Malaquía 4:6 - DAWAN BÎLA AISKA

⁶ Witin balbia aisika nani bara ai luhpia nani wal yaka kumi lâka daukaia. Baku daukras kabia kaka, yang balamni ai kuntrika ba klala yabi, sauhki âpu tikaia.”

Malaquía 4:6 ပူးပေါင်းရင်းမြစ်များ

Aiseya 11:4

Kasakka lâka ni swapni nani ba lâka daukbia, kuntri ra umpira nani bâra ba kan sunbia. Bîla nani witin aisi ba dus kum baku praut karna aisi nani ba ra klala yabi kabia. Ai bîla aisinka nani ba dus kum baku baha ni saura prautkira nani ba klala yabia, witin ai bîla aisi ba ni watawikira ba ikbia.

Aiseya 24:6

Baha tâka sika, lahtubanka kum mita tasba na âpu daukan, iwanka watla nani ba sut bîla man swin, baha tâka mita, upla nani bahara iwi kan ba sin sut âpu daukan. Upla nani ba maura man swin.

Aiseya 40:3

Bîla baikra kum winisa: “Man nani bui Dawan yabalka ba ridi dauks upla iwras tasbaya ra, Gâd yabalka tara ba wapni dauks, wapanka kum wapni biarapara pliska kum ra.

Aiseya 43:28

Man wihta nani brisma ba tempelki ba tâski daukan, baha mita yang wîri, Jekob tawanka, Israel ba, swira dauki, sauhki tikaia.

Aiseya 61:2

Dawan yamni kaiki manka ba smalkaia, yawan wan Gâdka ba mita wan waihla nani ra pana munbia yua ba. Sari bri nani ba sut sin maisa nihkaia ai blikan.

Aiseya 65:15

Bara man nani ninam ba mâki, yang upliki nani ba upla wala nani ra lahtubi kabia, bara Dawan mita ai dukia dadaukra nani ra nina wala ni mâki kabia.

Daniel 9:11

Israel luhpia nani sut man bîlam kulkras atia takan, bara dîa lâ mangkram ba sin wali daukaia apia win; baha mita naha lahtubanka na wan purara kauhan, aikuki swer daukan ba nampakan Moses lâ wauhkataya ra ulban ba kat, ban yang nani lika man mampara saura dauki banhri.

Sakaraya 11:6

Bamna baha natka ra, yang sin naha kuntrika ra iwi uplika nani mapara kupi swapni daukamna apia, sakuna uplika nani kumi bani ba, ai uplika nani mihta ra, ai kingka mihta ra mangkamni. Baha nani mita tasbaya na sauhkbia, bara yang lika upla kumi sin witin nani mihta wina swaki sakamna apia. Yang, Dawan, kasak aisisna.”

Sakaraya 13:8

Naha kuntrika ra iwi nani ba tila wina kwâra tara prui banhbia; bara kwârika wala baman raya kabia. Baha raya nani ba pauta klauhi bâk bri lui wamna; silbar baku slilki sunu sakamni, gul lipni daukan ba baku daukamni. Bara witin nani bui yang ra ai pura sunbia, yang sin pana witin nani ra aisamna. Bara ai nina ba sin ‘Yang upliki nani’ mâkamni, bara witin nani sin pana ai wibia: ‘Dawan ba yang nani Gâdki.’ Yang, Dawan, naha aisisni.”

Sakaraya 14:12

Sakuna Jerusalem mapara aiklaban ba nisanka nani mapara, Dawan mita klala karna pali yabia: uplika nani kau raya tauki bara wîna ba pat sukwi kabia; nakra nani ba sin sukwi kabia, twisa ba sin bîla kat sukwi lubia.

Sakaraya 14:2

Baha yua, Dawan mita nisan nani sut ba asla daukbia, Jerusalem mapara aiklabaia. Witin nani tawan tara ba pura lubia, watla wina diara sut saki bribia, mairin nani ra sin alki saura muni, tawanka bakriki uplika nani ba alba briaia brih wabia. Bakriki baman Jerusalem ra takaskbia.

Sakaraya 5:3

Bara witin naku ai win: “Wauhkataya ba ra ulban sa, naha kuntrika aiska ra lahtubanka alkuya ba. Tnaya wâl ra naku ulban sa, kunin aisi impliki swer taki nani ba sut klala briaia sa.

Matiu 22:7

Bara king ba kasak pali ai kupia baikan, bamna ai suldiar nani blikan baha upla âikra nani ba iki tikaia, bara ai tawanka ba sin angkka luaia.

Mark 11:21

Ba kat Pita ai kupia krawan, bara Jisas ra win: —Smasmalkra, kaikram, kwah dusa lahtubatma ba pat lâwan sa.

Luk 1:76

Bamna man, luhpi lupia, Gâd Laih Purara iwi ba prapitka mai mâkan kabia, kan Gâd kainara yabalka nani ba man mita ridi dauki wama,

Hibru Nani 6:8

Sakuna kiaya nani bara rahra nani sakisa kaka, baha lika bahki sa; witin ba Gâd mita lahtubia trabilka ra sa, tnata kat pauta wal angki sauhki tikan kabia.

Param Marikanka 19:15

Ai bîla wina sord mala kum taki kan, baha ni upla sât sât pura luaia dukiara. Witin baha nani purara wihta aimakbia ayan klalka ni, bara witin nani lâka daukbia upla kum ai mina ni wain mâ taibi laya saki ba baku, bara Gâd witinka karnika sut bri ba kupia baiwanka tara wainka ba, baha nani ra yaka dibia.

Param Marikanka 22:3

Lahtuban dukia baha tawanka bilara kau âpu kabia. Gâd bara Sîp Luhpia king aimaki iwaika ba baha tawanka ra kabia, bara ai warkka dadaukra nani mita ai pura suni mayunbia.