Malaquía 3:15 - DAWAN BÎLA AISKA

¹⁵ Yawan nani kaikan aimayunra nani ba lilia sa, diara watawi nani ba wina, witin nani ra yamni baman takisa; witin nani mita Dawan traika kaikisa, sakuna klala kumi sin briras.’ ”

Malaquía 3:15 ပူးပေါင်းရင်းမြစ်များ

Ester 5:10

Ban sakuna, diara aisaras ai kupia kat bri ban ai watla ra bal, ai pânika nani ra bara ai maya Zeres ra sin winan balan,

Job 1:22

Baku bamna, baha sut tilara Job saura kumi sin yaras, ai bîla ni sin Gâd mapara saura aisaras kata.

Job 12:6

Tahplu nani ba ai watla ra ai âuyapah sa; Gâd mapara uplika nani ba ai âuyapah iwisa ai watla nani ra, kan witin nani lukisa, Gâd ba witin ai mihta bilara alki brisa.

Job 21:30

Ani piua Gâd ai kupia sauhkuya ba ra ai lawanka ba blikisa, bara watawikira lika diara munras sa.

Job 22:23

Man mâyara bawma kaka, Gâd karnika sut bri ba ra kli tawi balma kaka, man wamtla wina watawi lâka nani ba sâkma;

Lawana Nani 10:3

Upla watawikira ai brinka ba dukiara aimayunisa; upla gridikira ba, Dawan ra kulkaia apia wisa, bahki kulkisa.

Lawana Nani 106:14

Bara upla iwras tasbaya ra Dawan ra traika kaikan, bara win ai brinka nani ba kat dauki yabia.

Lawana Nani 141:4

Kupi ba lukan lâka saura wina dakbi sâks; daukanka saura nani, lâ watawikira aikrika daukamna apia, bahki lâka dauki waitnika nani wal aikuki, bara baha saura dadaukra nani, pata tara dauki aikuki sin apia.

Lawana Nani 49:18

Witin raya iwi bara lilia âmyapah iwi kabia kra, bara upla sin mayuni kabia yuya brisma ba mita.

Lawana Nani 58:2

Kau ni, lukanka saura wal diara dauki banhwisma; kuntri ra unsaban lâka ni bukisma.

Lawana Nani 73:12

¡Kaiks, naha watawikira nani na! Witin nani ai âuyapah kira, yuyaka tara dauki auya.

Lawana Nani 73:3

Prautkira nani bara watawikira nani ra tumri, nahki ai tâura pâwi bamna.

Lawana Nani 78:18

Witin nani sin Dawan ra traika kaikan, dîa pata witin nani want ba makabi banhwi kan.

Lawana Nani 78:41

Sakuna kli witin ra traika kaikan; ¡Israel holika ra sarka paskan!

Lawana Nani 78:56

Sakuna witinka mapara bûi Gâd Laih Purara iwi ba ra traika kaiki banhwata, ai adarka mangkan bîla nani sin walras kan;

Lawana Nani 95:9

damikam nani yang traiki kaikan, yang warkki nani ba sut kaikan sa sakuna.

Sins Lâka 12:12

Brinka saura nani ra baman lukaia ba sika, watawikira nani iliska ba, sakuna kasakkira nani plamaika lika ban kabia.

Smasmalkra 8:14

Bara baku natka ra naha tasba ra daukisa, tânka âpu sa upla yamni nani pât wahwi ba saura dauki kan baku; bara upla saura dadaukra ba ai liliaka brisa yamni kan baku. ¡Yang wisna naha sin tânka âpu sa!

Aiseya 2:22

Man nani upla ra kasak lukpara, upla ba praprura sa. Rayaka ba wan wingka puhbra kumi baman sa.

Jirimaya 7:10

baha ningkara naha tempelka yang ra baman maiyunaia aikan na ra aula, yang maiwanra bal buaia. Bara man nani lukisma nahara man nani pain kabia bara diara takbia apia; man nani lukisma yang kau sip kupi alki briras sna dukia nani ba ban dauki kaia.

Daniel 4:30

naku win: “¡Kaiks nahki Babilon ba tara sa! Yang karniki tara ba wal paskri Babilon tasbaya lalka baku bâra ba lika, yang tara sna ba tânka naika piua ra kaikbia ninira aula nani ba.”

Daniel 4:37

“Bara nanara, yang Nabucodonosor, mayunra yabisna, tara kulkisna bara mayunra kulkan yabisni kasbrika purara ba kingka ra, kan witin diara sut dauki ba wapni bara kasakka lâka kat sa, bara baha nani tara sa luki ba, mâyara batakaia sip pali sa.”

Daniel 6:16

Bamna king bui win, Daniel ba bri sal layan nani watla ra lulkan kabia. Sakuna kau layan nani watla ra lulkras kan ba ra, king bui Daniel ra win: —¡Gâdkam, man witinka dukia kasakka tânka ra daukisma ba mita, swaki mai sâkbia!

Malaquía 2:17

Man nani aisisma ba Dawan mai wali swapan; sakuna man nani kau ban makabi walisma: “¿Yawan na dîa aisin sa bara ban wan wali swapaia?” Man nani aisaram Dawan upla nani saura dauki ba yamni kaikisa, witin baha nani wal lilia pali sa. ¡Gâd ba kasakkira sapa man nani tânka briras!

Malaquía 4:1

Karnika sut bri Dawanka ba aisisa: “Yua ba aula sa, kubus lapta takan ba baku, prautkira watawikira nani ba sut twi lâwan baku pauta klauhan kum ra ambia. Baha yua aula ba mita angki witin nani sut âpu daukbia.

Apastil Nani Sturka 12:21

Herod lika yu kum mangkan, baha yua ra witin lika ai king kwalka diman ba kira king iwaika ra iwi, mahka sturi nani aisinka tara aisin.

Apastil Nani Sturka 5:9

Pita bila: —¿Dîa kan man mayam wal lâmka dauki Dawan Spiritka ra traika kaikisma? Kaiks, mayam bri si bikan wahmika nani ba lata wina dimi aula, bara man sin mai brih taki wabia.

1 Korint 10:9

Yawan sin Kraist ra traika kaikaia apia sa, wan damika tila nani daukan ba baku, baha nani ra piuta mita sami iki âpu daukan.

Hibru Nani 3:9

Bahara man nani damikam nani mita traiki kaikan, 40 mani yang diara nani daukri ba, witin nani kaikan sakuna.

1 Pita 5:5

Baha sim natka ra, man nani wahma nani, almuk nani karnika munhtara bawi bas. Man nani sut kumi bani walkam munhtara bawaia sma; kan Ulbanka ra naku wisa: “Prautkira nani ba Gâd mita batakisa, sakuna bawikira nani ra lika ai yamnika ni buki hilp munisa.”