Malaquía 3:1 - DAWAN BÎLA AISKA

¹ Dawan karnika sut bri ba, naku aisisa: “Yang blikaisna bîli twatwilkra ba yabalki ba mahka daukaia. Man nani plikisma Dawankam ba, witin pat pali bal ai tempelka ra dimbia. ¡Man nani wal lâ daukaia bîla twatwilkra bîla kaikisma ba pat aula!”

Malaquía 3:1 ပူးပေါင်းရင်းမြစ်များ

Lawana Nani 110:1

Dawan bui yang dawanki ra win: “Man ba yang mihti aihkika ra iws, yang bui man waihlam nani ba man minam nani kahbaika daukamna ba kat.”

Impakan Sturka 23:20

“Kaiks, yang insalki man nani tâmra blikamni kainam kaiki kaia ba dukiara, bara baha tasbaya man nani dukiamra ridi sakri ba kat mai bri wabia.

Impakan Sturka 23:21

Witin ba wina laihura takpara, bara ai bîla sin wali dauki bas, ai mapara bupara, kan witin bui yang nini brih wataukisa bara man nani saurkam sin ban swih tikbia apia sa bamna.

Aiseya 40:10

Kaiks, Dawan ba ai karnika wal aula bara witin Dawan aimakbia. Ai uplika nani brih aula witin holi atki saki brin ba.

Aiseya 63:9

ai sarka nani sut tila wina. Witin mita bâk saki blikan, uplika mita swaki sakras; Dawan ba ai karnika ni swaki sakan. Witin mita pri sakan, ai latwanka lâka bara umpira kaikan lâka ba ai klahkla ra brih buki banhwan piu bani baku baman daukisa.

Aiseya 7:14

Bahamna Dawan witin bui, man nani ra sain kum mamrikbia: Kaiks tiara ba kwihra sa, bara ai luhpia waitna kum sâkbia, bara ai nina ba Imaniuel mâkan kabia.

Aiseya 9:6

Kan tukta waitna kumi wan dukiara aisubi takan, Dawan yawan ra luhpa waitna kum wankan sa, witin ra king kaia karnika yaban sa. Ai nina ba mâkan kabia: Aihka pranakira, Lâ Smasmalkra, Gâd karnakira, ban kaia Aisika, kupia kumi lâka Kingka.

Hageo 1:13

Hageo, Dawan bîla dahra aisasara ba, Gâd nina ra witin nani ra aisin: “Yang, Dawan, kasak aisisna: Yang lika man nani wal sna.’ ”

Malaquía 2:4

Baku man nani tânka brima, yang lâika ban kaia ra tâski daukaia apia, Libai wal lâ daukri ba.” Karnika sut bri Dawanka ba, baha aisisa.

Malaquía 2:7

Baha sika prîs nani warkka, upla nani ra smalkaia yang wal kakaira takaia, upla sut witin nani ra wih smalkanka ba briaia, kan witin nani sika Dawan karnika sut bri ba bîla smasmalkra nani sa.

Malaquía 4:5

“Man nani kaiki bas: Dawan yua tara sibrinkira yua aula ba kainara, prapit Ilaidsa ba yang bui man nani ra blikaisna.

Matiu 11:14

bara man nani baha ra kasak lukaia wilin sma kaka, Jan sika Ilayas prapit balaia kan ba.

Luk 1:76

Bamna man, luhpi lupia, Gâd Laih Purara iwi ba prapitka mai mâkan kabia, kan Gâd kainara yabalka nani ba man mita ridi dauki wama,

Luk 19:47

Bara yu bani Jisas tempel ra upla smalki kan, bara prîs wihtka nani, Lâ Smasmalkra nani bara upla tâ aimaki nani ba mita nahki ikaia sapa pliki banhwi kata.

Luk 2:11

Man nani ra naiwa Debit Tawanka ra Sasakra kum aisubi takan sa, witin sika Kraist, wan Dawan.

Luk 2:38

Baha sim piua ra Ana sin bal diman, bara Dawan ra tingki win. Ningkara, tukta Jisas dukiara mahka aisin, baha nani Jerusalem pri sakan kabia bîla kaikan sut ra.

Luk 2:46

Yu yumhpa ningkara, witin nani bui Jisas ba sakan tempel ra, Lâ Smasmalkra nani tilara iwi, bara witin nani dîa dîa smalki kan ba wali, pana sin diara makabi wali kan.

Apastil Nani Sturka 19:4

Pal bila: —Jan lika upla tahbi dauki kan wan saurka nani wina wan kupia lakan tânka ba kat, bara Israel luhpia nani ra sin win, witin ai ninara kum aula ba ra kasak lukbia, bara baha ba sika Jisas.

Apastil Nani Sturka 7:38

Moses kata sika upla iwras tasbaya ra upla nani tilara kan ba; bara Sainai ilka ra baha insalka witin ra aisin ba, wan damika nani ba wal sin bâra kan. Witin sika raya kaia bîla nani ba brin yawan ra wankaia dukiara.