Malaquía 3:13 - DAWAN BÎLA AISKA

¹³ Dawan aisisa: “Man nani bui yang maipara bîla karna pali aisaram. Bara kau ban makabi walisma: ‘¿Dîa saura nani mampara aisari?’

Malaquía 3:13 ပူးပေါင်းရင်းမြစ်များ

Job 15:13

¿Dîa muni Gâd mapara buisma, bara twisam alki takaskras sturi aisisma?

Job 40:8

¿Bara ai wiaia lukisma ki pâtkira bara kasak apia sna, bara man lika pâtkas pali sma?

Lawana Nani 10:11

Watawikira ba lukisa, Gâd ba âuya tiwisa, ai mawan pura prakisa bara sip diara kaikras sa.

Impakan Sturka 5:2

Sakuna king fero aisi pana win: —¿Bara ‘Dawan ba’ yamna? ¿Bara dîa muni yang bui witin ai bîla wali Israel luhpia nani ba swirka taki wabia? Baha purkara, yang sin Dawan ba kakaira apia. Bamna Israel luhpia nani ba swirka taki wabia apia.

Aiseya 3:8

Jerusalem ba sut aisawan sa, Juda sin kauhan; witin nani aisi ba ai warkka nani daukan ba sin Dawan mapara sa, ai kingka kupia sauhki ba dukia daukisa

Aiseya 37:23

¿Ya ninara saura aisi lawaska kikram? ¿Baku sin ya mapara bîlam karna saki aisaram bara Israel sunukira Gâdka mapara namkra nani ba pura kat bukram?

Aiseya 46:12

Kupia karnira nani, yang ra wals, dîa lukisma, dîa swak takan lâka ba laih pali ra sa:

Aiseya 5:19

Man nani wisma: “Gâd ai warkka ba aihni daukbia, bara yang nani kaikamna; Gâd holikira Israel ra bâra ba, ai warkka ba yarka mahka daukbia bara yang nani tânka brimna.”

Jirimaya 44:18

sakuna yang nani Kasbrika Purara Kwinka ba ra, kîa pain angki witin ra wan prisantka yaras swiri yua ba wina, diara sut âpu takisna, upliki nani na sanglang pruisa, apia kaka war ra ikisa.

Jirimaya 8:12

¡Witin nani ai swira briaia kan baha dukia nani witin nani dauki ba, yang kau sip kupi alki takaskras sna ba dukiara! Sakuna apia, witin nani ai swira lukras. ¡Witin nani ai swira ba dîa sapa tânka sin briras takan! Baha mita, yang bui witin nani ra klala yabamna ba ra, witin nani ai mina pruki kauhbia wala nani kauhan ba baku. Yang, Dawan ba, aisisna.’ ”

Isikiel 18:25

Man nani wima yang ba kasak lâka kat diara daukras sna; sakuna Israel uplika, wals, ¿man nani lukisma yang kasakka lâka daukras? ¿Baha ba kir lakisma, man nani saura dauki ba?

Isikiel 35:13

Bîlam kwâkram maipara buan lâka wal, bara twisam lanhwan yang maipara aisaia. Yang walri.

Oseas 7:16

Witin nani aidul nani ra tawi wan; witin nani trisba warha kum baku sa, mark ra sabaia lulki ba kat sabras. Upla ra swira dauki bîla nani aisin tâka, wihta tara nani ba sut sord ra prubia, bara Idsip uplika nani ai lawaska kikbia.

Malaquía 2:14

¿Man nani tânkam brisma, sakuna ban makabi walisma? Kan Dawan kaikisa man kau wahma katma ba ra, baha mairka wal lâ dauki mayam briram bara kunin munram, ¡witin sika man mayam pali kata, man bui witin wal kli swiaia apia wiram ba!

Malaquía 2:17

Man nani aisisma ba Dawan mai wali swapan; sakuna man nani kau ban makabi walisma: “¿Yawan na dîa aisin sa bara ban wan wali swapaia?” Man nani aisaram Dawan upla nani saura dauki ba yamni kaikisa, witin baha nani wal lilia pali sa. ¡Gâd ba kasakkira sapa man nani tânka briras!

Malaquía 3:12

Nisan nani sut wibia man nani lilia pali sma, kan man tasba aihka painkira ra iwma ba dukiara. Yang, karnika sut alki brisna Dawanka ba, baku aisari.”

Malaquía 3:14

Naha sika man nani aisaram ba: ‘Dawan warkka daukaia ba wark bahki sa. ¿Witin ai warkka daukaia wanki ba dauki wina yawan dîa yamnika sakaia sip sa ki, sari kwalka dimi, Dawan karnika sut bri ba mawanra watauki kaia ba?

Malaquía 3:8

Bara yang mamkabi walisna: ¿Upla kum sip sa ki Gâd ra kunin muni ba wina diara briaia? ¡Sakuna man nani lika kunin aisi yang wina diara brisma! Sakuna man nani kau ban makabi walisma: ‘¿Dîa pali yang nani dauki kunin mai munisna ki?’ ¡Diara 10 bani wina kumi aikaia bara prisant wala nani sin aikaia sma ba man nani aikras kapram!

Roman 9:20

Bara man, upla, ¿man ba ya sma Gâd mapara unsabaisma ba? ¿Slaubla dakawa bui ai papaskra ra sip sa ki wiaia: “Dîa kan naku pali ai paskram?”

2 Tesalonaika 2:4

Naha sika waihla kum, diara sut Gâd nina bri ba mapara bûi ba, baku sin pura suni mayunaia tânka bri ba mapara buisa. Bara ban sin Gâd tempelka ra dimi iwisa, Gâd kan baku, bara witin pali ba Gâd wisa.