Malaquía 1:6 - DAWAN BÎLA AISKA

⁶ Karnika sut bri Dawanka ba, prîs nani ra naku aisisa: “Luhpia nani ba ai aisika ra kulkanka tara yabisa, bara alba nani ba sin ai dawanka ra yamni kulkisa. Bamna yang na man nani Aisikam sna kaka, ¿dîa muni tara ai kulkras sma? Man nani albiki, yang na Dawankam sna kaka, ¿dîa kan yamni ai kulkras sma? Man nani bahki ai kulkisma, sakuna ban aisisma: ‘¿Yang nani dîa dauki bahki mai kulkisna ki?’

Malaquía 1:6 ပူးပေါင်းရင်းမြစ်များ

Lawana Nani 123:2

Dawan wan Gâdka, man kat mai kaiki mamkabi banhwisni, alba waitna ai dawanka mihta kat kaiki ba baku, alba mairin ai dawanka mairin mihta kat kaiki ba baku, baku bîla kaikisna witin ai kupia yamnika aikbia.

Impakan Sturka 20:12

“Man aisikam bara man yaptikam sin pain kulki bas, baku man piuam yari bri kama, Dawan Gâdkam wina maikan ba tasbaya ra.

Sins Lâka 17:6

Upla almuk nani kraunka ba sika, mulika nani ba; bara aisika nani ba sika, tuktan nani prana ba.

Sins Lâka 30:11

Tila upla bâra sa, ai papika ra ai bîla sawi ba, bara ai yaptika ra sin yamni pali wiras ba.

Sins Lâka 30:17

Ya ai aisika bahki kaiki ba bara ai yaptika almuk takan ba lawaska kiki ba, aitani sa kuskuspiram mita nakra nani ba daiki sakaia, bara yakal nani mita pibia.

Aiseya 1:2

Kasbrika pura bara tasba, man nani aman wali bas, Dawan aisi ba: “Luhpa nani pakri, witin nani sut tara sakri, bara witin nani ba yang maipara buan.

Aiseya 43:23

Daiwan wîna aiska angki sakripaiska dauks yang ra bri balras kapram, sakripaiskam nani wal sin pain ai kulkan lâka ba yang ra aikras katma. Baku sin yang taibi mai munras katna prisantkam nani aiki kaia, kîa yamni dauki sakripaiska nani sin dauki aikma mai wiras katna.

Aiseya 45:10

Baku sin luhpia ba sip ai aisa ra bara ai yapti ra wibia apia: “¿Dîa muni tasba ra ai bri balram?”

Aiseya 64:7

Upla kumi sin âpu kan man ninam ra ai pura suni ba, rawi buaia bara man ra ai tâ baikaia; baha ba mita, man bui yang nani ai lulki ai swiram, bara wan lulki wan swiram, wan watawika lâka nani karnika ra srawaia.

Aiseya 64:8

Ban sakuna, Dawan, man sika yawan wan Aisika; yang nani na slaubla ba bara man sika wan paski wan daukram ba; ¡baku bamna yang nani sut na, man mihtam warkka nani sna!

Jirimaya 23:11

Dawan kasak aisisa: “Prapit nani bara prîs nani ba sin saura baman banhwisa; tempelki bilara saura dauki kan alkri.

Jirimaya 3:4

Bisi pali kat sin man kau aisi kapram: ‘Yang aisiki, wahma wina yang pâinika katma,

Jirimaya 31:9

Ai pura suni bara ini pali balbia. Yang lî aubra wal brih wari kabia yabal kum klin, mina prukaika âpu bâk. Bamna yang sika Israel aisika, bara Efraín ba luhpi almuk sa.

Jirimaya 35:16

Recab luhpia waitna Jonadab kiamka nani, ai damika aisi adar yan ba kat wali daukan; sakuna man nani tawi, Israel luhpia nani lika yang bîli wali daukras.

Isikiel 22:26

Naha tawanka ra prîs nani ba, yang smalkanki ba warbi lakisa, bara yang diara holikira kulkisna nani ba tâski daukisa; sip aihka sakras sa diara holikira ba bara diara tâski ba wal, upla wala ra sin smalkras tânka briaia dîa sunu ba, bara diara sunu apia ba. Riski yua nani sakri ba kulkras, kulkanka sin aikras.

Oseas 12:8

Efraín aisisa: ‘¡Âu, yang yuyakira takri, kan yang sans pain pali kum wal prawri; sakuna upla kumi sin sip daihra aisabia apia naha dukia nani brisna na saura dauki natka bâk saki briri!’

Oseas 4:6

Yang upliki nani sip lâ tânka kaikras, baha mita baku sauhkan sa. Bara prîs man, tânka briaia lâka ba lulki swiram bamna, prîski kaia mai mangkri lâka ba wina, yang sin mai lulkisna. Gâdkam lâka smalkanka nani âmya tikisma bamna, yang sin man kiamkam nani ba âiya tikamna.

Oseas 5:1

“Prîs nani, naha wals; Israel luhpia nani, naha wals; king watla uplika nani, man nani sin naha wals: Man nani mampara lâ aisi daukaisa, man nani upla mina alkaika, Mispá ra mangkram, Tabor ilka purara ilis kahbram,

Libait Lâka 19:3

“Man nani kumi bani papikam bara yaptikam pain kulki kama, “Ris briaia yui nani ba sin kulki kama. Yang sika man nani Dawan Gâdkam.

