Malaquía 3:16 - DAWAN BÎLA AISKA

¹⁶ Gâd ra tara kulki nani kan ba, ai tilara naku aisi banhwan, bara witin nani aisi kan ba Dawan aman pali wali kan. Witin nani Dawan ai mawan kat bâra kan bara wauhkataya kum ulban, bahara ai kupia krauki kan, baha nani Dawan ra kulki mayuni nani ra, bara kulki saki brisa.

Malaquía 3:16 ပူးပေါင်းရင်းမြစ်များ

Blasi Sturka 22:12

Insal ba witin ra win: —Tukta ba ikaia mihtam bukpara, kan nanara yang pat mai kaikisna man lika Gâd ra sibrin lukisma ba, man luhpiam unhsak ba Dawan ra yabaia apia wiras sma bamna.

2 Samuil 7:1

King ba mahka ai watla ra dimi iwan, bara Dawan sin kupia kumi lâka ba witin ra yan, ai waihla nani ai kaina kir sut ba ra sin,

1 King Nani 18:12

Yang wamna ba ningkara dîa takbia ba lika, Dawan spiritka ba bui mai brih wabia yang nu âpu sna ba pliska ra. Bara Ahab ra sturka wih maisa paki si balamna ba ra, witin nahara mai sakras kaka, witin ai ikbia. Man albikam na, wahma wina Dawan ra sibrin lukisna.

1 King Nani 18:3

Ahab ai dukia main kakaira nani lalka Abdías ba paiwan, Abdías ba Dawan ra mayunra yabi kata bara sin witin ra kulki kata,

2 Kronikas 6:7

Bara yang papiki Debit ai kupia ra luki kan, Dawan Israel Gâdka nina ra tempel kumi paskaia.

Nihimaya 1:11

Dawan, yang bui man ra mamkabisna puri sunra na man wali kaiks, nampakan nani makabi ba sin, witin nani brin dauki ba sika naha baman sa: man ra yamni mai kulkaia. Bamna yang sin mamkabisna, diara sut yang ra yamni takaia ba aik, king ba sin tatuks bûi yang ra luki tniwaia.”

Ester 2:23

Bara naha dukiara tânka plikan kasak aisi sapa kaikaia dukiara, bara baha ba kasak kan; bamna naha waitnika wâlsut dus ra pami langki ikan. Bara naha daukanka ba sturka king wauhkataya ra ulban sa.

Ester 6:1

Baha sim tihmika, king ba sip yapras kan; bara win wauhtaya ulbanka nani bri ba brih balbia dukiara, baha wauhkataya ra diara tara nani tawan ra takan ulbi mangkan ba, bara ai mawanra aisi kaikbia.

Job 28:28

Bara Gâd mita upla nani ra win: “Dawan dukia ba kasak daukaia ba, baha sika sins lâka ba, saura wina tnaya ra tawaia ba sika, diara tânka kaikaia lâka.”

Lawana Nani 10:4

Ai kakma snungki lawi bara aisisa: “Gâd âpu. Dîa daukisna ba ya mita maikabi walaia âpu sa.” Baha baman witin lukisa.

Lawana Nani 104:33

Yang bui Dawan Gâdki ra lawana nani aiwanamni, yang raya sna piua sut ra; yang Gâdki ra mayunamni, kau wingki aubisni piua nani ra.

Lawana Nani 111:10

Sins lâka kau tara briaia ba lika, Dawan ra pain kulkaia lâka ba; witin ra kulkanka yabi nani ba, lâ wapni daukanka brisa. ¡Dawan ra mayunra ba ban kaia ra ban kabia!

Lawana Nani 115:13

Dawan ra sibrin luki uplika nani ra yamni munamni, sirpi nani ra bara tara nani ra sin.

Lawana Nani 119:63

Baha nani sut, man ra mai kulki nani ba wal aikuki uplika sni, baha nani wal sin man smalkankam lâka nani ban bri dauki ba.

Lawana Nani 139:4

Bîla kumi sin yang aisaia âpu sna, bara man, Dawan, baha sut ba kat kaikisma.

Lawana Nani 16:3

Aidul nani kuntri ra bâra ba, karnika tara brisa, baha nani ra mayuni ai âuyapah taki nani ba baku wisa.

Lawana Nani 20:7

Tila lika war truk nani bri ba ra lukisa, tila lika aras nani ba ai karnika kulkisa; sakuna yang nani lika, Dawan Gâdki ba tâiura mangki brisni.

