kau yan ai yula kahbras, Pita, Jems bara muihnika Jan ba baman.

Mark 9:15

Bara Jisas ra kaikan, upla sut tâ iwi, ai mapara plapan ai lakula wiaia.

Mark 9:2

Yu 6 ningkara, Jisas bui Pita, Jems bara Jan kat brih, witin nani ai mânka il kum purara wan. Bahara ai wîna aihka pali takan.

Luk 22:44

Bara baku mika witin uya pali pât wahwi kan ba tilara, kau ai tâ baiki ai pura suni kata, bara ai laptika ba tala tahwan tara baku tasba ra tahwi kata.]

Hibru Nani 5:7

Kraist naha tasba ra tauki kan piua ra, witin ai pura sunra nani bara ai makabanka nani ba sin, ai bîla baikra tara ni bara ai nakra laya uya saki sin Gâd ra yaban, witinka mita prura wina swaki sakaia karnika bri kan ba. Witin lika Gâd bîla wali daukan ba mita, Gâd bui witin ra walan.