Sofonías 3:4

Ai dahra aisasarika nani ba, saura daukisa kunin lâka ra; ai prîska nani ba, Dawan lâka kriki bara Dawan wal prawaia watla holi ba bahki lâka ra daukisa.

Malaquía 2:1

“Prîs nani, nanara naha na man nani ra aisisna:

Malaquía 2:10

¿Yawan sut Aisa kumi baman brisa, ban apia? ¿Yawan sut Gâd kumi mita wan paskan, ban apia? ¿Bamna dîa kan yawan pana pana kunin muni wan damika nani, Gâd wal lâ daukan lâka ba krikisa?

Malaquía 2:8

“Sakuna man nani prîska lika, yabal kasak ba wina tnaya ra tawram; smalkankam nani ba ni upla ailal batakram. Baku man nani upla nani ra smalkram lâika Libai ra yabri ba warha daukaia.

Malaquía 3:5

Karnika sut bri Dawanka ba aisisa: “Yang balamni man nani mampara lâmka ba param aisi daukaia. Sukia baku upla ra kunin munisma, upla maya lâka sauhki banhwisma ba, swer taki kunin aisi nani ba, upla warkka taki nani ra tataibra nani ba, piarka nani ra, rau nani ra, nisankam apia nani ra saura munisma ba, bara yang ra sin ai kulkras sma ba.

Matiu 15:4

Kan Gâd pali naku win: ‘Aisikam, yaptikam wal kulks’, bamna ‘Ya mita ai aisika ra bara ai yaptika ra lahtubia kaka, mahka prubia.’

Matiu 15:6

bara ya ya baku aisabia ba, ai aisika ra bara ai yaptika ra hilp munaia apia sa. Baku man nani bui Gâd lâka ba bahki kulkram, man nani lâmka nani nina blikaia dukiara.

Matiu 19:19

aisikam bara yaptikam wal kulks; bara man wînam ra latwan kaikisma ba baku, uplikam ra sin latwan kaiks.’

Matiu 6:9

Baha mita, man nani naku puram suns: ‘Yawan Aisa kasbrika purara sma ba, ninam ba holikira kulkan kabia.

Matiu 7:21

“Baha nani yang ra ‘Dawan, Dawan’, ai wi nani ba baman lika kasbrika purara kingka tasbaya ra dimbia apia, sakuna ya ya Aisiki kasbrika purara ba kupia lâka dauki ba, baha nani lika.

Mark 10:19

Man, Gâd lâka nani ba pain kaikisma: ‘Upla ikpara, marit lâka sauhkpara, implikpara, upla ninara kunin aisapara, upla ra kunin munpara, aisikam bara yaptikam wal ba pain kulks.’

Mark 7:10

Kan Moses win: ‘Aisikam bara yaptikam wal kulks’, bara ‘Ya ai aisika bara ai yaptika wal ra lahtubia kaka, mahka pruaia aitani sa.’

Luk 10:29

Sakuna Lâ Smasmalkra ba ai makabanka ba wina swakwaia dukiara, witin Jisas ra naku win: —¿Yang upliki ba ya sa ki?

Luk 18:20

Man lika Gâd lâka nani ba kaikisma: ‘Marit lâka sauhkpara; upla ikpara; implikpara; upla wala dukiara kunin aisapara; aisikam yaptikam wal ba pain kulks.’

Luk 6:36

Man nani kupiam swapnikira bas, man nani Aisikam kupia swapni ba baku.

Luk 6:46

“¿Dîa kan man nani bui yang ra ‘Dawan, Dawan’ ai wisma, sakuna dîa mai wisna ba lika daukras sma?

Epesus 6:2

Naha sika lâ pas ba bara diara wankaia pramis win ba kasak sa: “Aisikam bara yaptikam ba kulki bas,

Kli Smalkanka 1:31

bara upla iwras tasbaya ra sin daukan ba. Dawan Gâd ai klahkla ra mai alki mai bri taukan yabalkam aiska ra, naha tasbaya ra balram ba kat, aisa kumi ai luhpia ai klahkla ra alki buki bri ba baku.’

Kli Smalkanka 32:6

¿baku Dawan ra aibapaia sma ki? Tawan saura kum sins lâka âpu sma ba, ¿witin ba man aisikam apia, man mai papaskra sin? ¡Witin mai paski rayakam maikan!

Kli Smalkanka 5:16

‘Man aisikam bara man yaptikam sin pain kulki bas, Dawan Gâdkam adarka mai win ba baku. Baku man piuam yari bri kama, bara diara sut man ra yamni takbia Dawan Gâdkam wina maikuya ba tasbaya ra.

1 Pita 1:17

Man nani bui Gâd ra puram sunisma ba ra, witin ra “Aisa” mâkisma, witinka upla mawan kulki kira lâ daukras ba, kumi bani dîa daukan ba kat lâka daukbia bamna; ba mita man nani naha tasba ra iwisma piua aiska ba, witin ra sibrinkira kaia sma.