Malaquía 3:3 - DAWAN BÎLA AISKA

³ Dawan bal iwbia prîs nani Libai kiamka nani ba sunu daukaia, silbar bara gul slaslilkra nani pauta klauhan ra kiski tâskika saki ba baku. Baha kat lika witin nani daukaia kata ba baku dauki si, prisantka nani Dawan ra brih balbia.

Malaquía 3:3 ပူးပေါင်းရင်းမြစ်များ

Lawana Nani 116:17

Man ra tingki mai wiaia sakripaiska dauki maikamni, bara Dawan ninam mâki winamni.

Lawana Nani 4:5

man nani kunin âpu sakripais dauks, bara Dawan kat kasak luks.

Lawana Nani 4:6

Upla ailal wisa: “¿Ya yawan ra lilia lâka wan marikbia?” ¡Dawan, namkra ra yang nani ra pain ai kaiks!

Lawana Nani 50:14

¡Tingki wiaia lâka ba, Gâd ra prisantka yas; Laih Purara ba ra pain kulkan yaia pramiskam ba yas!

Lawana Nani 50:23

Ani uplika ai tingkika lâka dauki aiki ba, kulkanka lâka aikisa. ¡Bamna yang bui baha nani yabalki ra watauki nani ba swaki sakisna!”

Lawana Nani 51:19

Bâra mika sakripais maiki ba brima, daiwan nani, prisant nani aiska angki maiki ba sut sin brima. Bâra mika altarkam purara bîp wainhka nani yaban kabia.

Lawana Nani 66:10

Wan Gâdka, man mita wan tânka laki kaikaia swiram sa, ¡silbar klin daukan ba baku sunu wan daukisma!

Sins Lâka 17:3

Gul bara silbar ba pauta ra angki kaikisa; sakuna upla lukanka ba lika, Dawan mita laki kaikisa.

Sins Lâka 25:4

Auhya yuya ba silbar wina sikbi aihka sâkma, bara slaslilkra mihta ra sakahkaia kapka pain bal takbia;

Aiseya 1:25

Mihti man nani mampara kli bukamna, dipastikam nani ba sut pali angkamna; tâskikam nani ba wina klin pali mai daukamna.

Aiseya 48:10

Yang sunu mai sakri, sakuna silbar ra dauki ba baku lika âpu, sakuna kubus tara ra baku pât wahwaia.

Aiseya 61:6

Bara man nani ba, Dawan prîska nani mai win kabia, yawan wan Gâdka napakanka nani mai win kabia. Nisan nani dukia kukanka ba wina man nani pima, bara witin nani ai prana ba wina man nani pramna daukma.

Jirimaya 9:7

Ba mita yang, Dawan, karnika sut brisna ba, mai wisna: ¿Kau dîa wala yang upliki nani ba wal daukaia sip sna? ¡Pauta ra kiski tâski âpu daukaia sna!

Isikiel 20:38

Mapara babura bara turbanka dadaukra nani ba wina dakbi mai sakamni, bara nanara upla tasbaya ra iwisma ba wina mai sakamna; kuna witin nani Israel tasbaya ra dimbia apia. Bara baku man nani damra walma, yang sika Dawan sna ba.

Daniel 11:35

Baku sin upla nani ra smalki kan ba kum kum ra nina bliki rausauhkan kabia, baku mika tânka ba pliki kaikan kabia, sut ba holi bara kasak lâka daukbia, baha piua mangkan ba tnata alkbia ba kat.

Daniel 12:10

Upla ailal lika pât saura wahwaia aisin ba bâk luaia sa, bara baha wina klin bara kasak aihwakira kulkan kabia. Watawikira nani ba lika ban saura nani dauki kabia, dîa taki ba dukiara tânka sin briras kabia, sakuna upla sinskira nani ba lika diara sut tânka ba bri kabia.

Oseas 14:2

Man nani lika Dawan ra kli tawi bal, bara naku witin ra puram suns: “Yang nani watawi daukri ba sut ban ai kulkpara, bara man ra mamyuni makabi puri suni banhwisna na, kupiam yamni lâka ra bris.

Malaquía 4:1

Karnika sut bri Dawanka ba aisisa: “Yua ba aula sa, kubus lapta takan ba baku, prautkira watawikira nani ba sut twi lâwan baku pauta klauhan kum ra ambia. Baha yua aula ba mita angki witin nani sut âpu daukbia.

Kulki Kaikanka 8:6

“Libait nani ba Israel luhpia nani tila wina aihka sâks, bara saurka swih tiki sunu dauki aik.