Lawana Nani 33:18

Kaiks, Dawan nakra nani ba baha nani witin ra sibrin luki ba kat aihwaki kaikisa. Witin ra kulki bara kasak luki latwan kaiki nani ba kat kaikisa,

Lawana Nani 34:15

Dawan ba upla kasakkira nani ba kaina sunisa, bara Dawan ai kiama pri tniki walisa ai inanka ba.

Lawana Nani 56:8

Man bui yang ra ai munan, plapi baman taukisna ba sut kulki brisma, baku sin naikra laya nani ba sut ulbi brisma. ¿Man baha nani ba wauhtaya ra ulbras katma ki?

Lawana Nani 56:9

Ani yua yang bui man ra hilp makabisna ba ra, waihli nani ba mahka yang wina taki auya yang kasak kaikisna Gâd ba yang wal sa.

Lawana Nani 66:16

¡Man nani sut nâra bali banhs, man nani sut Gâd ra sibrin lukisma ba! ¡Man nani ai wals, mai wiaisna Gâd maita dîa daukan ba!

Lawana Nani 94:19

Yang trabilki nani tilara lukanki ra ai muni kan, man maisa nihkra aikram bara lilia lâka sin.

Impakan Sturka 32:32

Yang bui man ra puri sunisni, witin nani saura daukan ba ban swih tikma, sakuna witin nani pâtka ba ban swih tikras sma kaka, yang nini ulbram ba wauhkamtaya wina diki sâks.

Sins Lâka 13:20

Sinskira nani wal tauki bas, bara sinskira kama; taniskira nani wal tauki bas, bara mai sauhki mai tikbia.

Aiseya 26:3

Man mita baha uplika kupia kumi lâka aihwa pali bri ba main kaikma, witin ai kupia lukra man kat piua bani mangki bri ba; kan witin bui man ra kasak luki ba mita.

Aiseya 26:8

Dawan, man lâ daukisma ba yabalka ra, yang nani bîlam kaikri: man ninam ra wan kupia kraukaia lâka ba briaia, baha baman sika yang nani sulki brinka pali ba.

Aiseya 4:3

Ya kau raya Saion ra takaskan kabia ba Jerusalem ra sin pruras kau raya kabia uplika nani ba baha nani sut bâra iwi kabia, baha nani nina ba naku mâki kabia: “Dawan mita holi daukan witin ai uplika nani.”

Aiseya 50:10

Man nani bui Dawan ra kulkisma ba bara ai dukia dadaukra bîla walisma ba: tihmia tara ra wapma kaka, ingni lupia kumi sin âpu, Dawan ra kasak luks, Gâdkam ra tâ baiks.

Aiseya 65:6

Sakuna naha nani sut ba pat ulban bâra sa yang kaikisna, bara yang klaihkla kruski takaskamna apia; witin nani dîa briaia aitani ba yabaisna.

Jirimaya 31:18

Yang walri Efraín uplika nani ba brukwisa sari lâka tara ni: ‘Yang ba bîp wainhka kum sip smalki tim daukras ba baku sna, sakuna man mita lika puri luram bara tim ai daukram sa, pura luan lâka aikisma; ai dauks kli man ra balaia, kan man sma sika Dawan ba, yang Gâdki.

Jirimaya 8:6

Kiaima pri tniki aman pali wali katna, sakuna upla kumi sin watawika lâka dauki ba wina ai kupia laki rait ba aisaras, bara wiras: ¿Yang dîa daukatna ki? Sakuna kumi bani dîa saura dauki kan yabalka ba kat ban wan, war ra aiklabi araska ai tâ kat karna plapi auya ba baku.

Isikiel 9:4

Bara win: “Jerusalem lila bâk lui was, bara sain kum mangks upla nani lal purara, baha nani sari bri nani ra, baha saurka nani witin nani ai tilara dauki ba dukiara.”

Daniel 12:1

‘Baha piua ra Maikel ba latan takbia, witin sika insal tara pali uplika nani kaina kahbi ba. ‘Baha piua ba lika kupia wirha piua kabia, upla nani iwan ba piua wina kau baha sât piua ba âpu kata, nisan nani bâra ba tilara. Baha piua ba aimakbia ba ra, man uplikam nani ba sut swaki sakan kabia, man wauhkamtaya ra ai nina ulbi mangkan nani ba.

Daniel 7:10

bara ai mawan ba wina pauta klauhan awalka baku bal taki kan, tausin nani ailal bui ai dukia dauki kan, milian nani ailal ba, witin mawanra bûi banhwi kan, lâ iwaika ra iwi ba aidrubanka ba mahka tâ krikan, bara wauhkataya nani ba kwâkan.

