Mark 12:33 - DAWAN BÎLA AISKA

³³ Bara Gâd ra kupia aiska, lukanka aiska, sulka aiska, karnika aiska ni latwan kaikaia ba, wan uplika ra wan wîna baku latwan kaikaia ba sin, sakripais nani, daiwan nani altar ra angki ba sut wal kau purkara sa.

Mark 12:33 ပူးပေါင်းရင်းမြစ်များ

Lawana Nani 50:23

Ani uplika ai tingkika lâka dauki aiki ba, kulkanka lâka aikisa. ¡Bamna yang bui baha nani yabalki ra watauki nani ba swaki sakisna!”

Sins Lâka 21:3

Kasakka lâka bara wapni lâka ba dauks, kan Dawan mita baha ba kanra yamni kaikisa daiwan nani iki angki dauki ba wal.

Oseas 6:6

Yang bui man nani wina brin ai dauki ba sika, man nani latwan ai kaikma, sakripais nani dauki aikisma ba lika apia; Gâdkam baku ai kakaira taks, bara man nani daiwan aiska angki aikisma ba lika apia.

Matiu 12:7

Man nani Ulbanka ra naha tânka na kau pain briras: ‘Yang want sna ba lika umpira kaikan lâka brima, daiwan nani sakripais daukaia lika apia.’ Man nani baha tânka bri katma kaka, upla nani pât kumi sin daukras ba pâtkira daukaia apia kapram.

Matiu 9:13

Man nani was, bara Ulbanka ra naha tânka na lan taks: ‘Yang want sna man nani uplikam ra umpira kaikma, daiwan nani sakripais daukanka ba lika apia.’ Kan yang lika upla kasakkira nani ba paiwaia balras, sakuna saura dadaukra nani lika.

Kli Smalkanka 6:5

“Dawan Gâdkam ra latwan kaikma kupiam aiska kira, sulkam aiska kira bara karnikam aiska kira sin.

Hibru Nani 10:8

Pas pali wisa, Gâd ba daiwan iki sakripaiska bara prisantka ba, daiwan nani altar ra angki upla saurka brih sakaia dukiara sakripais dauki yabi ba sin, witin brin daukras bara yamni sin kaikras sa. Naha dukia nani na lâ bîla ba kat daukan kan sakuna, witin baku aisin.

1 Samuil 15:22

Bara Samuil bila win: “Dawan kau kanra yamni kaiki ba sika, witin ai bîla wali daukaia ba, daiwan wîna aiska angki sakripais nani dauki yaia ba lika apia; kanra yamni, witin ai bîla wali daukaia bara witin ra aman walaia, sîp wîna batanka nani bara sakripaiska nani dauki, prisantka nani yaia ba wal.