Malaquía 2:17 - DAWAN BÎLA AISKA

¹⁷ Man nani aisisma ba Dawan mai wali swapan; sakuna man nani kau ban makabi walisma: “¿Yawan na dîa aisin sa bara ban wan wali swapaia?” Man nani aisaram Dawan upla nani saura dauki ba yamni kaikisa, witin baha nani wal lilia pali sa. ¡Gâd ba kasakkira sapa man nani tânka briras!

Malaquía 2:17 ပူးပေါင်းရင်းမြစ်များ

Job 34:17

Gâd mita kasakka lâka ra misbara kaikbia kaka, witin tasba na wihtka aimakaia sip apia kabia. ¿Nahki man pât ra lakma, upla kum kasak sa kaka?

Job 34:36

¡Job aisi ba tânka tihuka ba laki kaiks, witin dîa pana aisi ba lika upla saura bîla prukra sa!

Job 36:17

Upla saura nani pât briaia kan ba, man ra tnata alkan kabia, bara lâmka aisi dauki pât ra mai lakan ba wina, sip swak takma apia sa.

Job 9:24

Tasba na saurakira nani mihta ra swisa, lâ dadaukra nani ra nakra wilkisa. Bara baha ba Gâd wina apia kaka, ¿ya wina kabia ni?

Smasmalkra 8:11

kan alki klala yaras ai saurka daukan ba mana, naha tâka mita upla kupia ra tuskisa saura daukaia baman.

Aiseya 1:14

Kati raya bara asla aidrubaia yua nani liliaka daukisma ba, saura kaikisni; ¡baha trabil ai munisa, yang kau sip kupi alki takaskras!

Aiseya 29:15

¡Saura pali kabia baha nani ra, Dawan wina yukuwi ba witin nani dîa daukaia aisi ba yukukisa, ai watawika nani yukuwi dauki ba bara witin nani wisa: “Upla wan kaikras. Upla wala nu âpu sa”!

Aiseya 30:18

Sakuna Dawan lika man nani bîlam kaikisa, man nani dukiamra ai kupia swapni brisa; witin bîlam kaiki latwan mai kaiki ba mamrikisa, kan Dawan Gâd ba kasakkira sa. ¡Lilia pali sa baha nani witin kat ai lukanka mangki bri ba!

Aiseya 43:22

“Sakuna man, Israel, Jekob tawanka, yang nini mâki yang ra winras kapram, man lika yang tayatki takram.

Aiseya 43:24

Man nani yauhrus kîa yamnikira ba yang duki atkras katma prisantka baku sal aikaia, sakripais ra wîna batanka nani ni banhkras katma, ban sakuna, man nani saurkam wirhika yang purira kahbram, watawikam lâka ni ai swapkram.

Aiseya 7:13

Bara Aiseya bui win: “Nanara man nani wals, Debit king watla bilara sma uplika nani. Man nani mampara diara saura sa, upla ra trabil muni swapni sakaia ba, ¿ban sakuna man nani, yang Gâdki ra sin baku munaia lukisma ki?

Jirimaya 12:1

Dawan, yang na man wal aisi blahwamna kaka, man piu bani aisisma ba sut ba rait baman sa; ban sakuna, yang diara mamkabi walaia brin ai daukisa diara kum kum ra tânka bâra sa. ¿Dîa muni watawikira nani dauki ba sut yamni man taki ba? ¿Dîa muni upla âiatkra nani ai âuyapah iwi ba?

Jirimaya 15:6

Man bui yang ra ai swiram, ninam ba yang ra lakram. Yang, Dawan, kasak aisisna. Baha mita yang, kupi alki takaski ban swapri, bara mihti bukri klala maikaia, bara mai sauhkri.

Jirimaya 17:15

Upla nani ai wisa: “¿Dawan aisinka nani kata ba dîa takan? ¡Diara taki aisin ba nanara mahka takbia!”

Jirimaya 44:22

Man nani daukankam saura nani daukisma ba mita, Dawan lilia apia kan witin kau sip ai kupia alki takaskras kan. Baha mita naiwa man nani kuntrikam ba sauhki swin sa, upla bahara iwras; lahtuban nani, upla sirang ikaika takan.

Isikiel 16:43

Man âmya tikram tiara katma ba, bara kasak kupi sauhkram daukankam nani saura ba ni, yamni kaikras sna ba wal; baku bamna, klala maikamna baha daukankam ba tâwan. Yang, Dawan, kasak aisisna.

Isikiel 18:25

Man nani wima yang ba kasak lâka kat diara daukras sna; sakuna Israel uplika, wals, ¿man nani lukisma yang kasakka lâka daukras? ¿Baha ba kir lakisma, man nani saura dauki ba?

Isikiel 8:12

Bara yang ra ai win: “¿Kaikisma ki, Israel almukka nani yukuwan ra diara dauki ba, kumi bani witin bâra ba lilka nani ulbi daukan ba? Kan witin nani lukisa yang ba kaikras, bara kuntri ba sin lulki swiri.”

Isikiel 9:9

Dawan ba pana yang ra ai win: “Israel bara Juda uplika nani saurka ba tara pali sa. Kuntrika ba upla ikan lâka ni banhwan sa; bara tawan ba tanis lâka ni banhki takan sa; witin nani lukisa yang kuntrika ba lulki swiri bara yang ba kaikras sna witin nani dîa dauki ba.

Emus 2:13

Baku daukram bamna, yang bui nanara tasba minam ni taibisma ba yabrika bin tara daukbia, sim karita kum plawar mâ banhki bri kan bin dauki ba baku.

Sofonías 1:12

“Baha yua ra, yang lamp kum brih, Jerusalem uplika nani ba tilara pliki kaikamni. Baha uplika nani ai âuyapah pali taki ba klala yabamna, bara witin nani luki aisisa: ‘Dawan diara daukbia apia; ¡yamni sin apia, saura sin apia!’

Malaquía 2:14

¿Man nani tânkam brisma, sakuna ban makabi walisma? Kan Dawan kaikisa man kau wahma katma ba ra, baha mairka wal lâ dauki mayam briram bara kunin munram, ¡witin sika man mayam pali kata, man bui witin wal kli swiaia apia wiram ba!

Malaquía 3:8

Bara yang mamkabi walisna: ¿Upla kum sip sa ki Gâd ra kunin muni ba wina diara briaia? ¡Sakuna man nani lika kunin aisi yang wina diara brisma! Sakuna man nani kau ban makabi walisma: ‘¿Dîa pali yang nani dauki kunin mai munisna ki?’ ¡Diara 10 bani wina kumi aikaia bara prisant wala nani sin aikaia sma ba man nani aikras kapram!

Kli Smalkanka 32:4

Witin ba wan kan kahbaika sa; ai warkka nani ba wapni sa, ai daukanka nani ba kasak sa. Kasakka lâka Gâdka sa, watawika lâka witin ra âpu sa. Witin ba kasakkira sa, ¡witin lika kasak aihwakira sa!

1 Samuil 2:3

Upla kumi sin uba aimayunbiara, upla kumi sin ai wîna tara kulki aisabiara, kan Dawan ba sika Gâd diara sut tânka kaiki ba, bara dîa upla dauki ba, witin paun mangki lâ tânka kat daukisa.