Mark 10:18 - DAWAN BÎLA AISKA

¹⁸ Jisas bila: —¿Dîa muni yang ra yamni ai wisma? Yamni ba kumi baman sa, wala âpu, baha ba Gâd sa.

Mark 10:18 ပူးပေါင်းရင်းမြစ်များ

Lawana Nani 119:68

Man ba yamni sma, yamni sin daukisma; man lâmka nani ba ai smalks.

Lawana Nani 145:9

Dawan upla sut wal pain sa; bara ai kupia swapni wal ai warkka nani ba main kaikisa.

Lawana Nani 86:5

Dawan, man yamni sma, wan pâtka nani swih tikisma; man ra ai pura suni nani ba sut ra, latwan kaikisma.

Matiu 19:17

Jisas pana witin ra win: —¿Dîa kan yang ra yamni ba dukiara makabi walisma? Yamni ba kumi baman bâra sa. Sakuna raya ban kaia ra diman mai daukisa kaka, lâ nani ba wali dauks.

Mark 10:17

Bara Jisas kli impakan ba ra, waitna kum plapi bal, ai mawanra ai lula kriki, makabi walan: —Smasmalkra yamni, ¿yang raya ban kaia lâka ba briaia kaka, dîa daukaia sna ki?

Mark 10:19

Man, Gâd lâka nani ba pain kaikisma: ‘Upla ikpara, marit lâka sauhkpara, implikpara, upla ninara kunin aisapara, upla ra kunin munpara, aisikam bara yaptikam wal ba pain kulks.’

Luk 18:19

Jisas pana win: —¿Dîa kan yang ra yamni ai wisma ki? Yamni ba wala âpu sa, kumi baman sa, baha ba Gâd.

Roman 3:12

Upla sut ba yabal saura ra wan sa, bara sut sin saura lâka ra baman wan. ¡Bamna yamni dauki ba âpu sa! ¡Kumi sin âpu sa!

Jems 1:17

diara pain bara kasak nani ba, kasbrika pura ba wina balisa; Gâd kasbrika pura ingnika nani paskan ba mita wankisa. Gâd lika piua bani ban kaia ra ban bâra sa, bara witin mita dista kumi ni sin yawan ra wan madiskras sa.

1 Jan 4:16

Bamna baku yawan sip kan kaikaia bara kasak lukaia, Gâd mita latwan wan kaikisa. Gâd ba latwan lâka sa; bara ya latwan lâka ra iwi ba lika Gâd ra iwisa, bara pana Gâd lika witin ra iwisa.

1 Jan 4:8

Bamna ya latwan lâka âpu sa, Gâd kakaira apia sa, kan Gâd ba latwan lâka sa.

1 Samuil 2:2

¡Dawan, wala kum man holi sma ba baku âpu sa! Gâd, man wan kahbisma ba baku wala âpu sa: ¡Man wal baku wala âpu sa!