Mark 11:18 - DAWAN BÎLA AISKA

¹⁸ Prîs tara nani, Lâ Smasmalkra nani sin baha ba walan, bara witin nahki ikaia ba plikan, kan baha nani witin ra sibrin kan, upla sut ai smalkanka wali tâ iwan kan bamna.

Mark 11:18 ပူးပေါင်းရင်းမြစ်များ

1 King Nani 21:20

Bara Ahab bui Ilayas ra win: —¿Baku bamna man, yang waihli sma ba, kli ai sakram ki? Bara pana aisi, win: —Âu, pliki mai sakri, kan man ba Dawan lamara saura baman daukisma.

1 King Nani 22:18

Bara Israel kingka bui Josafat ra win: —¿Yang bui man ra mai wiras katna ki witin bui yang ra diara yamni kumi sin dahra aisi ai wiras, sakuna saura baman ai wisa?

1 King Nani 22:8

Bara Israel kingka ba mita pana Josafat ra win: —Waitna kum nâra sa, yawan sip sa witin bâk Dawan ra aisaia. Baha lika Micaías Imlá luhpia ba, sakuna yang mita baha kulkras, kan aima kumi sin diara yamni dahra aisi ai wiras sa, sakuna saura baman. Bara Josafat mita win: —Baku man aisapara.

Aiseya 49:7

Dawan, Israel Gâdka holikira, pri sasakra ba wisa tawan nani aiska pali lulki swin ba ra upla wala nani bri misbara kaiki ba, upla tataibra nani albika nani takan ba: “King nani ba bara king luhpia nani sin mai kaikbia ba ra, witin nani ba bal mamwanra bawbia, kan yang, Dawan, Israel Gâdka Holikira, bâk mai sakri yang dîa daukaia ba sut man ra aimakbia.”

Matiu 21:15

Sakuna prîs wihtka bara Lâ Smasmalkra nani lawan sain nani aihka daukan ba kaiki, bara tuktan nani tempel ra naku wini kan ba walan: “¡King Debit Luhpia ra Prana Tara Kabia!”

Matiu 7:28

Jisas aisi prakan ba ra, ai smalkanka dukiara upla nani tâ iwi kata;

Mark 1:22

Witin aisi kan ba dukiara upla nani tâ iwan, kan smalkaia karnika bri uplika baku smalki kan, Lâ Smasmalkra nani baku lika apia.

Mark 11:32

¿Apia kaka, yawan upla nani mita blikan wibia?” Witin nani lika upla nani ra sibri luki kan, upla sut Jan ba Gâd prapitka kasak kulki kan bamna.

Mark 12:12

Bara witin nani trai kaikan Jisas ra alkaia, kan witin nani kaikan naha maprika lilka aisin na, witin nani mapara aisin. Sakuna upla nani ra sibri kan bamna, witin ra swi si, mahka wan.

Mark 3:6

Bara parisi nani taki, Herod uplika nani wal ai lâka daukan Jisas ra ikaia.

Mark 6:20

Herod pain kaikan Jan ba waitna kasakkira bara holikira kan, baha mita witin ra sibrin luki kan; bamna Herod mita yan saura munras. Jan smalkanka ba wali, sakuna Herod dîa daukaia sapa tânka briras kan, ban sakuna pain pali wali kata.

Luk 19:47

Bara yu bani Jisas tempel ra upla smalki kan, bara prîs wihtka nani, Lâ Smasmalkra nani bara upla tâ aimaki nani ba mita nahki ikaia sapa pliki banhwi kata.

Luk 2:47

Baha nani Jisas ra wali kan ba sut tâ iwan kan, ai sinska tara ba dukiara, pana dîa witin nani mita makabi wali kan tânka param wi ba dukiara sin.

Luk 20:19

Baha sim piua ra, prîs wihtka nani bara Lâ Smasmalkra nani mita Jisas ra alkaia luki kan, witin nani kaikan baha maprika lilka aisin ba lika witin nani ai mapara kata, sakuna upla nani ra sibrin luki banhwi kan.

Luk 4:22

Upla nani bahara kan ba sut, Jisas dukiara pain baman aisin, tâ sin iwan kan, bîla painkira nani witin nani ra aisin ba dukiara. Pana pana sin makabi wali kan: —¿Naha apia Josep luhpia ba?

Jan 7:1

Naha diara na ningkara, Jisas Galili tasbaya ra impaki tauki kan; witin Judia ra takaskan daukras kata, kan bahara Ju nani witin ra ikaia want kan bamna.

Jan 7:19

“¿Kasak apia Moses mita man nani ra lâ ba maikan? Ban sakuna, man nani kumi sin baha lâka bîla wali daukras. ¿Bamna dîa muni ai ikaia want sma ki?

Jan 7:46

Suldiar nani ba mita pana win: —¡Baha waitnika aisi ba baku, kau upla kumi sin aisaras sa!

Apastil Nani Sturka 24:25

Sakuna Pal aisin ai rayaka wapni bri kaia tânka dukiara, wan wîna alki takaskaia lâka bara naika lâ tara yua ra lâ tara ba dukiara sin. Bamna Félix sibrin taki, win: —Nanara man mahka was, sakuna ani piua yang sans bri kamna ba ra, kli mai paiwamna.