Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Mark 12:6 - DAWAN BÎLA AISKA

6 “Kau kumi baman takaskan kan: ai luhpia waitna aihwa ba, baha ra latwan pali kata. Baha blikan ban luki: ‘Witin nani bui luhpi ra kulkbia.’

အခန်းကိုကြည့်ပါ။ ကော်ပီ




Mark 12:6
32 ပူးပေါင်းရင်းမြစ်များ  

Insal ba witin ra win: —Tukta ba ikaia mihtam bukpara, kan nanara yang pat mai kaikisna man lika Gâd ra sibrin lukisma ba, man luhpiam unhsak ba Dawan ra yabaia apia wiras sma bamna.


Bara Gâd bui witin ra win: —Man luhpiam waitna Aisak ba bris, luhpiam unhsak ba, man bui witin ra latwan pali kaikisma ba, bara Moria tasbaya ra taki was. Bahara wama ba ra, yang il kum mamrikamna, bara man baha ilka ra luhpiam ba angki sakripais dauki aik.


Israel ba ai luhpia wala nani ba wal Josep ra kau latwan kan, witin pat almuk pali si Josep ba baikan bamna. Bahamna witin ai prâka kau painkira kum sipi yaban.


Bara yang nani pana mai wîri, âu yang nani aisiki almuk kumi brisna bara muihki sirpi sin kum kau bâra sa, yang nani papiki almuk pali takan ra muihki lupia ba baikan. Yang nani sin mai wîri papiki ai plasni ba latwan pali sa, yapti kumi luhpia nani ba tila wina kau witin baman kumi ai lamara bri ba mita, kan baha plasni kankika ba sika pat pruan bamna.


witin lawbiara sîa; man nani yabal ra pruma, kan witin ai kupia baiwanka ba isi pali sa. ¡Yamni pali sa baha nani sut witin ra ai yukuwaika briaia pliki ba!


Dawan ai kupia lukra sakan ba yang aisamna: witin bui yang ra ai win: “Man lika yang luhpi waitna sma, naha yua mai sakri sa.


“Nâra kaiks yang duki dadaukra ba, yang bui witin ba alki brisna, bâk sakri ba, witin ra yang sulki ba âiyapah sa. Spiritki ba yang bui witin ai purara mangkri; witin mita kasakka lâka ba nisan nani ra bri balaia.


“Tiara aihwa ba kwihra tiwbia, bamna ai luhpia waitna kum sâkbia, ai nina ba Imaniuel mâkbia” (baha tânka lika: “Gâd yawan wal sa”).


“Yang Aisiki mita diara nani sut mihti ra mangkan sa. Upla kumi sin Luhpia ba pain pali kaikras, Aisa ba baman; bara Aisa ra upla kumi sin pain pali kaikras, Luhpia baman, bara ya ya Luhpia mita marikaia luki nani ba sin.


Kau Pita aisi kan ba ra, kasbrika ingni kum witin nani ra madiskan; bara kasbrika ba wina bîla baikra kum aisin, naku walata: “Naha sika Luhpi laitwankira. Witin sika yang bâk saki briri ba. Man nani bui witin ra wals.”


Sakuna Jisas sâp kan. Bara prîs nani wihtka ba mita win: —Gâd rayakira ba nina ra, swer taki mamkabi walisna man ba kasak ba kat aisama. Wan wis man ba Misaya, Gâd Luhpia sma sapa.


Bara kasbrika purara ba wina bîla baikra kum walan, naku aisata: “Naha sika Luhpi laitwankira; witin sika bâk saki briri ba.”


Bîla baikra kum sin kasbrika pura ba wina naku wisata: “Man ba yang Luhpi laitwankira sma; man ba bâk saki mai briri.”


Bara kli insla dawanka ba wala kum blikan; naha ra lika witin nani bui ikan. Baha ningkara kau ailal blikan, kuna tila prukan, tila ikan.


Sakuna wark tatakra nani ai mânka naku aisin: ‘Naha sika diara nani na dawanka kabia; bamna kaisa witin na ikaia, bara diara nani ba yawan dawanka takaia.’


Bara witin nani purara kasbrika kum bal madiskan. Kasbrika ba wina sin bîla baikra kum walan, naku aisin: “Naha sika Luhpi laitwankira; man nani bui witin ra wals.”


bara Spirit Holikira ba latan kaikan butku baku witin purara bal iwan, bara bîla baikra kum kasbrika pura ba wina takan, naku win: —Man ba yang Luhpi laitwankira sma, bâk mai saki mai briri.


Bara kasbrika ba wina bîla baikra kum walan, naku win: “Naha sika yang Luhpi bâk sakri ba; man nani bui witin ra wali banhs.”


Baha Bîla ba upla takan, bara yang nani tilira iwan. Bamna yang nani ai prana ba kaikri, baha prana Aisa Luhpia kumi baku Gâd wina brin ba.


Upla kumi sin Gâd ba kaikras pali sa, sakuna ai Luhpia kumi baman, witin sika Gâd, Aisa lama pali kat wal asla iwi ba, witin mita sika Gâd tânka ba wan marikan.


Pat yang mita kaikri, bara baha witniska sin aimakisna: witin sika Gâd Luhpia ba.”


Bamna Natanael bila: —Smasmalkra, man ba Gâd Luhpia bara Israel Kingka sma.


Aisa ba ai Luhpia ra latwan kaikisa, bara witin mihta ra diara sut mangkan sa.


Baku mika, upla sut mita Aisa ra mayunra yabi ba baku, Luhpia ra sin mayunbia. Ya luhpia ra mayunras ba, Aisa ra sin mayunras sa, witinka bui sika ai Luhpia blikan ba.


Sakuna Gâd mita ai Luhpia kumi baman ba naha tasba ra mahka blikuya kan ba ra, witin naku aisan: “Gâd insalka nani sut ba, witin ai pura suni mayuni banhwaia sa.”


Gâd yawan wan dukiara ai latwanka lâka ba param marikan, witin ai Luhpia kumi pali bri kan ba naha tasba ra blikan bamna, bara baku mika Kraist ba yawan sut raya kaia lâka bri kabia dukiara.


Yang, serts almukka sna ba, upliki laitwankira Gayo ra naha wauhkataya na ulbisna; witinka ra sika kasak pali latwan kaikisna ba.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