Luk 3:16

Sakuna Jan baha nani sut ra wisata: “Kasak pali, yang lika upla ra lî ni baman tahbi daukisna; sakuna kum aula, witin lika upla ra tahbi daukbia Spirit Holikira ni, pauta ni sin. Yang wal witinka ba kau karnika brisa bamna, ai sûska awa pan lanhkaia aitani apia sna.

Roman 12:1

Baku bamna, muihki nani, Gâd kupia pihni lâka ba dukiara mamkabisna, man nani wînam aiska ba prisant raya kum baku ai mihta ra mangkma, baha ba holikira prisant yaia sma ba tânka sa.

Roman 15:16

Jisas Kraist dukia dadaukra baku Ju apia uplika nani tilara wark daukaia. Baha warkka ba lika Gâd sturka yamni swaki wan saki ba aisi smalkaia, Ju apia uplika nani ba Gâd ra prisant kumi baku yaka pain briaia dukiara, Spirit Holikira mita holi sakan bamna.

Pilipai 2:17

Man nani kasakkam lâka mita Gâd ra prisant yabisma ba tnata alkaia dukiara, rayaki pali na sin sakripais dauki yabia kaka, yang lilia sni bara baha liliaka ba man nani sut aikuki brisni.

Pilipai 4:18

Bamna yang lika pat diara nani sut briri, bara pura lui pali. Epafrodito wal prisant nani ai blikram ba ni, dîa dîa luha sna ba sut brisna. Man nani mita ai blikram ba lika dus nani mâka kîa yamni prisantka kum baku kan, sakripais kum Gâd mita pain kaiki bri ba baku.

2 Timoti 4:6

Yang lika sakripais ai daukan kaia piua ba pat aimakan sa; pruaiki awarka ba pat baila sa.

Taitus 2:14

Witin ai wîna tara ba yawan tâwan prura mihta ra mangkan, saurka sut swaki sakan, yawan na aiska pali klin wan dauki, witin ai dukia kabia wisi. Bara wark yamni nani sin kasak pali dauki kabia dukiara klin wan daukan.

Hibru Nani 12:10

Wan aisika nani tasba ra ba bui piu wiria baman wan wapnika mangki kan, witin nani aitani lukan ba kat. Sakuna Gâd lika wan painka dukiara wapni wan mangkisa, witin holikira ba baku yawan sin holikira nani wan daukaia dukiara.

1 Pita 1:7

Kan man nani kasak lukankam lâka ba, gul baku sa; baku bamna pauta ni trai munan kaia sa, pain, apia kaka, saura sapa kaikaia dukiara. Ani kasak lukanka lâka baha traika kaikan ra bapi bubia kaka, gul purkara kau mana tara sa; bara gul ba lika âpu takisa. Bamna, kasak lukankam lâka baku trai munan kabia ba ra, Jisas Kraist param takbia ba ra, man nani lika brima mayunra lâka, prana bara pain kulkan lâka ba.

1 Pita 2:5

Naha natka ra, Gâd bui man nani ra, walpa rayakira nani baku, spirit tempelka kum mai daukbia, prîs holikira nani, Jisas Kraist bâk spirit sakripaiska nani dauki yaia, Gâd ra yamni kabia.

1 Pita 2:9

Sakuna man nani sika kiamka kumi bâk saki brin ba, king prîska nani ba, nisan holikira kum, Gâd uplika nani pali. Bara baha ba baku sa, man nani bui Gâd warkka aihkakira nani ba saki aisama dukiara, witinka mita man nani tihmu tila wina saki, ai ingnika aihka painkira ra dimma wisi mai paiwan ba.

Param Marikanka 1:6

bara yawan na king tasbaya kum bara prîs nani sin wan daukan sa, ai Aisika Gâd warkka daukbia. ¡Bamna prana ba bara karnika ba sin, ban kaia ra witin dukia kabia! Baku kabia.

Param Marikanka 3:18

Baha mita, man ra mai smalki mai wisni, yang wina gul pauta ra pain pali slilkan ba atkma, bara baha mita kasak pali yuyakira kama. Yang wina sin kwala pihni atks, bara wînam kwala âpu swiram kira ba dimaia. Yang wina sin wan nakra saika atks, bara namkra diara kaikaia sip kama.

Param Marikanka 5:10

Witin nani ba wal king tasbaya kum prîs nani daukram, wan Gâdka warkka daukaia dukiara, witin nani tasba ra karnika alki bri kaia.”