Mark 1:14 - DAWAN BÎLA AISKA

¹⁴ Witin nani Jan Tatahbra silak watla ra mangkan ba ningkara, Jisas Galili ra wan, Gâd wina sturi yamni win ba aisi smalkaia.

Mark 1:14 ပူးပေါင်းရင်းမြစ်များ

Matiu 11:2

Jan silak watla ra kan ba ra, dîa dîa Kraist dauki kan ba walan. Bara ai disaipilka tila saki blikan wan baha kaikaia,

Matiu 14:2

bamna witin wal kan uplika nani ra win: “Baha lika Jan Tatahbra pruan wina kli buan sa. Baha mita sika sain tara nani daukaia karnika bri ba.”

Matiu 4:12

Jisas walan Jan ba silak ra mangkan, bara witin Galili tasbaya ra wan.

Matiu 4:17

Baha piua wina Jisas mahka aisi smalkan, naku aisi: “Man nani saurkam nani wina kupiam laks, Gâd Kingka aimaki ba lâka pat baila sa bamna.”

Matiu 4:23

Jisas Galili tasbaya kir taukan, plis bani priaska watla nani ra smalki kan Gâd king aimaki sturka yamni ba; bara siknis sât sât upla nani bri kan ba sut sin raki kan.

Matiu 9:35

Jisas lika tawan tara nani bara tawan sirpi nani ra sin tauki kan, bara tawan bani priaska watla nani ra smalki kan. Witin lika Gâd king aimaki ba lâka sturka yamni ba smalki kan, bara siknis sât sât, wan wîna latwanka nani sin raki kan.

Luk 3:20

Sakuna Herod baha nani alki briaia watlika ra diara saura wala sin daukan, bara Jan ba silak ra mangkan.

Luk 8:1

Naha ningkara, Jisas tawan tara nani bara tawan sirpi nani ra sin impaki, Gâd Kingka Lâka sturka ba smalki kan. Apastil 12 ba witin yula kahbi tauki kan.

Apastil Nani Sturka 20:25

“Bamna yang naiwa kasak pali mai wisna, man nani tilamra Gâd King aimaki ba lâka smalki tauki kapri ba, kli maiwan kaikma apia.

Apastil Nani Sturka 28:23

Bamna yu kumi mangki yan, bara baha yua ra upla ailal pali balan Pal takaski kan ba watla ra. Titan wina tutni kat baha nani ra aisin Gâd King aimaki Lâka ba dukiara. Bara Pal baku Jisas tânka aisi baha nani ba kupia lakaia muni kan, Moses lâka wina, bara prapit nani Ulbanka ba wina sin.

Roman 1:1

Yang Pal, Jisas Kraist dukia dadaukra sna, Gâd ai paiwan witin ai apastil kaia bara Gâd bui witin swaki wan saki sturka ba upla nani ra smalkaia.

Epesus 2:17

Kraist bal upla sut ra kupia kumi sturka yamni ba smalkan, man nani laihura nani katma ba sut ra, bara Ju nisanka sut, Gâd lamara kan nani ra sin.