Malaquía 3:5

Karnika sut bri Dawanka ba aisisa: “Yang balamni man nani mampara lâmka ba param aisi daukaia. Sukia baku upla ra kunin munisma, upla maya lâka sauhki banhwisma ba, swer taki kunin aisi nani ba, upla warkka taki nani ra tataibra nani ba, piarka nani ra, rau nani ra, nisankam apia nani ra saura munisma ba, bara yang ra sin ai kulkras sma ba.

Malaquía 4:2

Sakuna man nani tara ai kulkisma ba, yang kasakki tânka ba man nani ra yu ingnika ingwi ba baku kabia; baha ingnika ba wina wînam tara yamnika maiki kabia, man nani liliam puli srutwi kama, bîp lupia nani klar wina sakan srutwi puli ba baku.

Luk 2:38

Baha sim piua ra Ana sin bal diman, bara Dawan ra tingki win. Ningkara, tukta Jisas dukiara mahka aisin, baha nani Jerusalem pri sakan kabia bîla kaikan sut ra.

Apastil Nani Sturka 1:13

Witin nani Jerusalem ra balan ba ra, utla kum purara rum kum ra uli wih dimi takaskan. Witin nani aikuki bâra kan ba sika, Pita, Jan, Jems, Andru, Pilip, Tamas, Bartolomiu, Matiu, Alfeo luhpia Jems ba, Saiman karna Mamunra ba, bara Jems luhpia Judas ba sin.

Apastil Nani Sturka 10:2

Witin lika ai watla uplika aikuki Gâd ra sibrin luki mayuni kan. Witin sin lalah uya yaban Ju uplika umpira nani ra hilp munaia, ban sin Gâd ra ai pura suni kan.

Apastil Nani Sturka 2:1

Pentikus yua balan ba ra, lalukra nani sut plis kumi ra asla takan kan.

Apastil Nani Sturka 9:31

Bamna serts ba, Judia ra, Galili ra, Sameria ra, baha tasbaya aiska ba kupia kumi spirit bri pâwi kan. Witin nani Dawan sibrinka ra iwi banhwi kan, Spirit Holikira hilpka ra, bara kau ailal taki kan.

Epesus 5:19

Man nani pana pana walkam wal Pura Sunra Lawana nani baman aisi bas, spirit lawana nani aiwani bas, bara kupiam aiska kira ni Dawan ra aiwani mayuni bas.

1 Tesalonaika 5:11

Baha mita, pana pana tâm baiki bas, bara pana pana sin walkam ra hilp muni bas, nanara daukisma ba baku.

1 Tesalonaika 5:14

Baku sin, muihki nani, yang nani mamkabisni, wark takan daukras nani ba ra lawi daukma, si brabrira nani ba tâ baikma, swapnikira nani ba hilp muni banhma, bara upla sut wal kupiam alki takaski bri bas.

Hibru Nani 10:24

Bara yawan pana pana wan walka nani ra hilp munaia trai kaikaia sa, latwan lâka bri kaia bara diara yamni nani sin dauki kaia.

Hibru Nani 12:15

Man nani damra wali bas, upla kumi sin Gâd yamnika lâka ba wina ai ninara tawbiara sîa. Damra wali bas, man nani wina kumi sin dus tahpla kum pâwi ai puisinka ni upla ailal ra trabil muni ba baku kabiara.

Hibru Nani 3:13

Sakuna, man nani wina kumi sin saurka mita kunin munka bara ai kupia ba sin karna takbia apia, yu bani walkam nani aikuki pana pana tâm baiki bas, “naiwa yua” na kau dimi waras ba ra.

Param Marikanka 15:4

Dawan, ¿ya man ra sîam briras kabia? ¿Ya sin man ra mamyunras kabia? Kan man baman sika holikira, bara nisan nani sut bal man ra ai pura suni mamyunbia, daukankam kasak nani ba upla sut mita kaikan bamna.”

Param Marikanka 20:12

Bara pruan nani ba kaikri, tara nani bara sirpi nani, Gâd mawanra ai mina ra bûi kan. Wauhkataya nani ba kwâkan kan, bara wauhkataya wala sin kum, baha sika raya kaia wauhkataya ba. Pruan nani ba dîa dauki kan ba kat lâka daukan kata, dîa baha wauhkataya nani ra ulban ba kat.