Mark 1:21 - DAWAN BÎLA AISKA

²¹ Bara witin nani Kapernaum ra diman. Ris yua ra, Jisas prias watla ra dimi, upla ra mahka smalkan.

Mark 1:21 ပူးပေါင်းရင်းမြစ်များ

Matiu 4:13

Sakuna Nasaret ra takaskras, ban Kapernaum tawanka ra wih iwan; baha lika lakun un ra kan, Zabulón bara Neftalí tasbaya.

Matiu 4:23

Jisas Galili tasbaya kir taukan, plis bani priaska watla nani ra smalki kan Gâd king aimaki sturka yamni ba; bara siknis sât sât upla nani bri kan ba sut sin raki kan.

Mark 1:20

Baha ningkara winan, bara witin nani ai aisika Sebedi ba wark tatakra nani aikuki duri ba kat swin, bara mahka Jisas wal wan.

Mark 1:29

Jisas, Jems, Jan wal Ju nani priaska watla wina taki, Saiman bara Andru watla ra wan.

Mark 1:33

bara tawan uplika sut dur lamara asla takan.

Mark 1:39

Baku Jisas Galili kuntrika aiska ra tauki kan, tawan bani ra Ju nani priaska watla ra smalki, bara pirit saura nani sin kangbi saki kan.

Mark 10:1

Jisas Kapernaum wina taki wan, Judia tasbaya ra wan, Jordan awala lalma tani tasbaya ra. Bahara upla ailal ba kli ai lamara balan, bara Jisas ai natka kan ba baku, kli witin nani ra smalki kan.

Mark 2:1

Yu kum kum luan ningkara, Jisas kli Kapernaum tawanka ra diman; upla nani sin walan witin utla ra sa.

Mark 3:1

Jisas kli Ju nani priaska watla kum ra diman. Bahara mihta lâwan waitnika kum kan.

Mark 6:2

Ris yua balan ba ra, prias watla ra dimi, mahka smalkan. Upla ailal baha wali, tâ iwi, naku aisan: —¿Naha waitnika anira naha diara nani sut lan takan sa ki? ¿Sinska lâka tara pali bri na, sain tara sin dauki na, ya wina yan ni?

Luk 10:15

Bara man, Kapernaum tawanka, ¿lukisma ki man ba purara mai bukan kabia kasbrika pura ba kat? ¡Man lika tasba mununhtara mai alahban kabia, pruan nani tasbaya kat!”

Luk 13:10

Ris yua kum ra, Jisas Ju nani priaska watla ra upla smalki kata.

Luk 4:16

Jisas Nasaret ra wan; baha tawanka ra sika witin pâwan ba. Ris yua ra ai natka kan ba baku, Ju nani priaska watla ra wih diman, bara ai mina ra buan Ulbanka nani wina aisi kaikaia.

Luk 4:23

Jisas baha nani ra win: —Kasak pali mai wisna, man nani naha maprika sturka na ai wima: ‘Daktar, man sikniskam ba wina raws.’ Bara sin ai wima: ‘Kapernaum ra daukram tânka yang nani walri ba, naha man pali tasbayam ra sin dauks.’

Apastil Nani Sturka 17:2

Pal ai natka kan ba baku, witin Ju nani priaska watla ra wih diman. Wik yumhpa bahara takaskan bara ris yua bani baha uplika nani wal aisi kan.

Apastil Nani Sturka 18:4

Ris yua bani Pal lika Ju nani priaska watla ra wan; bahara witin trai kaiki kan Ju nani bara Grik uplika nani sin kupia alkaia.