Malaquía 3:7 - DAWAN BÎLA AISKA

⁷ Man nani sin lâika nani daukaia ba wina laihura waram, damikam nani lâika wina laihura wan baku, witin nani ba yang bîli wali daukaia apia wisi. Yang karnika sut alki brisna Dawanka ba, man nani ra wisma: ¡Man nani kli yang ra tawi bal, bara yang sin man nani ra kli tawamni! Ban sakuna, man nani aisisma: ‘¿Dîa dukiara yang nani na man ra kli tawaia sna?’

Malaquía 3:7 ပူးပေါင်းရင်းမြစ်များ

Nihimaya 9:26

“Sakuna witin nani man bîlam wali daukras kan, mampara buan, bara man lâmka ba bahki kulkan. Baha purkara, prapitkam nani ba witin nani mita ikan, kan baha nani witin nani ai mapara param aisi kan, bara win ai kupia lakbia, baha tâwan minam prukanka tara dauki kan.

Aiseya 65:2

Maipara babura uplika nani mawanra, yu aiska yang mihti sakbri, witin nani sika yabal yamni apia bâk impakisa, ai kupia lukanka saura nani ba ninara;

Jirimaya 16:11

Bara man bui witin nani ra wis: ‘Dawan kasak aisisa: Damikam nani ba yang ai swin bara gâd wala nani ninara wan, baha nani ra ai pura suni mayunan, baha mita sika baku taki ba; ai lulkan, witin nani diara daukaia smalkri ba sin daukras.

Jirimaya 16:12

Bara man nani kau saura daukram damikam nani ba wal, man nani kumi bara lamla karna lukankam ra dîa daukaia brin mai dauki ba bîla wali daukram, sakuna yang bîli lika wali daukras.

Jirimaya 3:22

Maipara babura kiamka nani, yang ra kli tawi bal, man nani maipara buisma sikniska ba wina mai rakamna.’ ” “Bahamna yang nani lika man ra balri, nâra sna, kan man sika yang nani Dawan, Gâdki.

Jirimaya 7:25

Man nani damikam nani Idsip wina takan ba yua wina naiwa kat, prapitki nani duki dadaukra nani ba man nani ra kum blikri ba ninara wala nani bliki ban sna.

Jirimaya 7:26

Sakuna man nani bui yang bîli wali daukaia apia wiram, uni sin kahbras, almukkam nani ba wal man nani kau kiamam karna takan.

Isikiel 2:3

Witin kau ban aisi kan: “Upla luhpia, yang bui Israel luhpia nani ra mai blikisna, baha tawanka bîla walras ba, bara yang maipara buan sa. Witin nani, bara ai almukka nani sut kira maipara buan, naiwa yua kat.

Isikiel 20:13

Sakuna upla iwras tasbaya ra maipara buan, bara lâika bîla walras; dîa daukaia lâka yabatna ba baha dauki raya kaia; riski yua nani briaia kata ba tâski daukan. Bara lukri kan kupi baiwanka witin nani purara batakaia bara upla iwras tasbaya ra âpu daukaia.

Isikiel 20:21

‘Sakuna witin nani luhpia nani sin maipara buan. Lâika bîla nani wali daukras kan, dîa daukaia wîni lâka ba sin alki daukras, baha ya daukbia ba raya kabia wîri ba, riski yua nani ba tâski daukan. Lukri yang kupi baiwanka witin nani purara blikaia, bara upla iwras tasbaya ra âpu daukaia, kupi baiwanka lamni daukaia.

Isikiel 20:28

Yang pramis takri tasbaya ra yabri diman ba ra, kiahwak kaiki kan kiuhsi kum ba, apia kaka dus tara kum ba, bahara ai sakripaiska nani dauki kan bara prisantka nani yabi kan. Kupi tara pali sauhki ba sika, kîa yamni nani laiki kan bara prisantka nani ba wain ni laiki kan.

Isikiel 20:8

‘Kuna witin nani lika yang maipara buan, bara yang ra walaia brinka apia kan; sakuna Idsip wina aidul nani brin ba âpu daukras, witin nani baha nani swiras. Yang lukri kupi baiwanka witin nani purara batakaia, bara klala yabaia Idsip ra, yang kupi baiwanka wina âuyapah takbia kat.

Oseas 14:1

¡Israel, Dawan Gâdkam ra, kli tawi bal, man saura daukram ba tâka mita sika kauhram ba!

Sakaraya 1:3

Bahamna nanara, yang bîli na upla nani ra wis: ‘Yang ra kli tawi bal, bara yang sin man nani ra tawamna. Yang, Dawan, kasak aisisna.

Malaquía 1:6

Karnika sut bri Dawanka ba, prîs nani ra naku aisisa: “Luhpia nani ba ai aisika ra kulkanka tara yabisa, bara alba nani ba sin ai dawanka ra yamni kulkisa. Bamna yang na man nani Aisikam sna kaka, ¿dîa muni tara ai kulkras sma? Man nani albiki, yang na Dawankam sna kaka, ¿dîa kan yamni ai kulkras sma? Man nani bahki ai kulkisma, sakuna ban aisisma: ‘¿Yang nani dîa dauki bahki mai kulkisna ki?’

Malaquía 3:13

Dawan aisisa: “Man nani bui yang maipara bîla karna pali aisaram. Bara kau ban makabi walisma: ‘¿Dîa saura nani mampara aisari?’

Matiu 23:27

“¡Lâ Smasmalkra nani bara parisi nani, kuninkira nani, man nani mampara saura pali kabia!, kan man nani lika sim raiti pint pihni dingkan bara pura mapa baman pain ba baku sma, sakuna bîla tani lika upla pruan dusa nani bara diara tâski ni banhwan sa.

Luk 15:16

Witin sin brin dauki kan ai biara ba banhkaia plun taya nani kwirku nani pi kan ba ni, sakuna upla kumi pan baha sin sip yaras kata.

Roman 10:21

Sakuna Israel luhpia nani dukiara Aiseya naku wisa: “Yu aiska mihti nani ba sakbri, kiama karna bara bîla kat sin wali daukras uplika nani ra.”

Roman 10:3

Sakuna Gâd upla ra pâtka wina pri saki ba witin nani baha kaikras, baha mita witin nani ai natka bâk swak takaia plikisa, Gâd daukan ba ra bawras kira.

Roman 7:9

Piua kum bâra kan, lâ âpu kan ba mita yang raya kapri. Sakuna lâ balan ba ra, saurka ba kli raya takan,

Kli Smalkanka 31:20

Yang mita baha tasbaya tialka laya bara nasma wal lî aubi baku ai damika nani ra yabaia wîri ba ra yarka dimbia piua ra, witin nani plun pih aibanhbia, bara batanbia, bara gâd wala nani ninara wih mayunbia, bara yang ra bahki ai kulkbia, bara yang lâika ba wina dakwi takbia.

Jems 4:8

Gâd lamara man nani was, bara witin lika man nani lamamra wabia. ¡Saura dadaukra nani, mihtam nani ba siks! ¡Bara man nani bui Gâd ra latwan kaikisma, bara sim piua ra tasba ra latwan kaikaia lukisma nani ba, kupiam nani sunu dauks!