Malaquía 3:2 - DAWAN BÎLA AISKA

² Sakuna, ¿baha yua ba ya bui takaskbia? ¿Ya ban bûi kabia? Witin pauta klauhi baku balbia, angki klin wan sakaia, sup baku wan tâskika nani ba sikbi sakaia dukiara aula.

Malaquía 3:2 ပူးပေါင်းရင်းမြစ်များ

Blasi Sturka 19:28

Baha wina witin Sodoma bara Gomora tani ra tawi kaikan, baha twi langnika tasbaya aiska ba sin. Bamna kaikan Sodoma bara Gomora wal tawanka ba wina kiasma baman taki kan, pauta klauhan watla kum baku kan.

Job 28:1

Silbar sakaia tasbaya ba bâra sa, bara gul kau pain aihwa daukaia watla ba sin.

Lawana Nani 130:3

Dawan, Dawan, watawan lâka ba kupiam ra bri katma kaka, ¿ya pali sip ai mina ra bapi bûi kaia kan?

Lawana Nani 2:7

Dawan ai kupia lukra sakan ba yang aisamna: witin bui yang ra ai win: “Man lika yang luhpi waitna sma, naha yua mai sakri sa.

Lawana Nani 76:7

¡Man ra upla sut si brisa! ¿Ya sip sa man mamwanra bûi kaia man kupiam sauhkisma bara?

Sins Lâka 25:4

Auhya yuya ba silbar wina sikbi aihka sâkma, bara slaslilkra mihta ra sakahkaia kapka pain bal takbia;

Aiseya 1:18

Dawan aisisa: “Man nani bal, naha lâka na aisi kaikaia. Man nani saurkam ba tala pauni kabia sin, kwala pihni wahmuk baku daukamni; siksa mâka prâmka ra alkan ba baku kabia sin, bîp tialka laya baku pihni daukamna.

Aiseya 33:14

Saion ra saura dadaukra nani ba sirang iwi tatatwisa, upla saura nani ba sirang iwi bal aisisa: “¿Ya yawan wan tila wina pauta klauhan wan sasauhkra bâra iwi ban kaia sip sa, pauta klauhan ban kaia ba?”

Aiseya 4:4

Dawan ba ai karnika ni lâka daukbia bara Saion luhpia nani tâski ra ba sut sikbi sâkbia. Jerusalem ba klin daukbia, witin nani kaiki lâ sahwan ba wina.

Jirimaya 2:22

Tâski pali sikbaika ba ni tamya ba sikma sin, sup nani sut brih aihtama sin, saura daukram tâskika ba kaiki ban kamna. Yang, Dawan, kasak aisisna.

Isikiel 22:14

Lukpara man sip kama yang maipara buaia, mampara wapnikam daukaia buamna ba ra; yang Dawan, baku wisni bamna daukamna:

Daniel 11:35

Baku sin upla nani ra smalki kan ba kum kum ra nina bliki rausauhkan kabia, baku mika tânka ba pliki kaikan kabia, sut ba holi bara kasak lâka daukbia, baha piua mangkan ba tnata alkbia ba kat.

Joel 2:11

Dawan ba, ai uplika kwâra tara ba kainara aimaki, ai bîla baikra ba alwani binka baku yaban walisa. Ai karnika ba tara pali sa, witin ai adarka bîla nani wali dauki nani ba, sip kulki sakras sa. ¡Dawan yua ba nahki tara sa, sibrin tara yua sa! ¿Ya sip sa witin ai mapara buaia?

Nahum 1:6

¿Witin ai kupia baiki lawi ba mapara ya sip sa ki bapi buaia? Ai kupia baikuya laptika ba, pauta klauhan baku laiwisa, bamna walpa tara nani ba baiwi lilak wal taki, witin ai mawanra, walpa tara nani ba lilak pîs wâl ra baiwisa.

Malaquía 4:1

Karnika sut bri Dawanka ba aisisa: “Yua ba aula sa, kubus lapta takan ba baku, prautkira watawikira nani ba sut twi lâwan baku pauta klauhan kum ra ambia. Baha yua aula ba mita angki witin nani sut âpu daukbia.

Matiu 25:10

Sakuna tiara sinskas matsip ba lamp laya atkaia auya kan ba ra, waitnika ba balan. Tiara nani ridi kan ba witin wal marit pata ra wih diman, bara dur ba prakan.

Mark 9:3

Ai prâka lipni bara pihni pali takan; upla kum sin baku kwalka tuski baha sât pihni daukras kan.

Luk 2:34

Simian witin nani ra yamni munan, Jisas yaptika Meri ra naku wisata: —Kaiks, naha tukta lupia na mangkan sa, Israel luhpia nani uya kauhbia, bara kli bubia ba dukiara sin. Witin na upla uya bahki kulkaia sainka kum kabia,

Luk 21:36

Bamna man nani ridi bas, bara piu bani sin puram suni bas, bara baku mika sip kama naha diara nani takaia ba wina swakwaia, ban sin Upla Luhpia Waitna maiwanra kaia.”

Luk 3:17

Mâ singbi sakaika ba witin ai mihta ra brisa, plawar mâ ba klin daukaia, bara taya nani ba sin sait ra sakaia. Plawar mâ nani ba ai pata watla ra auhbia, sakuna taya nani ba lika pauta ra angkbia, baha pautika ban kaia ra sip dasras ba ra.”

Luk 3:9

Asa ba pat ridi sa dus nani klakaia, bamna dus bani mâ pain sakras ba klakan kabia, pauta ra sin lulkka ambia.”

Luk 7:23

¡Bamna yamni pali sa, baha nani yang ra ai mina pruki kauhras ba!

Jan 8:55

Ban sakuna, man nani bui witin ba kakaira apia sma. Yang lika witin ra kakaira sni; bara witinka ba kaikras wimna kaka, yang sin man nani wal baku kuninkira sna. Sakuna kasak pali mai wisna, witin ba yang kakaira sna, bara ai bîla sin wali daukisni.

Hibru Nani 12:25

Baha mita, aman kaiki bas, bara witinka wan aisi ba ra walaia apia lika wipara. Baha nani ba witinka naha tasba ra Gâd dahra aisi kan ba ra walaia apia win ba, swak takras kata; baku bamna, yawan pali lika kau swak takbia apia, witinka kasbrika purara wina wan smalki wan aisi bara wan nina laki tris tawbia kaka.

Param Marikanka 19:8

mairka bara linin kwalka painkira, klin bara ingnikira yan diman sa.” Linin kwalka pain ba lika, Gâd uplika nani ai rayaka wapni bri ba tânka sika.

Param Marikanka 2:23

pât tara witin nani wahwaia blikamna. Baku serts nani sut ba ai dara walbia, yang lika upla lukanka bara kupia munhta ba sut kaikisna; bara man nani kumi bani ra dîa daukram ba kat maikamna.

Param Marikanka 6:17

Kan lawanka tara yua ba balan sa, ¿bara ya baha mapara ban buaia sip kabia ki?”

Param Marikanka 7:14

Yang bui wîri: “Dawan, man baman kaikisma; yang lika kaikras.” Bara witin ai wisata: “Naha nani sika trabil tara bâk lui aula ba, bara ai kwalka nani tuskan ba Sîp Luhpia ba tâlia ra pihni daukan sa.

1 Samuil 6:20

Bamna Bet-semes uplika nani aisin: “¿Ya sip sa naha sât Dawan holikira na mapara buaia? ¿Yawan wina takbia ba ra, witin yaura wabia?”