Malaquía 3:8 - DAWAN BÎLA AISKA

⁸ Bara yang mamkabi walisna: ¿Upla kum sip sa ki Gâd ra kunin muni ba wina diara briaia? ¡Sakuna man nani lika kunin aisi yang wina diara brisma! Sakuna man nani kau ban makabi walisma: ‘¿Dîa pali yang nani dauki kunin mai munisna ki?’ ¡Diara 10 bani wina kumi aikaia bara prisant wala nani sin aikaia sma ba man nani aikras kapram!

Malaquía 3:8 ပူးပေါင်းရင်းမြစ်များ

Lawana Nani 29:2

Dawan ra ai nina mayunra prana ba yas; Dawan ra mayuns, Dawan wal aisaia watla pranakira ra.

Sins Lâka 11:24

Upla bâra sa diara yui ba kau aiska pura praki brisa; wala bâra sa, diara yuaia kan ba takaskisa, ban sakuna umpira bara diara luha takisa.

Aiseya 43:23

Daiwan wîna aiska angki sakripaiska dauks yang ra bri balras kapram, sakripaiskam nani wal sin pain ai kulkan lâka ba yang ra aikras katma. Baku sin yang taibi mai munras katna prisantkam nani aiki kaia, kîa yamni dauki sakripaiska nani sin dauki aikma mai wiras katna.

Libait Lâka 19:25

Mani matsip kat bâra lika man nani baha mâ nani ba piaia sip kama, bara baku dus nani ba sin ai mâ kau ailal maikbia. Yang sika man nani Dawan Gâdkam.

Sakaraya 5:3

Bara witin naku ai win: “Wauhkataya ba ra ulban sa, naha kuntrika aiska ra lahtubanka alkuya ba. Tnaya wâl ra naku ulban sa, kunin aisi impliki swer taki nani ba sut klala briaia sa.

Malaquía 1:13

Man nani aisisma: ‘¡Naha warkka daukan man swapri!’ Baku bahki ai kulkisma. Ba sut dauki man nani ban lukisma, yang lilia kamna daiwan kum impliki, apia kra bîp skahwa, apia kaka siknis ba yang ra aikaia.

Malaquía 1:8

man nani sin lukisma diara saura apia sa daiwan nakra baiwan nani, skahwa nani, sikniskira nani ba yang ra aikaia.” ¡Bahmuna daiwra nani ba tasba wihtka nani ra bri si prisantka yas, witin nani liliakira brih tingki mai wibia sapa!

Matiu 22:21

Witin nani bila: —Wihta tara dukia. Bara Jisas bila: —Ban kaka, wihta tara dukia ba wihta tara ra yas, bara Gâd dukia ba Gâd ra yas.

Mark 12:17

Bara Jisas witin nani ra win: —Man nani Rom wihtka ra yas, dîa Rom wihtka dukia ba, bara dîa Gâd dukia ba, Gâd ra yas. Bara aisin ba dukiara, tâ iwan.

Luk 20:25

Jisas pana win: —Bamna Sisar ra yas diara nani Sisar dukia ba, bara Gâd ra yas diara nani Gâd dukia ba.

Roman 13:7

Ya bani ra yabaia sma ba uplika ra yas. Dîa lal mana nani aibapaia brisma ba, mahka aibaps; dîa dîa lal mana kaka, yaura pain kulkaia kaka pain kulks, kulkanka bri ba kulkanka ba yas.

Roman 2:22

Man wisma marit lâka sauhkaia apia, ¿bara dîa muni man pali marit lâka sauhkisma ki? Man aidul nani ra misbara kaikisma ba, ¿dîa muni man pali ai tempelka nani wina implikisma ki?

Jasua 7:11

Israel luhpia nani saura daukan, witin nani wal lâ daukri lâka ba witin nani sauhkan. Diara nani sut sauhki tikbia wîri ba dukia nani ba, witin nani ai dukia brin. Witin nani saura daukuya ba tânka bri kan, sakuna ban implikan, baha diara brin nani ba ai tilara yukuki brisa.