Mark 12:36 - DAWAN BÎLA AISKA

³⁶ Kan Debit pali Spirit Holikira ingnika mita, naku win: ‘Dawan mita yang Dawanki ra win: Man mihti aihkika ra iws, yang mita waihlam nani minam munhtara mangkamna ba kat.’

Mark 12:36 ပူးပေါင်းရင်းမြစ်များ

2 Samuil 23:2

“Dawan Spiritka ba yang bîli bâk aisisa; ai bîla aisinka ba yang twisi ra sa.

Nihimaya 9:30

Witin nani wal man kasak pali kupiam alki takaskram mani nani ailal; bara man spiritkam ni prapitkam nani bâk, witin nani ra aisaram; sakuna witin nani man ra walras kan; baha mita man bui witin nani ba baha tasbaika uplika nani mihta ra mangkram.

Lawana Nani 110:1

Dawan bui yang dawanki ra win: “Man ba yang mihti aihkika ra iws, yang bui man waihlam nani ba man minam nani kahbaika daukamna ba kat.”

Matiu 5:35

tasba nina mâki sin apia, kan baha purara sika Gâd ai mina kahbi ba; Jerusalem nina mâki sin apia, baha ba King tara tawanka sa bamna.

Apastil Nani Sturka 1:16

“Muihki nani, piua ba baku aimakaia kan, piua luan Ulbanka nani ra aisi ba kat, nahki Spirit Holikira Debit bâk aisin ba Judas dukiara. Witin sika Jisas priski silak ra brih waia uplika nani tâ brin ba.

Apastil Nani Sturka 28:25

Witin nani ai tilara aikuki sip lukanka kumi sakras kan bamna, mahka taki aidruban. Bara Pal bila: —Spirit Holikira ba prapit Aiseya bâk pain aisin wan damika nani ra.

1 Korint 15:25

Kan Kraist ba king kaia sa, Gâd mita ai waihla nani sut ai mina nani munhtara mangkbia ba kat.

2 Timoti 3:16

Ulbanka aiska ba Gâd wingka puhbra mita sika, bara baha ba yamni sa upla ra smalkaia bara lawi daukaia, swakwanka nani ba wapni daukaia, bara kasakka lâka mapa ra upla ra smalkanka yabaia dukiara,

Hibru Nani 1:13

Gâd ai insalka nani tila ba wina, kumi ra sin aima kumi pan naku wiras kata: “Laima pali na ra iws, yang mita waihlam nani ba minam munhtara mangkamna ba kat.”

Hibru Nani 4:7

Baha mita, Gâd ba yu wala kum saki marikisa: baha sika “naiwa yua” wi ba. Kan Gâd bui Debit ra aisan ba bâk, kli mani ailal ningkara yawan ra wan aisisa, pat Ulbanka wina aisisata ba baku: “Naiwa, man nani bui Gâd bîla baikra ba walma kaka, kupiam nani karna daukpara.”

1 Pita 1:11

Kraist Spiritka mita, patitara piua wina pât wahwaia kan ba prapit nani ra param mariki kan, bara baha ningkara prana balaia kan ba sin; bara witin nani baha uplika ba ya sapa pliki sakaia trai muni kan, bara baha Spiritka witin nani ra iwi kan ba mita piua mariki kan ba, ani sapa sin kaikaia pliki kan.

2 Pita 1:21

Kan prapit nani lika, aima kumi sin upla lâka kat ai kupia wina diara saki aisaras kan. Sakuna, witin nani lika upla nani kan, bara Spirit Holikira mita tâ bri kan ba mita, Gâd wina diara brih aisi kata.