Mark 1:32 - DAWAN BÎLA AISKA

³² Lapta diman bara pat tihmia kan, upla sikniskira nani, pirit saura bri nani sut, Jisas ra brih balan,

Mark 1:32 ပူးပေါင်းရင်းမြစ်များ

Matiu 4:24

Siria tasbaya sut ra Jisas sturka walan, bara siknis sât sât bri nani, pirit saura bri nani, wîna tatatwi nani bara wakia lâwi pruan nani ba sin sut witin ra brih balan. Jisas mita sut rakan.

Matiu 8:16

Tihmia iwan kan, Jisas ra pirit saura bri uplika nani ailal brih balan; bara ai bîla kumi ni baman pirit saura nani ba kangbi sakan, sikniskira nani sut sin rakan.

Matiu 8:17

Naha ba baku takan, prapit Aiseya aisin ba baku aimakaia: “Witin wan swapnika nani brin, bara wan sikniska nani sin twilkan.”

Mark 1:21

Bara witin nani Kapernaum ra diman. Ris yua ra, Jisas prias watla ra dimi, upla ra mahka smalkan.

Mark 1:31

Jisas ai lamara wih, mihta ra alki bukan, bara rihka ba mahka swin, bamna mairka ba mahka witin nani dukia daukan.

Mark 3:2

Bara upla nani Jisas ra aihwaki kaiki kan ris yua ra upla rakbia sapa, bara baku dahra sakaia sip kaia.

Luk 4:40

Yu pat tutni kan, siknis sât sât bri kan uplika nani ba sut Jisas ra bri balan; witin baha nani kumi bani ra ai mihta nani kahban, bara rakan.

Luk 4:41

Siknis uplika manis wina pirit saura nani sin takan, bara bîla baikra wini, naku aisi kan: —¡Man ba Gâd Luhpia sma! Sakuna Jisas mita pirit saura nani ra lawi daukan, yan sin aisaras kan, witin nani kaikan witin ba Misaya kan.