Mark 11:25 - DAWAN BÎLA AISKA

²⁵ Bara man nani puram sunisma ba ra, upla kum mapara diara brisma kaka, witin ra pâtka ban swih tiks, bara Aisikam kasbrika purara ba sin man nani saurkam nani swih tikbia.

Mark 11:25 ပူးပေါင်းရင်းမြစ်များ

Sakaraya 3:1

Baha ningkara, Dawan mita prîs wihta tara Jasua lilka aihka kum marikan, bara witin lika Dawan insalka mawanra bûi kan. Jasua tnaya aihkika ra dahra kwakwahkra ba, sitan sin bahara bûi kan, bara witin mapara mahka aisaia muni kan.

Matiu 5:23

“Bamna man prisantkam altar ra brih wama piua, bara baha kat kupiam krawbia muihkam kum wal pât brisma,

Matiu 6:12

Wan saurka ban swi tiks, yang nani maipara saura daukan kan ban swih tikisna ba baku.

Matiu 6:5

“Man nani puram sunma ba ra, kuninkira nani baku daukpara. Witin nani lihkisa prias watla nani ra bara tawan bîla unyukwika nani ra ai pura sunaia, upla nani mita kaikbia wisi. Kasak pali man nani ra mai wisna, witin nani baku dauki ba mana pat ai prisantka brisa.

Luk 18:11

Parisi ba lika, ai mina ra bûi, naku ai pura sunan: ‘Gâd, tingki mai wisna, kan yang lika upla wala nani baku apia sna, âimplikra, saura dadaukra, marit lâka sasauhkra, bara naha waitnika lal mana sasakra ba wal sin baku apia sna.

Luk 18:13

Sakuna lal mana sasakra Rom ra yaia ba laihura bûi kan, ai lal buki kasbrika pura tani ra sin sip tawi kaikras kan, ban sakuna witin ai lama pruki, naku aisin: ‘¡Gâd, umpira ai kaiks, yang lika upla saura sna na!’

Luk 6:37

“Upla wala lâka aisi daukpara, baku mika Gâd bui man nani lâmka aisi daukbia apia. Upla wala pât ra dingkpara, baku mika Gâd bui man nani pât ra mai dingkbia apia. Upla nani pâtka swih tiks, baku mika Gâd bui man nani pâtkam swih tikbia.

Epesus 4:32

Sakuna, sut aikuki pain banhwi bas, pana pana kupiam swapni bri bas, bara pana pana walkam pâtka swih tiki bas, Gâd bui Kraist ra mai praki pâtkam swih tikan ba baku.

Kolosi 3:13

Kumi wala mapara kupiam alki takaski pana pana swakwankam ba swih tiki bas, upla kumi ai walka mapara diara brisa kaka, Dawan mita pâtkam swih tikan ba baku, man nani sin pana pana baku dauki bas.

Jems 2:13

Kan ya ya ai uplika ra umpira kaikras kaka, witin ra sin umpira kaikras kira ai lâka daukan kabia; sakuna ani uplika umpira kaikan lâka bri kan kaka, lâ daukbia yua ra witin mita pura lubia.

Param Marikanka 11:4

Naha witniska wâl sika oliv dusa wâl ba, kiandil mina wâl ba sin, bara baha nani ba tasba Dawanka mawanra mangkan sa.