Malaquía 3:12 - DAWAN BÎLA AISKA

¹² Nisan nani sut wibia man nani lilia pali sma, kan man tasba aihka painkira ra iwma ba dukiara. Yang, karnika sut alki brisna Dawanka ba, baku aisari.”

Malaquía 3:12 ပူးပေါင်းရင်းမြစ်များ

2 Kronikas 32:23

Baku bamna, upla ailal ai prisantka nani Jerusalem ra brih wan Dawan ra yabaia, diara mana tara dukia nani Ezequías, Juda kingka ra sin prisant yan. Baha piua wina witin ai nina ba tara kulkan nisan nani wala mawanra.

Lawana Nani 72:17

¡King nina ba ban kaia ra ban bâra kabia! ¡Ai sturka ba wan yu ingnika baku kabia! Nisan nani sut tasba aiska ra ba witin wina yamnika bribia. Bara nisan nani sut ba wibia lilia pali sa.

Aiseya 61:9

Man nani masrakam ba, nisan nani tilara tara kulkanka bri kabia; upla sut kaikbia ba ra, pat tânka kaikbia baha uplika nani ba, Dawan mita yamni pali munan sa.

Aiseya 62:4

Witin nani kli wibia apia man ba mai “Lulki Mai Swin Sa”, tasbayam ra sin kli wibia apia: “Sauhkan Sa”, Sakuna man ninam ba “Yang laikki”, bara tasbayam ba nina “Yang Mayi Mairin”. Kan man ra sika Dawan laikka ba, bara witin ba man tasbayam ra maya waitna kum baku kabia.

Aiseya 62:5

Wahma kum tiara kum wal ai maya taki ba baku, Dawan sin baku man ai maya mai bribia, bara kli mai paski bara man wal lilia kabia, maya waitna ai maya mairin wal lilia ba baku.

Jirimaya 33:9

Jerusalem ba yang liliaki tawanka takbia, nisan nani sut nakra ra pain kaikbia prana kabia tasba ra. Nisan nani walbia upla nani aisi kabia, yamniki nani sut Jerusalem uplika nani ra yabi kamna ba ra, yu yamni nani kli yamna ba ra, witin nani sibrin dauki tatatwi kabia.”

Daniel 11:41

Baku sin Tawan Pranakira ra dimi wabia bara upla ailal pali ikan kabia, sakuna Edom bara Moab wal tasbaya iwi uplika nani ba swaki sâkbia, bara Amón tasbaya piarkika ra iwi nani ba aihkika sut pali sin.

Daniel 8:9

Aringka nani kumika ba wina aringka sirpi kum pâwi bal taki, tara pali pâwan, muna tani ra, lalma ra bara Tasba Painkira ba tani ra sin.

Sakaraya 8:23

Bara baha yua ra, Ju apia nisanka nani ba tila wina, upla matawalsip bal Ju uplika kum prâka ra alki bara wibia: ‘¡Yang nani sin man wal wan ai daukisa, kan yang nani walri, Dawan ba man nani wal sa!’ ”

Malaquía 3:13

Dawan aisisa: “Man nani bui yang maipara bîla karna pali aisaram. Bara kau ban makabi walisma: ‘¿Dîa saura nani mampara aisari?’

Luk 1:48

Kan Gâd mita ai albika mairin dukiara lukan bamna, bara nanara wina piu sut ra witin nani ai wibia: liliam bas.

Kli Smalkanka 11:12

Tasba kum sa Dawan mita main kaiki ba, mani aiska ai nakra baha tasbaya ra kaikisa.